Свет
Поплавите во Индонезија однесоа 89 животи, 159 луѓе се повредени

Најмалку 89 лица загинаа, а десетици се водат како исчезнати како последица на поплавите и лизгањето на земјиштето во источната индонезиска провинција Папуа, соопштија денеска официјални лица.
Во повеќе делови во пошироката област на Џајапура уништени се патишта и мостови, што ја забавува интервенцијата на спасувачките тимови.
Според зборовите на официјалните претставници, највеќе е погодена областа Сентоно, каде што лизгањето на земјиштето се спуштило од планина кон река која потоа се излила од своето корито, ставајќи го локалното население во голема опасност.
Директорот на индонезиската Агенција за природни катастрофи, Сутопо Пурво Нугрохо, рече дека досега се пронајдени тела на 89 лица, а 159 луѓе се повредени.
Агенцијата АП соопшти дека 84 лица се во болница, многу од нив со фрактури и повреди на главата.
Се стравува дека бројот на жртвите ќе расте.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.