Европа
Поради дефект на авионот, германскиот шеф на дипломатијата остана заглавен во Мали
Германскиот шеф на дипломатијата, Хајко Мас, остана блокиран на Мали поради дефект на службениот авион. Овој дефект се додава на долгата листа технички проблеми што последните месеци се случуваат на патувањата на германски функционери.
„Мас вчера требаше да се врати од посетата на Западна Африка во текот на која ги посети Сиера Леоне, Буркина Фасо и Мали, но владиниот авион со кој патувал имал технички дефект и морало да го продолжи престојот во Бамак“, соопшти портпаролот на Министерството.
Овој дефект се додава на долгата листа технички проблеми што последните месеци се случуваат на патувањата на германски функционери.
Германската канцеларка Ангела Меркел доцнеше на самитот Г20 во Аргентина на крајот на ноември лани поради технички проблем на владиниот „ербас“, кој мораше да слета во Келн.
На крајот на јануари, претседателот на Германија, Франк Валтер Штајнмаер, остана блокиран во Етиопија поради дефект на друг владин „ербас“.
Министерот за развој, Герд Милер, беше принуден да ја откаже од планираната посета на Намибија на почетокот на годинава исто така поради дефект на авион.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес ја погоди Романија
Во текот на ноќта на територијата на Романија е забележан силен земјотрес со јачина од 4,2 степени според Рихтеровата скала, објави ЕМСЦ.
Според податоците, земјотресот се случил синоќа околу 23 часот, а епицентарот бил блиску до Букурешт.
Меѓутоа, американскиот USGS наведува малку поинакви размери, па тврдат дека бил уште посилен – 4,4 степени според Рихтеровата скала.
Засега нема информации за евентуална штета или повредени.
Европа
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Европа
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.