Свет
Поддршка на министрите за одбрана на земјите членки на Г7 за „неповратниот пат на Украина кон членство во НАТО“

На самитот на министрите за одбрана на земјите членки на Г7, што се одржува во Неапол, денеска беше изразена поддршка за „неповратниот“ пат на Украина кон членство во НАТО, но загриженост беше изразена и за израелските закани упатени кон мировниците на Обединетите нации во Либан.
Првиот состанок на МО на Г7 се одржува додека Израел и либанскиот Хезболах разменуваат оган, на денот кога беше лансиран дрон во резиденцијата на израелскиот премиер Бенјамин Нетанјаху, пренесува Ројтерс.
Во 2024 година, Италија е ротирачки претседавач на Г7 во време кога Западот се соочува со напредување на Русија во Украина, воени активности на Кина околу Тајван и зголемени тензии долж границата меѓу Северна и Јужна Кореја.
Италијанскиот министер за одбрана Гидо Крочето, кој беше домаќин на состанокот во Неапол, изјави за новинарите дека Г7 не може сама да ги реши глобалните тензии, но дека е неопходно да се поттикне акцијата на пошироката меѓународна заедница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски вели дека постои вистинска можност да заврши војната во Украина

Претседателот на Украина, Володимир Зеленски синоќа најави дека следните денови ќе бидат готови безбедносните гаранции за неговата земја.
Тој, по телефонскиот разговор со премиерот на Холандија, Дик Шуф, на платформата Икс објави дека „во моментот тимови на Украина, САД и европските партнери работат на решение“.
Според Зеленски постои „вистинска можност да се заврши оваа војна“, додавајќи дека Украина е „подготвена за конструктивни чекори што можат да доведат до вистинскиот мир“.
– Русија од своја страна не покажува намера за мир и продолжува да ги гранатира нашите градови. Сите сигнали што доаѓаат од Москва овие денови ги толкуваме на ист начин. Ни треба притисок за промена на нивниот став, како и состанок на највисоко ниво за да се разговара за сите прашања, посочи Зеленски.
Свет
Северна Кореја тестираше нови ракети

Северна Кореја вчера истрела два нови противвоздушни проектили за уништување на различни воздушни цели, меѓу кои дронови и крстосувачки ракети. Тестирањето на новото оружје го надгледуваше севернокорејскиот лидер Ким Џонг-ун.
Како што јави Корејската централна новинска агенција (КЦНА) новото оружје има „супериорна борбена способност“ и користи „единствена технологија“.
Тестирањето на ново оружје се одвива во време на зголемени тензии со Јужна Кореја. Официјален Сеул вчера соопшти дека на 19 август јужнокорејски војници отвориле предупредувачки оган кон припадници на севернокорејската армија, кои накратко навлегле во Демилитаризираната зона.
Исто така во регионот се одржува заедничка воена вежба помеѓу Јужна Кореја и САД, а за утре е предвидена средба на американскиот претседател Доналд Трамп со новоизбраниот јужнокорејски претседател Ли Џае-мунг.
Свет
Фабрики за оружје во неколку држави отвори Иран

Иранскиот министер за одбрана Азиз Насирзадех тврди дека Иран во неколку држави создал инфраструктура за производство на оружје.
Тој не соопшти во кои земји Иран ќе произведува оружје, но најави дека фабриките најверојатно официјално ќе бидат отворени.
Насирзадех наведе пред војната со Израел еден од приоритети на Иран бил развивање на ракети, но оти сега „би можеле да се сменат приоритетите“.