Свет
Подготвен огнометот во земјите од Пацификот, кои први влегуваат во 2025 година

Земјите од Пацификот се меѓу првите кои влегуваат во новата година и подготвија огномет и собири на отворено, пишува денеска германската агенција dpa.
Како прв голем меѓународен центар кој ќе ја дочека Новата година, знаменитостите во најголемиот град во Нов Зеланд, Окленд, ќе бидат осветлени напладне или на полноќ по локално време.
За оваа пригода се подготвени седум песни кои ќе бидат синхронизирани со светла, ласери и огномет. Околу 500 килограми пиротехника ќе бидат лансирани од Sky Tower, највисоката кула на јужната хемисфера, која ќе приреди пет и пол минути огномет.
Планирањето започна пред шест месеци, а за извршување беа потребни 14 километри електрични кабли и 1.500 линии компјутерски код. На мостот Harbour Bridge, 90.000 светла што ја менуваат бојата ќе се изгаснат пред да пулсираат во последните 10 секунди од оваа година.
Главниот град Велингтон, исто така, ќе биде домаќин на огномет и музика во лагуната во центарот на градот.
Австралискиот град Сиднеј, кој е два часа зад Нов Зеланд, потоа ќе се најде во центарот на вниманието со прослава во пристаништето. Повеќе од милион луѓе се очекува да гледаат над девет тони огномет на ноќното небо.
Други големи австралиски градови, вклучувајќи ги Мелбурн, Бризбејн и Аделаида, исто така подготвија огномет за полноќ.
Киритимати, најголемиот остров на државата Кирибати, каде живеат околу 5.000 луѓе, е првиот населен остров кој влегува во новата година, но таму не се планирани поголеми настани.
Американска Самоа последна влегува во новата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Затворската казна за Саркози ја подели земјата околу тоа како судиите се справуваат со случаите на политички криминал

Затворската казна изречена на поранешниот француски претседател Никола Саркози ја подели земјата околу тоа како судиите се справуваат со случаите на политички криминал, додека лидерката на крајната десница Марин Ле Пен се подготвува да се обиде да ја поништи пресудата за проневера и да се кандидира за претседател во 2027 година, објави Ројтерс.
Парискиот суд ја шокираше политичката сцена во четвртокот кога на Саркози му изрече казна затвор од пет години затвор за криминален заговор во врска со обидот за собирање средства за кампања во Либија, објави агенцијата.
Саркози ќе биде и првиот претседател на Франција по Втората светска војна, кој ќе биде затворен.
Свет
Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања, како што се економијата и оружјето, изјави денеска украинскиот претседател Володимир Зеленски.
Украинскиот претседател беше во САД оваа недела, каде учествуваше на Генералното собрание на Обединетите нации и се сретна со американскиот претседател Доналд Трамп.
Тој рече дека споделил со Трамп „одредена визија за тоа што може да се направи“ како одговор на руските дејствија. Зеленски вети дека ќе возврати доколку Москва предизвика прекин на електричната енергија во Украина.
Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.