Свет
Поплави во Кина: 33 мртви, десетици илјади евакуирани

Десетици илјади луѓе се евакуирани од поплавените подрачја во централниот дел на Кина во четвртокот, а бројот на жртви порасна на 33 лица.
Неколку градови беа поплавени и посевите уништени бидејќи катастрофалното време се прошири на север, а официјалната новинска агенција „Синхуа“ досега објави директни економски загуби од 189 милиони долари.
Метеоролошките служби го зголемија нивото на предупредување за невреме за четири града во северниот дел на Хенан на црвено – највисоко ниво на системот за предупредување во четири фази.
Меѓу загинатите се и 12 лица што биле во подземната железница во главниот град на провинцијата Џенгџоу, околу 650 километри југозападно од Пекинг, која беше поплавена. Осум лица се водат за исчезнати во целата провинција.
Повеќе од 73.000 луѓе се евакуирани од градот Анјанг, на границата со провинцијата Хенан и Хебеи, кога од понеделникот беа поплавени од над 600 мм дожд, објави официјалната новинска агенција „Синхуа“.
Ксинџијанг, мало гратче северно од Џенгџоу, забележа 812 мм дожд помеѓу вторникот и четвртокот соборувајќи ги локалните метеоролошки рекорди. Седум вештачки езера се излеаја во градот, а погодија многу блиски села и градови.
Од крајот на средата, повеќе од 470.000 луѓе и повеќе од 55.000 хектари земјоделски култури се погодени од врнежите од дожд. Локалната влада распореди повеќе од 76.000 членови на тимот за пребарување и спасување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.