Свет
Полска и Австрија ќе отстапат од договорот на ОН за миграција
Австрија веројатно ќе им се придружи на САД и на Унгарија во повлекувањето од миграцискиот пакт на ОН, изјави австрискиот кианцелар Себастијан Курц по веста дека Полска се подготвува да се откаже од договорот поради безбедносни проблеми, пренесува „Ројтерс“.
На прес-конференцијата во средата, Курц ја наведе загриженоста за суверенитетот во врска со Глобалниот договор за безбедна, уредна и редовна миграција во кој се тврди дека огромните движења на луѓе преку границите се неизбежни, неопходни и пожелни.
„Ние имаме критички став кон некои од точките во овој договор. Затоа ќе сториме сé за да го одржиме суверенитетот на нашата земја и да осигуриме дека како Република Австрија можеме сами да одлучуваме за прашањата на миграцијата”, објави канцеларијата на Курц.
Говорејќи по состанокот на кабинетот, Курц рече дека и данскатата влада изразила слична загриженост во врска со договорот кој претходно беше потпишан од сите земји-членки на ОН освен од САД, кои се повлекоа минатата година.
Вицеканцеларот Хајнц-Кристиан Штрахе од популистичката Слободарска партија додаде дека владата ги разгледува правните импликации на документот.
„”Не може да се усвојат какви било формулации кои би можеле или ќе се толкуваат со значење дека миграцијата може да биде човеково право. Тоа може и не мора да биде случај “, рече тој.
Претходно неделава, полскиот министер за внатрешни работи Јоаким Бруџински рече дека препорачува Варшава да се повлече од глобалниот пакт, наведувајќи дека нацртот на договорот не содржи соодветни силни гаранции за сувереното право на нациитете да одлучуваат кој влегува на нивната територија ниту пак прави разлика меѓу легалната и нелегалната миграција. „Ние сакаме Полјаците да бидат безбедни во сопствената земја. Унгарија е исто така критична кон договорот”, рече министерот, нагласувајќи дека безбедноста на граѓаните е најважен приоритет на владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.