Свет
Поради лажни снимки и информации на интернет, во Индија за неколку месеци се убиени над 20 лица
Апликацијата за размена на пораки „Ватс ап“ објави дека ќе започне тест за ограничување на пораките што стигаат до нивните корисници на глобално ниво бидејќи индиските власти побараа да се спречи ширењето на шпекулациите што во оваа земја доведоа и до убиства.
Насилните инциденти предизвикани од лажни пораки во Индија, инаку земја со најголем број корисници на „Ватс ап“ (повеќе од 200 милиони), ги поттикнаа властите да се обидат да ја спречат циркулацијата на лажни пораки со провокативна содржина.
Според информациите на властите, од април годинава, поради пораки со лажна содржина, загинале повеќе од дваесет лица, вклучувајќи ги и 65-годишната жена со име Рукмани и нејзините двајца 34-годишни братучеди.
Имено, жителите на селото Атимур ги обвиниле дека киднапирале деца и дигнале побуна поротив нив по што тие биле пречекани на одредена локација во селото и биле тепани со метални и дрвени прачки. Рукмани и нејзините роднини не го преживеале нападот, а на семејството сè уште не му е јасно зошто биле убиени.
Според „Њујорк тајмс“, во сојузната индиската држава Махараштра преку „Ватс ап“ кружело видео на кое се гледаат осакатени детски тела, но никој не може да ја потврди автентичноста на снимките.
Киднапирањето деца во Индија е еден од најголемите стравови меѓу населението, а во лажните пораки и видеозаписи често се даваат точни описи на лица што се наводни киднапери на деца, како и слики од нив. Корисниците на апликацијата „Ватс ап“ ги добиваат овие непроверени информации бидејќи преку мрежата тие бргу се шират и споделуваат и во некои случаи се решаваат да постапат во врска со нив и правдата да ја преземат во свои раце, иако во одредени ситуации наводните киднапери се недолжни граѓани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.