Европа
Полска воведува построги казни за педофили, можат да добијат и до 30 години затвор
Полските власти денеска ги објавиja плановите за построги казни за сексуална злоупотреба на деца, само неколку дена откако политичкото раководство на земјата беше потресено од документарен филм за педофилија во Католичката црква, тесно поврзана со владејачката десничарска партија „Право и правда“.
Во само три дена откако беше објавен на „Јутјуб“, повеќе од 11 милиони луѓе го гледале документарниот филм „Само не му кажувај на никого“. Филмот содржи сведоштва на Полјаци кои се соочиле со свештеници, за кои велат дека ги силувале кога биле деца, односно презентира наоди дека веќе познати педофили биле распоредени во различни парохии.
Документарецот брзо предизвика јавна огорченост, а адвокати и новинари ја повикаа полицијата да поведе кривична истрага.
Левата прогресивна опозициска партија Wiosna (Пролет) вчера имаше во план да го проектира документарниот филм на зграда во близина на седиште на црквата. Полицијата го заплени проекторот и го блокираше одржувањето на настанот.
Во меѓувреме, Владата најави промени во казненото право со кои казните за педофилија би се зголемиле на до 30 години.
„Мачењето и педофилијата досега беа многу благо казнувани“, рече на прес-конференција премиерот Матеуш Моравиецки.
„Секое одвратно и сурово општествено однесување, особено педофилија, ќе биде уште повеќе стигматизирано“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.