Свет
Повеќе туристи, но и зголемување на криминалот: и Неапол воведува наплата на билети во градот

Советникот на општина Неапол Џенаро Еспосито предложи, поддржан од голем број комисии, во одредени периоди од годината да се воведе билет за центарот на градот по цена од пет евра, за да се стави крај на преголемиот број туристи кои ги затрупуваат италијанските градови и го оштетуваат културното наследство и ги спречуваат жителите да живеат нормален секојдневен живот, пренесува РТС.
Исто како Венеција, која оваа пролет воведе билети за центарот на градот во одредени делови од годината, а кои ќе се повторуваат во 2025 година со повисока цена и поголем број денови, и Неапол би можел да стане еден вид музеј на отворено во одредени периоди, бидејќи за пешачење по улиците Спаканаполи, Сан Грегорио Армено и Декумани особено за време на Божиќ, ќе треба да се плати влезница од пет евра, што е купен преку апликацијата, пренесува овој медиум.
Историскиот центар на Неапол е прогласен за светско наследство од УНЕСКО и го посетуваат милиони туристи секоја година.
Меѓутоа, зголемениот број на туристи во последно време доведува до тоа дека е невозможно да се движат во одредени области, до зголемен број на криминал т.н џепароши и сл., туристите не можат да видат за што дошле, а староседелците се практично спречени да живеат нормален живот, пренесува РТС. Има и атмосферско и звучно загадување и оштетувања на спомениците.
Еспосито изјавил, како што е соопштено, дека не се работи за наметнување данок, туку за средство кое може да го олесни протокот на туристи и да ги подобри услугите на трговците и квалитетот на животот на староседелците.
Често се случува туристите кои доаѓаат во Неапол само на еден ден да не придонесуваат за градот кој не е во состојба да го заштити неговото историско и уметничко наследство, пишува овој медиум. Неговиот предлог ги исклучува лицата кои живеат во Неапол, студентите, вработените во овие зони, како и ранливите категории.
Предлогот доведе до различни реакции. Од една страна се луѓето кои се за воведување на оваа картичка исто како онаа во Венеција и одредени картички во Рим за јавни споменици како што е Фонтаната ди Треви, а од друга страна се особено трговците и вработените во туристичкиот сектор, кои сметаат дека тоа ќе донесе само негативни последици за градот и неговата економија.
Оние кои се за воведување наплата на билетите сметаат дека тоа што билетот ќе се продава само во одредени периоди од годината нема да доведе до нарушување, додека другите сметаат дека градот е на сите, пишува РТС.
Советничката за туризам Тереза Армато изјави, како што е наведено, дека смета дека воведувањето на картичката би било контрапродуктивно бидејќи Неапол е познат како град со големо срце кој ги прифаќа сите и е познат по својата гостопримливост.
Џенаро Еспосито на својот Фејсбук профил и на профилот на Комитетот за подобар живот во Неапол објави како изгледа туризмот во Неапол во одредени зони и улици, заклучува РТС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Џими Кимел се враќа на екранот

Американскиот водител Џими Кимел утре се враќа на екранот со својот популарен ноќен шоу-програм, откако продукцијата беше привремено стопирана поради неговите контроверзни коментари за убиството на Чарли Кирк, соопшти Дизни.
„Емисјата ја суспендиравме за да избегнеме дополнителни тензии во чувствителен момент за земјата“, порачаа од компанијата, додавајќи дека по разговори со Кимел, одлучиле да продолжат со снимањето.
Кимел, познат по својата критика кон Доналд Трамп, на 14 септември коментираше дека осомничениот напаѓач, Тајлер Робинсон, бил поддржувач на поранешниот претседател. Тој ја исмеа и реакцијата на Трамп по убиството на Кирк, прикажувајќи изјава во која претседателот зборува за реновирање на Белата куќа.
„Ова не е начин на кој возрасен човек тагува по убиство на пријател. Вака четиригодишно дете тагува за златна рипка“, саркастично додаде Кимел.
Емисјата на Кимел се емитува на „Еј-би-си“, телевизија во сопственост на Дизни.
Свет
Франција ја призна Палестина

Францускиот претседател Емануел Макрон вечерва на Генералното собрание на ОН потврди дека Франција ја признава Палестина како независна држава.
Со ова, Франција се приклучува на земји како Обединетото Кралство, Канада и Австралија, кои го направија истиот чекор во последните недели.
„Светот е на чекор до губење на шансата за мир. Време е да се стави крај на војната во Газа“, порача Макрон, додавајќи дека решението со две држави е единствен пат.
Израел остро реагираше, оценувајќи дека признавањето е награда за тероризмот и повтори дека палестинска држава нема да се случи.
Палестинските власти го поздравија чекорот и го оценија како неповратен пат кон дводржавно решение.
Со Франција, вкупно 153 земји-членки на ОН – речиси 80 отсто ја имаат признато Палестина.
Во меѓувреме, Израелската офанзива продолжува. Според здравствени власти во Газа, во последните 24 часа загинале 61 лице, со што вкупната бројка од 7 октомври 2023 достигнува 65.344 загинати.
Свет
Голем напад со беспилотни летала врз Москва, небото е затворено

Москва вечерва беше нападната со беспилотни летала.
Градоначалникот на Москва, Сергеј Собјанин, објави дека противвоздушните сили собориле вкупно девет дронови , а подоцна уште два. Жителите на Московскиот регион слушнале експлозии на пристапот кон градот, а според првите информации што ги објавија руските медиуми, нема повредени или голема материјална штета.
Многу откажани и одложени летови
Повеќе од 35 летови беа откажани и одложени на московските аеродроми Шереметјево, Домодедово и Внуково во вечерните часови поради украински напади со беспилотни летала. Работата на аеродромот Шереметјево беше привремено суспендирана.
„До 20:19 часот по московско време, 21 лет беше одложен, а уште еден откажан во Шереметјево. Девет одложувања и две откажувања беа регистрирани во Домодедово, а четири летови беа одложени во Внуково“, објавуваат руските медиуми.
Руските медиуми наведуваат дека по нападот, тајната служба на ФСБ и Истражниот комитет ќе спроведат истрага и дека се очекува кривична постапка за тероризам. Оперативните служби на терен ги проверуваат остатоците од беспилотните летала и проверуваат дали предизвикале дополнителна штета.