Свет
Повлекувањето од Херсон завршено; Кремљ: регионот останува дел од Русија
Руското Министерство за одбрана објави дека го завршило повлекувањето на своите војници од западниот брег на реката Днепар во јужниот дел на украинската област Херсон.
Министерството соопшти дека повлекувањето е завршено утринава во 5 часот и оти армијата не оставила зад себе никаква опрема.
Портпаролот на Кремљ, Дмитриј Песков, изјави за новинарите дека Москва продолжува да го гледа регионот на Херсон како дел од Русија.
Непосредно пред руското соопштение, кабинетот на украинскиот претседател Володимир Зеленски ја опиша ситуацијата во регионот Херсон како „тешка“. Во извештајот се вели дека Русија гранатирала некои села и градови кои ги вратија украинските сили во последните недели за време на нејзината контраофанзива во регионот.
Во своето синоќешно редовно обраќање, Зеленски рече дека украинските сили повторно зазеле повеќе од 40 области околу градот Херсон, предупредувајќи дека руските сили оставиле зад себе „илјадници неексплодирани бомби и муниција“.
Околу 170.000 квадратни километри земја е покриена со мини, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.