Свет
Помпео го посети Голанскиот регион во Сирија
Мајк Помпео го посети Голан, што е прва посета на државен секретар на САД на таа сириска територија под израелска окупација, предупредувајќи дека би било „опасно“ за еврејската држава доколку таа стратешка област остане под сириска контрола.
„ Замислете колку би било опасно за Западот и за Израел доколку таа територија биде под контрола на Асад“, рече Помпео во Голан.
Соединетите држави под претседателство на Доналд Трамп се единствената земја што го признала израелскиот суверенитет на таа висорамнина што беше одземена од Сирија во Шестдневната војна во 1967 година.
„Ова е дел од Израел, важен дел од Израел“, додаде Помпео, кој разговараше таму со израелскиот колега Габи Ашкенази.
„Како поранешен директор на ЦИА, тој ги знае фактите, но сакаше да дојде тука за да се увери и да слушне извештај од воените команданти“, рече Ашкенази.
Денес на Голанската висорамнина живеат околу 25.000 доселеници заедно со околу 23.000 Друзи кои главно се чувствуваат Сиријци, но имаат постојан престој во Израел.
Оваа територија, северно од Галилејското Море, е стратешки важна поради нејзиниот извор на вода.
Израел посочува дека милициите блиски до Иран, ја користеле сириската војна за да се консолидираат на територијата на Сирија.
Израел изврши стотици воздушни и ракетни напади врз Сирија од почетокот на војната во 2011 година, насочени кон иранските сили и борците на Хезболах кои му помагаат на сирискиот режим во војната и силите на сириската влада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Славен, но празен: Егзодус на грчки остров, нема деца, училиштата се затворени
Кога ќе пристигне зимата на Антикитера, и онака малото население на изолираниот грчки остров уште повеќе се намалува.
„Ние сме дваесетина, нема деца, нема пекара“, вели началникот Јоргос Хархалакис, кој прави се што може за да го оживее малиот остров во Егејското Море. „Не се откажувам“, изјави тој за АФП, птенесе „Индекс“.
Антикитера, остров помеѓу Китера и Крит, како и многу други рурални региони во Грција, страда од сериозна депопулација. Островот е со големина на хрватскиот Вир и има 39 жители според пописот од 2021 година. Пред Втората светска војна имал илјада.
Хархалакис (37) сè уште се сеќава на своите први години во основно училиште во 1990-тите, пред неговото семејство, како и многу други, да биде принудено да се пресели на копното поради финансиски проблеми. Во тоа време, островот бил дом на фармери, рибари и сточари, рече тој. Денеска е населено само пристанишниот град Потамос.
Во карпестите височини на Антикитера сè уште се видливи сувите ѕидови на терасовите полиња меѓу напуштените и урнати куќи. Единствената врска на островот со надворешниот свет е бродот до Китера и Крит.
Поради егзодусот на жителите, основното училиште беше затворено на крајот на минатиот век, но накратко беше отворено во 2018 година за само тројца ученици, децата на Деспина и Диониз Андроникос, брачен пар кој се врати на островот од Атина.
„Кога мојата најстара ќерка заврши основно училиште во 2021 година, моравме повторно да заминеме за да може да оди во средно училиште во Китера“, рече Диониз Андроникос.
Училиштето беше принудено повторно да се затвори. На почетокот на оваа учебна година иста судбина имаа уште десет училишта низ Грција поради недостиг на ученици. Стапката на фертилитет во Грција е 1,43, што е под просекот на ЕУ од 1,53 деца, покажуваат податоците на агенцијата на ЕУ Евростат. Неодамнешното истражување на Грчкиот институт за демографски истражувања (ИДЕМ) покажа дека секоја трета општина во земјата има помалку од 10 раѓања годишно.Институтот ова го припишува на стареењето на населението во Грција, но и на „екстремно нерамномерната распределба на населението“.
Повеќе од една третина од Грците живеат во Атина. Со повеќе од една петтина од населението на возраст од 65 и повеќе години, Грција е на четвртото место меѓу земјите-членки на ЕУ со најголем број стари лица. Само Италија (23,8 отсто), Португалија (23,7 отсто) и Финска (23,1 отсто) се повисоко рангирани, според Евростат. За да бидат работите уште полоши, повеќе од половина милион млади луѓе ја напуштија земјата за време на финансискиот колапс во последната деценија.
Хархалакис вели дека главниот проблем во Антикитера е недостатокот на инфраструктура.
„Државата мора да понуди стимулации за изградба на куќи и продавници“, рече тој. Во зима, на островот има само едно кафуле, кое исто така е мала продавница. Со него управува човек на возраст од осумдесет години.
„Локалната популација старее и иднината на островот е доведена во прашање“, вели Кетрин Дехосал, пензионирана Французинка која времето го поминува меѓу островот и нејзината татковина. Оваа година Владата воведе стимулации за новороденчињата за борба против демографскиот колапс. Но, експертите предупредуваат дека зголемувањето на бројот на раѓања не е единствениот одговор.
„Стапките на смртност и имиграцијата играат важна улога и не треба да се минимизираат“, рече Вирон Коцаманис. Хархалакис се надева дека планираната опсерваторија за климатски промени на островот ќе создаде работни места.
Антикитера веќе ужива голема слава во научниот свет. Таму, на почетокот на 20 век, нуркачите со сунѓери пронајдоа астролошки часовник од вториот век во бродолом од римската ера, за кој се верува дека е најстариот компјутер во светот.
Свет
Пронајдени телата на четворица патници од авион којшто исчезна пред 56 години во Индија
Телефонски повик стави крај на повеќедецениското чекање – поточно 56 години и осум месеци.
Повикувач од полициска станица во областа Патанамтита во јужната индиска држава Керала му дал на Томас Томас неочекувана вест – телото на неговиот постар брат Томас Черијан конечно е пронајдено.
Шериан беше еден од 102-та патници во авион на индиските воздухопловни сили кој се урна на Хималаите во 1968 година откако наиде на тешки временски услови, пишува Би-Би-Си.
Авионот исчезна од радарот додека летал над преминот Рохтанг. Со години, судбината на леталото беше мистерија.
Потоа, во 2003 година, тим од планинари го пронајде телото на еден од патниците.
Во годините што следеа, воените експедиции за пребарување открија уште осум тела, а во 2019 година, остатоците од авионот беа извлечени од планините.
Пред неколку дена, несреќата од 1968 година повторно се најде на насловните страници, откако армијата извлече четири тела, вклучувајќи го и она на Черијан.
„Конечно можам повторно да дишам“, рече Томас.
Черијан, второто од петте деца, имал само 22 години кога исчезнал. Тој се качил на авион за да стигне до својата прва теренска позиција во хималајскиот регион Лех.
„Нашиот татко почина во 1990 година, а нашата мајка во 1998 година, и двајцата чекаа вести за нивниот исчезнат син“, рече Томас.
Официјалните лица користеле сателитски снимки, радари и беспилотни летала за да ги лоцираат телата, рече полковникот Лалит Паларија.
Свет
Виетнам и Кина ги зајакнуваат врските, потпишаа 10 договори
Виетнам и Кина потпишаа 10 договори кои се движат од земјоделска соработка до прекугранични плаќања со QR код за време на тридневната посета на кинескиот премиер Ли Чијанг на Ханој, додека двете соседни земји се обидуваат да ги зајакнат врските.
Кина е најголемиот трговски партнер на Виетнам и клучен увозник на неговите производи, а нивната билатерална трговија скокна за 21 отсто во првите три квартали во споредба со истиот период минатата година на 148 милијарди долари.
Церемонијата на потпишување уследи по средбата на Ли со виетнамскиот премиер Фам Мин Чин. Ли и шефот на Комунистичката партија на Виетнам, претседателот То Лам, се договорија во саботата да ги зајакнат економските врски и соработката во производството на земјоделски производи.
Виетнамскиот премиер Фам Мин Чин побара од Кина да ја зајакне земјоделската трговија со Виетнам, да ја отвори вратата за виетнамските земјоделски производи и да го подобри граничното царинење, објави државната Виетнамска телевизија (ВТВ).
„Виетнамскиот премиер исто така предложи двете земји да соработуваат за имплементација на потпишаните документи за железничко поврзување, ефективен развој на модерни железници“, објави ВТВ.
Двата азиски соседи изразија интерес за зајакнување на железничките врски, но не објавија конкретни планови. Главната рута се потпира на шините што го поврзуваат Кунминг во јужната кинеска провинција Јунан со Ханој и виетнамскиот пристанишен град Хаифонг.
Оваа пруга е изградена од Французите за време на колонизацијата на Виетнам пред повеќе од еден век и сè уште е во употреба во Виетнам. Кина ја замени својата рута со брзи врски.
Во саботата, виетнамската National Payment Corp и кинеската UnionPay International потпишаа договор за воведување прекугранични плаќања меѓу двете земји.