Свет
Поранешен американски маринец осуден на 16 години затвор во Русија за шпионажа
Руски суд осуди Американец на 16 години затвор поради обвиненија за шпионажа, казна што тој ја отфрли како политички мотивирана, пренесува ТАСС.
Градскиот суд во Москва денеска ја прочита пресудата на поранешниот американски маринец Пол Велан под обвинение за шпионажа и го осуди на 16 години во затворска колонија со максимална безбедност. Велан е прогласен за виновен според член 276 од рускиот Кривичен законик (шпионажа). Обвинителството претходно побара од судијата да му изрече казна од 18 години.
„Судот донесе одлука да му изрече казна на Велан од 16 години во високобезбедносен поправен дом“, се вели во пресудата.
Строгата казна за Велан веројатно ќе предизвика тензии меѓу Русија и САД. Таа е резултат на тајното судење кое беше критикувано од амбасадорот на САД во Русија, Џон Саливан, како исмејување со правдата. Американската амбасада го осуди судењето на Велан како неправедно, посочувајќи дека не биле обезбедени докази.
Американскиот државјанин Пол Велан, кој исто така има британско, канадско и ирско државјанство, е шеф за глобална безбедност во „Борг Ворнер“, компанија за автомобилски компоненти со седиште во Мичиген.
Руската Федерална служба за безбедност (ФСБ) претходно соопшти дека Велан бил приведен на 28 декември 2018 година во Москва додека бил наводна шпионска мисија. Велан беше уапсен на свадба во еден луксузен хотел во Москва и беше обвинет дека добил државни тајни на флеш-драјв. Тој тврди дека бил наместен од познаник со кого се запознал преку интернет.
Покрената беше кривична истрага против него за обвиненија за шпионажа со можна казна до 20 години. Велан инсистира на својата невиност, велејќи дека е наместен. Тој го смета случајот против него за политички мотивиран. Велан исто така се пожалил на малтретирање додека бил во притвор.
Братот на Велан, Дејвид, изјави за „Гардијан“ дека адвокатите ќе ја обжалат пресудата што и тој ја осуди како политичка, додавајќи дека одлуката на судот само го комплетира последниот дел од овој расипан судски процес.
„Се надевавме дека судот може да покаже одредена независност, но, на крајот, руските судии се политички, а не правни лица. Бараме од американската влада веднаш да преземе чекори за да го врати Пол дома“, се вели во неговата изјава.
Според „Гардијан“, казната за Велан се смета за веројатна претходница за размена на затвореници, како што се случи во една необична тринасочна трампа во која беа вклучени Норвешка и Литванија, во ноември.
Русија лани соопшти дека им кажала на САД дека би биле подготвени да го заменат Велан за пилотот Константин Јарошенко, руски државјанин уапсен во Либерија кој во САД е осуден на 20 години затвор по обвиненија за дрога. Русија тогаш рече дека е рано да се разговара за Велан, бидејќи тој сè уште не беше осуден.
Рускиот адвокат на Велан, Владимир Жеребенков, претходно изјави за „Гардијан“ дека очекувал Кремљ да побара размена за неговиот клиент по пресудата.
„Ако Трамп ослободи еден од нашите, тогаш сигурен сум дека и нашиот ќе ослободи некого. Тоа е висока политика. Сакам да кажам дека нашиот претседател е апсолутно разумен во врска со ова. Путин го гледа сето ова прилично мирно. Зошто да не направиме размена?”, рече тој во ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Заложниците на Хамас да бидат ослободени в понеделник, очекува Трамп
Американскиот претседател Доналд Трамп очекува заложниците што ги држи палестинското движење Хамас во Газа „да се вратат“ дома в понеделник.
Американскиот претседател пред новинарите во Белата куќа посочи дека, покрај живите заробеници, на Израел ќе му бидат вратени и најмалку 28 тела на починати заложници.
Трамп додаде дека планира да го посети Каиро, по што ќе се обрати пред израелскиот Кнесет (Парламентот), пред да се врати во САД во вторник.
Европа
Путин: Сè оди според планот, наскоро ќе му претставиме на светот ново оружје
Рускиот претседател Владимир Путин одржа прес-конференција по посетата на Душанбе, каде што рече дека Русија се држи до договорот постигнат со американскиот претседател Доналд Трамп во Алјаска, објави руската државна новинска агенција РИА Новости.
„Се договоривме со Доналд дека ќе морам да размислам и да разговарам со нашите колеги и сојузници во Москва. И тој ми го кажа истото. Ова се сложени прашања што бараат понатамошно разработување, но ние се држиме до дискусијата што се одржа во Анкориџ“, рече рускиот лидер.
Тој нагласи дека сè уште постои можност за зачувување на Договорот за намалување и ограничување на стратешкото оружје (СТАРТ).
„Дали овие неколку месеци ќе бидат доволни за да се донесе одлука за продолжување? Мислам дека ќе биде доволно, ако има добра волја (од САД) за продолжување на овие договори“, рече тој.
Сепак, ако САД одлучат дека не се заинтересирани за зачувување на договорот, Путин тврди дека ништо критично нема да се случи. „Во овој поглед, сè оди според планот за нас“, рече тој.
Според него, трката во вооружување е веќе во тек, а некои земји се подготвуваат за нуклеарни тестови. Тој најави дека Русија наскоро ќе ги обнови своите арсенали.
„Ја завршуваме работата и мислам дека наскоро ќе имаме можност да го објавиме новото оружје што порано го најавувавме“, вети Путин.
Путин, исто така, коментираше за фактот дека Трамп сè уште не ја добил Нобеловата награда за мир, нагласувајќи дека американскиот лидер вложува големи напори за прекин на конфликтите низ целиот свет.
„Имало случаи кога комитетот ја доделил Нобеловата награда за мир на луѓе кои не направиле ништо за мирот. Според мене, со овие одлуки тие предизвикале огромна штета на авторитетот на наградата“, рече тој.
фото: принтскрин
Свет
(Видео) 19 лица загинаа или се исчезнати по силна експлозија во воена фабрика во Тенеси
Деветнаесет лица се мртви или исчезнати откако силна експлозија уништи зграда во објект за експлозиви во Тенеси во петокот. Детонацијата ги потресе блиските домови и предизвика серија помали експлозии, потврдија локалните власти, објави Си-ен-ен.
Експлозијата се случила околу 7:45 часот наутро по локално време, а шерифот на округот Хамфрис, Крис Дејвис, ја опиша како „разорна“ на прес-конференција. Тој додаде дека службите за итни случаи ја обезбедиле пошироката област на несреќата доцна претпладне.
On Friday, October 10, an explosion was reported at a Tennessee explosives manufacturer in Hickman County.
The explosion took place at the Accurate Energetic Systems in the Bucksnort area. pic.twitter.com/B7MA2VJgyR
— NewsChannel 5 (@NC5) October 10, 2025
„Во овој момент имаме неколку лица кои се водат како исчезнати“, рече Дејвис. „Можеме да потврдиме дека имаме некои кои загинале“, додаде тој, а Би-би-си објави дека најмалку деветнаесет лица се водат како исчезнати.
Објектот, во сопственост на Accurate Energetic Systems, LLC, се наоѓа на границата на окрузите Хикман и Хамфрис, околу еден час возење југозападно од Нешвил, соопшти канцеларијата на шерифот.
Голем број служби за итни случаи се на местото на настанот, проценувајќи ја штетата и гасејќи го пожарот. Поради ризикот од секундарни експлозии, спасувачите моментално се на безбедно растојание од епицентарот.
Сиљановска Давкова по повод 11 Октомври: Да ја сочуваме визијата и храброста на оние што тргнаа во востанички марш
Претседателката на државата, Гордана Сиљановска Давкова, упати честитка до граѓаните по повод 11 Октомври – Денот на народното востание, нагласувајќи...
Од утре гужви на границите со новиот систем за влези и излез, ги објавуваме сите детали за што сè треба да се подготват патниците
По неколку одлагања, од утре на премините на надворешни граници на Шенген зоната започнува постепената примена на новиот европски дигитален...
Осомничениот раководител во РЕК доби затворски притвор, куќниот е укинат поради можност за бегство
Предлогот на Основното јавно обвинителство Битола е прифатен од Кривичниот совет на Основниот суд во Битола и на осомничениот сопственик...
(Видео) Шукова: План и решенија за Гази Баба да стане мотор на развој на Скопје
„Оваа општина има огромен потенцијал. Но наместо да биде мотор на развојот, стана илустрација за стагнација“ – порача Каја Шукова...
Белгија удри во македонскиот ѕид – Фудбалерите освоија бод во Гент
Фудбалската репрезентација на Македонија одигра без голови во Гент, против Белгија, во квалификациите за пласман на Светското првенство во САД,...
(Видео) Филипче: Мицкоски од уста не ме вади
Претседателот на Социјалдемократскиот сојуз на Македонија, д-р Венко Филипче, на граѓанската трибина во Ѓорче Петров, рече дека ВМРО-ДПМНЕ и Христијан...
Мицкоски до Филипче: Професионално ли е што судот на Марковски за стомилионски криминал му дава куќен притвор?
Претседателот на ВМРО-ДПМНЕ, Христијан Мицкоски, се обрати од народниот митинг одржан во општина Богданци, во рамки на изборната кампања 2025...
Разрешен директорот на Клиниката за неврологија, проф. д-р Игор Кузмановски
Министерството за здравство информира дека министерот Азир Алиу денес донесе решение за разрешување на директорот на ЈЗУ Универзитетска клиника за...
Шест уапсени по вчерашната тепачка пред угостителски објект во Скопје
На 09/10.10.2025 полициски службеници од СВР Скопје ги лишија од слобода С.С.(23), М.З.(24), А.Ѓ.(42), И.М.(33), М.З.(55) и Б.Р.(29), сите од...
Застреланиот лекар Шаини ја брани сопругата: Ги отфрлам тврдењата дека зад ова стои госпоѓата Арјета Ајдини
Застреланиот лекар Зекирија Шаини ги отфрли како неосновани и невистинити тврдењата дека неговата сопруга Арјета Ајдини е вмешана во вооружениот...
Српски државјани добија забрана за влез во земјата и парична казна од 4.000 евра за шверц на цигари, биле уапсени во Скопје
Основниот кривичен суд Скопје донесе пресуда врз основа на спогодба од Основното јавно обвинителство Скопје против двајца државјани на Република...
Поликлиника во Расадник со пари од унгарскиот кредит најавија Ѓорѓиевски и Стаменкоска-Трајкоска
По триесет години празни ветувања, поликлиниката во Расадник станува реалност, кажаа денес актуелниот градоначалник на Кисела Вода и кандидат за...
Нобеловата награда за мир ѝ е доделена на Марија Корина Мачадо од Венецуела
Нобеловата награда за мир ѝ е доделена на Марија Корина Мачадо од Венецуела. Норвешкиот Нобелов комитет соопшти дека таа ја...
(Фото) Општина Центар испрати протестна нота до австриската амбасада поради паркирано возило во пешачка зона
Општина Центар – Скопје испрати протестна нота до Амбасадата на Република Австрија поради непрописно паркирање и загрозување на безбедноста на...
Русија ѝ се заблагодарува на Србија за донацијата од речиси 6 милиони долари: „Посебна симболика“
Според соопштението на руското Министерство за надворешни работи, Србија обезбедила „финансиска хуманитарна помош во вредност од 472 милиони рубли (околу...
Филипче вика судството било професионално, а Марковски за криминал од 100 милиони добива само куќен притвор, велат од ВМРО-ДПМНЕ
Криминалот на СДС и договорените тендери со компанијата Марковски излегоа дека се вистинити. Фирмата Марковски која во период од 2...
(Видео) Силен земјотрес со јачина од 7,6 степени ги погоди Филипините, цунами се заканува и на Индонезија
Земјотрес со јачина од 7,6 степени ги погоди јужните Филипини, соопшти Филипинската сеизмолошка агенција, издавајќи предупредување за цунами кое беше...
(Видео) Руски ракети и беспилотни летала го погодија Киев, гореше облакодер во центарот на градот
Масивни руски напади запалија облакодер во центарот на Киев и ги таргетираа енергетските објекти, соопштија официјални лица. Украинската министерка за...
Судиите мора да судат според законот а не според партиски влијанија, време е за ресет на системот, порача Мицкоски
Христијан Мицкоски, претседателот на ВМРО-ДПМНЕ, имаше свое обраќање на денешниот народен митинг одржан во општина Илинден, во рамки на изборната...
(Видео) Трамп: Ја завршивме војната во Газа
Претседателот на САД, Доналд Трамп, на состанок на кабинетот во Белата куќа изјави дека синоќа на Блискиот Исток е постигнат...
