Свет
Поминале 60 часа без храна и вода под земја, тројца рудари спасени во Авганистан
Тројца рудари заробени по лизгање на земјиште во рудник за злато во североисточната авганистанска провинција Бадахсан се спасени, соопштија локалните власти.
Рударите поминале повеќе од 60 часа без храна и вода под земја во областа Јаван пред да бидат спасени од локалното население и властите.
Тие ископале тунел за да извлечат злато, но тој се урнал неколку часа пред земјотрес да го погоди регионот.
Спасените рудари беа пренесени со воен хеликоптер во болница во главниот град.
Локалните власти велат дека спасувачката мисија била тешка бидејќи се работело за планинско подрачје со лоши патишта, а имало и недостиг на соодветна опрема.
Во провинцијата Бадахсан има рудници за злато кои локалното население незаконски и непрофесионално ги експлоатира за нивните секојдневни потреби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Поради интензивирање на конфликтот меѓу Израел и Хезболах денеска се откажани над 30 летови во Бејрут
Поради интензивирање на конфликтот меѓу Израел и либанското движење Хезболах, денеска беа откажани повеќе од 30 летови за и од Бејрут.
Веб-страницата на меѓународниот аеродром Рафик Харири во Бејрут објави дека 15 појдовни и 29 влезни летови биле откажани од различни авиокомпании, вклучително и Катар ервејс и авиокомпании од Обединетите Арапски Емирати и Турција, пренесува Ројтерс.
Германската авиокомпанија Луфтханза ги прекина летовите за Бејрут до 26 октомври.
Свет
(Видео) Кан под вода, улиците како реки
Силно невреме предизвика поплави и значителна материјална штета во францускиот град Кан, но нема повредени.
Обилните врнежи предизвикаа поројни поплави, а водата влезе во подруми, гаражи и продавници, а затворени се и сите училишта во градот, јавува БФМТВ.
Градоначалникот на Кан, Дејвид Линар изјави дека нема предупредување ниту од префектурата, ниту од националните метеоролошки служби, кои не го предвидоа вчерашното невреме.
In France, the streets of Cannes turned into rivers this morning following torrential rain 🌊👀pic.twitter.com/iQ7cZ4B9Qw
— Volcaholic 🌋 (@volcaholic1) September 23, 2024
Тој објави на Фејсбук дека службите на градот Кан добиле предупредување од државата „еден час по невремето“.
Линар потврди дека многу брзо е формиран кризен штаб и дека итните служби ја санирале штетата на терен, пренесе Ројтерс.
Регион
Поднесено обвинение за убиството на Данка Илиќ
Вишото јавно обвинителство Заечар поднесе обвинителен акт против Срѓан Јанковиќ и Дејан Драгијевиќ, поради сомнение дека го убиле девојчето Данка Илиќ (2) во селото Бањско Поље кај Бор, дознава Нова.рс.
Обвинението е доставено до Вишиот суд пред неколку минути.
Двајцата се обвинети дека со автомобил на јавното комунално претпријатие „Водовод“ удриле девојче, а потоа ја задавиле и ѝ го сокриле телото на позната локација.
Случајот на Данка Илиќ првпат во Србија го активира системот „Најди ме“.