Свет
Половина од Американците примиле најмалку една доза вакцина против Ковид-19
САД достигнаа уште една важна пресвртница во програмата за масовно вакцинирање – половина од возрасната популација е вакцинирана со најмалку една доза, додека повеќе од една четвртина се вакцинирани со потребните две дози, пишува Си-ен-ен.
Според Центарот за контрола и превенција на болести (ЦДЦ) објавен во неделата, 18 април, повеќе од 84 милиони луѓе – приближно 25,4 проценти од населението – се целосно вакцинирани.
ЦДЦ вели дека повеќе од 129 милиони Американци примиле барем една доза на вакцина против Кковид-19, или приближно 39,5 проценти од вкупната популација на САД.
Од понеделник, 19 април, сите над 16-годишна возраст во САД ќе имаат право на вакцина.
Експертите проценуваат дека некаде помеѓу 70-85 проценти од луѓето во САД треба да бидат имуни на вирусот – или преку инокулација или претходна инфекција – за да се спречи понатамошно ширење на вирусот.
Но, загриженоста околу пристапот и недовербата кон вакцините останува проблем.
Пресвртница во кампањата за вакцинација во САД тече со повеќе од три милиони дози на ден. Сепак, според последната анкета, секој петти Американец не е подготвен да се вакцинира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.