Европа
Полска за падот на воениот дрон: „Русија повторно ги провоцира земјите од НАТО“

Полскиот министер за надворешни работи Радослав Сикорски реагираше на синоќешниот инцидент, кога воен дрон се урна во источна Полска, а министерот за одбрана тврди дека станува збор за дрон од руско потекло.
Како што објави на социјалната мрежа Икс, тоа е „уште едно нарушување на нашиот воздушен простор од исток“ што, според него, потврдува дека најважната мисија на Полска во рамките на НАТО е одбраната на сопствената територија.
Сикорски рече дека ќе биде поднесен официјален протест „против сторителите“, без да ја именува земјата за која се верува дека стои зад инцидентот.
Kolejne naruszenie naszej przestrzeni powietrznej ze Wschodu potwierdza, że najważniejszą misją Polski wobec NATO jest obrona naszego własnego terytorium.
Będzie protest MSZ wobec sprawcy.— Radosław Sikorski 🇵🇱🇪🇺 (@sikorskiradek) August 20, 2025
Полскиот вицепремиер и министер за одбрана Владислав Косињак-Камиш потврди дека се верува дека дронот што експлодираше во Полска синоќа потекнува од Русија, објави „Гардијан“.
„Русија повторно ги провоцира земјите од НАТО по инцидентите со дронови во Романија, Литванија и Латвија“, рече тој.
🇵🇱 Na území Lublinského vojvodství došlo k pádu neznámého objektu, který explodoval v okrese Łuków na východě Polska. Podle předběžných informací při incidentu nikdo neutrpěl zranění.
📹 Na sociálních sítích se nyní objevilo video z kamerového systému – záběry pocházejí z polské… pic.twitter.com/LnXHxuV3AO
— neČT24 (@42TCen) August 20, 2025
„Ова се случува во особено важен момент, додека се во тек мировните преговори. Се случува во време кога постои надеж дека војната што ја започна Русија – војна против украинската држава, но и војна што ја загрозува безбедноста на земјите од НАТО – има шанса да заврши.“
„Ќе кажам едно со сигурност: Русија никогаш нема да го признае ова. Исто како што не призна ниту еден од осумте инциденти во Молдавија, три во Романија, три во Литванија, два во Латвија или инцидентот со дронот во Бугарија“, рече Косињак-Камиш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Шведскиот премиер: Подготвени сме да го чуваме украинското небо

Шведскиот премиер Улф Кристерсон изјави во интервју за шведскиот P4 Extra дека земјата е подготвена да ѝ помогне на Украина во областа на воздушниот надзор и поморските ресурси, објави Sweden Herald.
Премиерот не одговори на прашањата за испраќање копнени сили во Украина.
„Мислам дека не станува збор за преместување на многу големи единици од други земји во Украина, туку за преземање одговорност од страна на Украина за сопствената земја на начин што е толку кредибилен што Русија нема да се обиде повторно“, нагласи Кристерсон.
Во исто време, тој увери дека Шведска сака да биде вклучена во обезбедувањето сигурносни гаранции за Украина.
„Сакаме да бидеме вклучени, но тоа мора да биде во форми што се безбедни и сигурни и каде што знаете во што се впуштате“, нагласи премиерот.
фото: принтскрин
Европа
Холандија испраќа 300 војници и два системи „Патриот“ во Полска

На почетокот на декември, 300 холандски војници со два системи за воздушна одбрана „Патриот“ и системи против беспилотни летала ќе се упатат кон Полска за да ги заштитат испораките на воена опрема во Украина од руски напади, објави холандскиот НОС.
Системите за воздушна одбрана не се наменети за одбивање на напади на украинска територија, додава холандскиот медиум.
Холандскиот министер за одбрана Рубен Брекелманс изјави дека распоредувањето има за цел да го заштити источното крило на НАТО, кое служи како клучна воена база за поддршка на Украина, како и да ја одврати и обесхрабри Русија.
Холандската мисија ќе трае најмалку до крајот на мај. Се забележува дека додека два система „Патриот“ се привремено распоредени во Полска, еден ќе остане во Холандија, што ќе овозможи одржување на националната безбедност.
Министерот, исто така, додаде дека активностите на НАТО во Полска и одвраќањето од Русија придонесуваат за заштитата на Холандија.
Претходно, Холандија се согласи да распореди борбени авиони Ф-35 во Полска, кои ќе го следат воздушниот простор на НАТО заедно со нивните норвешки колеги од 1 септември до 1 декември.
фото: принтскрин
Европа
Литванија: Подготвени сме да обезбедиме војници и оружје за мисијата во Украина

Литванија би била подготвена да придонесе со војници и опрема за која било мировна мисија во Украина, изјави претседателот Гитанас Науседа во телевизиско интервју.
„Подготвени сме да придонесеме со онолку војници колку што дозволува парламентот за мировни операции, како и воена опрема“, изјави Науседа за телевизијата ТВ3.
Во услови на забрзани дипломатски напори за завршување на војната, западните земји разговараат за можноста за испраќање мировници во Украина во случај на мировен договор меѓу Москва и Киев.
фото: принтскрин