Европа
Подготовките за состанок меѓу Путин и Трамп се во тек, тврдат од Кремљ

Кремљ денеска соопшти дека Вашингтон не ја информирал Москва оти состанокот меѓу рускиот и американскиот претседател е откажан, односно дека во тек се подготовките за состанокот на претстојниот самит на Г-20.
Американскиот претседател, Доналд Трамп, за „Вашингтон пост“ изјави дека може да ја откаже средбата со рускиот претседател, Владимир Путин, на самитот на Г-20 во Аргентина, поради поморскиот судир меѓу Русија и Украина.
Портпаролот на Кремљ, Дмитриј Песков, изјави за новинарите дека Москва е запознаена со изјавата на Трамп, но дека по овој повод не добиле никакви дополнителни информации од САД.
„Средбата е договорена. Ние не добивме никакви други информации од нашите американски колеги“, рече Песков.
Трамп за „Вашингтон пост“ рекол дека очекува целосен извештај од својот тим за национална безбедност во врска со руската заплена на три брода на украинската морнарица и апсењето на нивниот екипаж.
Трамп рекол дека потоа ќе донесе одлука дали ќе има средба или не.
„Можеби нема да имам состанок. Не ми се допаѓа таа агресија, воопшто не ја сакам“, рекол Трамп.
Двајцата претседатели треба да се сретнат на маргините на самитот на Г-20 во Буенос Аирес, што ќе се одржи в петок и в сабота.
Руските сили пред три дена запленија три брода на украинската морнарица во теснецот Керч, меѓу Црното и Азовското Море, наведувајќи дека нелегално влегле во руските територијани води. По ова, во Украина беше воведена воена состојба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинци: Разнесевме радар за руски С-400 на Крим

Украинското воено разузнавање (HUR) извести за уште еден успешен напад врз окупираниот Крим, тврдејќи дека рускиот радарски систем 91N6E, клучна компонента на системот за воздушна одбрана С-400 Триумф, бил погоден во текот на ноќта помеѓу 28 и 29 август.
„Уште еден (руски) Триумф на полуостровот е „ослепен“, се вели во соопштението на агенцијата.
Како доказ, таа обезбеди црно-бели снимки од дрон наводно на кои се гледа моментот кога рускиот систем бил погоден, чија автентичност Kyiv Independent не можеше независно да ја потврди.
Овој напад е најновиот во серијата напади насочени кон компонентите на скапиот систем С-400. Да потсетиме дека кон крајот на јуни, украинските беспилотни летала ја погодија опремата за воздушна одбрана во Крим, оштетувајќи радарски единици и други делови од системот.
Украина претходно изврши успешни напади врз радарските системи С-400, како на Крим, кој Русија го окупираше во 2014 година, така и во руски региони како што е Белгородската област.
фото: принтскрин
Европа
Објавени имињата на некои Украинци убиени во вчерашниот руски напад

Идентитетите на Украинците убиени во вчерашниот руски напад, вклучувајќи ги и децата, се објавуваат на социјалните мрежи.
At least 23 people were murdered by Russians in Kyiv yesterday. The death toll is still rising as rescuers pull bodies from the rubble of homes. These are their names:
▪️ Angelina, 2 years old
▪️ Angelina’s 24-year-old mother Nadia
▪️ Maryna Hryshko, 17 years old, student
▪️… pic.twitter.com/CCrz1vJ7SU— Victoria (@victoriaslog) August 29, 2025
Во рускиот воздушен напад врз Киев вчера загинаа најмалку 23 лица, вклучувајќи и двегодишно дете, потврдија украинските власти.
фото: принтскрин
Европа
САД одобрија продажба на оружје на Украина во вредност од 825 милиони долари

Американскиот Стејт департмент одобри продажба на оружје на Украина, чија вредност се проценува на 825 милиони долари, објави Агенцијата за соработка во одбраната и безбедноста на САД (DSCA).
Пакетот вклучува ракети со долг дострел и соодветна опрема што ги побара Киев.
Како што е вообичаено со продажбата на странско оружје, агенцијата соопшти дека Конгресот е известен.
Американските власти велат дека продажбата ќе ги зајакне безбедносните капацитети на Украина и ќе придонесе за нејзината способност да се соочи со сегашните и идните закани, како и да спроведува мисии за самоодбрана и регионална стабилност.
Се вели дека купувањето е финансиски поддржано од САД, Данска, Холандија и Норвешка.
Објавата доаѓа откако Русија изврши повеќе од 600 ракетни и беспилотни напади во среда навечер, што е нејзина најтешко бомбардирање од крајот на јули, и покрај неделите дипломатски напори за прекин на конфликтот.
фото: принтскрин