Свет
Пожар во националниот парк Комодо во Индонезија
Неколку ридови на еден од островите што се дел од националниот парк Комодо во Индонезија беа погодени од голем пожар.
Според официјалните претставници, островот не е населен, а ниту еден од туристите или живиот свет не бил повреден во пожарот.
Противпожарните екипи осум часа се бореле со огнената стихија, која, за среќа, ја ставиле под контрола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
За една недела тројца исчезнати туристи пронајдени мртви на грчките острови
За само една недела тројца исчезнати туристи се пронајдени мртви на грчките острови, јавија грчките медиуми. Турист од САД кој исчезна на островот Матраки вчера е пронајден мртов како трет во изминатата недела, јавува грчката телевизија Скај њуз.
55-годишен маж исчезна од својот хотел на грчкиот остров Матраки во Јонското Море минатиот вторник, а 74-годишен маж од Холандија беше пронајден мртов на островот во саботата.
Британскиот ТВ водител д-р Мајкл Мозили беше пронајден мртов на егејскиот остров Сими пред една недела. Тој очигледно паднал по стрмна падина, изјави градоначалникот на Сими, Лефтерис Папакалодукас за Sky News.
Според грчките медиуми, во Грција моментално се водат како исчезнати уште неколку туристи.
Американски турист, 59-годишниот Алберт Калибет, исчезна на егејскиот остров Аморгос додека планинареше, а операцијата за потрага по двајца исчезнати француски туристи продолжува на егејскиот остров Сикинос.
Во соопштението на грчките власти се наведува дека спасувачката мисија ќе користи доброволци, пожарникари и ќе регрутира дополнителен полициски тим од блискиот остров Иос.
Свет
Шест лица загинаа во свлечиште во Еквадор, 30 се водат за исчезнати
Најмалку шест лица загинаа, а 30 се водат за исчезнати во лизгање на земјиште во градот Банос де Агуа Санта во централен Еквадор, соопштија властите.
Свлечиштето е предизвикано од силно невреме кое во неделата ги зафати Централна и Јужна Америка, а предупредувања за лизгање на земјиштето и поплави беа издадени во повеќе земји, пренесува Ројтерс.
Властите во Ел Салвадор издадоа предупредување поради обилните врнежи, а во Гватемала неколку авиокомпании ги пренасочија летовите.
Свет
Јенс Столтенберг: НАТО размислува да стави нуклеарно оружје во состојба на готовност
Генералниот секретар на НАТО Јенс Столтенберг изјави дека имало консултации меѓу членките на Алијансата за отстранување на нуклеарното оружје од складиштето, негово распоредување и подготвеност, наведувајќи дека транспарентноста во овој случај е одвраќање.
„НАТО разговара за распоредување на повеќе нуклеарно оружје во услови на растечка закана од Русија и Кина“, изјави Столтенберг за британски Телеграф.
Според него, Алијансата мора да го покаже својот нуклеарен арсенал за да испрати директна порака до своите противници.