Свет
Покренати се тужби поради наводни здравствени нарушувања по вакцинацијата против коронавирус
Во Германија се поднесени 185 граѓански тужби против производителите на вакцини против коронавирус.
Тужителите тврдат дека им наштетила вакцинацијата на нивното здравје.
Според адвокатите, ширум Германија се поднесени најмалку 185 граѓански тужби за наводни штети предизвикани од вакцинација против коронавирусот.
Поднесени се тужби против четири големи производители на вакцини против коронавирус: Бајонтек, Модерна, Астра зенека и Џонсон и Џонсон.
Во сите овие тужби, клучното прашање што треба да се докаже е дали постои поврзаност помеѓу вакцинацијата и штетата. Според адвокатите и лекарите, експертите на крајот ќе треба да пресечат.
Првото судење најверојатно ќе започне на 28 април во Окружниот суд во Франкфурт. На обвинителна клупа ќе биде производителот на вакцини Бајонтек од Мајнц.
Тужителот е жена која тврди дека претрпела оштетување на срцето како резултат на вакцинирање против Ковид-19. Жената, која, според нејзиниот адвокат, и самата е медицински професионалец, сака да остане анонимна.
Бајонтек нагласува дека „досега, во ниту еден од случаите што ги испитале, не е докажана причинско-последична врска помеѓу опишаните здравствени оштетувања и вакцинацијата со нивната вакцина“.
„Многу сериозно ја сфаќаме нашата одговорност како производител на вакцини“, рече портпаролката на компанијата. Секој предмет во кој се поднесуваат тужби против таа фирма е внимателно разгледан, но предуслов е адвокатите да достават доволно документи.
„Кога оценуваме случај, за да процениме дали постои причинско-последична врска или не, можеме да се потпреме исклучиво на медицински факти. За жал, тоа многу често не е случај“.
Во принцип, истите правила за одговорност важат за вакцините против коронавирусот како и за другите лекови, според германскиот закон за лекови или Законот за одговорност за производите.
Производителот може да биде одговорен доколку има дефект во самиот производ. Но, ако, на пример, имало грешка при администрирањето на лекот, тогаш одговорен е тој што вакцинирал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.