Европа
Поранешен британски војник на суд поради злосторство што се случило пред 47 години

Поранешниот британски војник ќе биде кривично гонет за смртта на двајца демонстранти во Северна Ирска пред 47 години во конфликтот познат како Крвава недела, објавија обвинителите денеска.
Тој ќе одговара за убиството на Џејмс Вреј и Вилијам Макинија и за обидот за убиство на Јозеф Фриел, Мајкл Квина, Џо Мехон и Патрик О’Донел.
Шеснаесетмина други војници, кои беа предмет на истрагата, нема да бидат кривично гонети.
На 30 јануари 1972 година припадниците на британскиот падобрански полк убија 13 северноирски католици кои учествуваа во протестите за граѓански права.
Роднините инсистираа дека тие биле невооружени цивили тврдејќи дека на војниците мора да им се суди за убиства.
Истрагата на британската влада, спроведена неколку недели по тој настан, заклучи дека војниците биле невини.
Истрагата не ги вклучуваше сведочењата на цивилите.
Подоцна беше откриено дека на војниците им било сугерирано што да кажат во своите изјави.
Роднините продолжија да се залагаат за нова истрага, која, конечно, е одобрена во 1998 година.
Британскиот премиер Дејвид Камерон во јуни 2010 година се извини за убиствата кога во извештајот беше наведено дека нема оправдување за пукањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија: Полјаците не ни доставија никакви докази дека дроновите се од наше потекло

Москва тврди дека Полска не доставила никакви докази што покажуваат дека беспилотните летала што биле соборени во Полска се од руско производство.
Вршителот на должноста амбасадор на Русија во Полска, Андреј Ордаш, потврди за новинската агенција „РИА новости“ дека бил повикан од полското Министерство за надворешни работи по инцидентот.
Ова е првиот коментар на Русија по инцидентот, кој се случи преку ноќ.
Европа
Објавена фотографија од руски дрон во Полска

Порталот Defence24 објавува дека руски дрон е пронајден во градот Чешники, во близина на Замошќ и на 40-ина километри од границата со Украина.
Читател ја испратил фотографијата од леталото до редакцијата, а според неофицијални информации, станува збор за дрон од типот „Гербер“, кој Русија го користи за преоптоварување на украинската воздушна одбрана.
Во текот на ноќта Русија изврши масовен напад врз Украина, а повеќе од десет дрона влегоа во полскиот воздушен простор. Полската војска потврди дека оние што претставуваа директна закана биле соборени. Бројот и начинот на движење на леталото, според Defence24, укажуваат на намерна руска провокација.
фото: принтскрин
Европа
Објавена мапа од синоќешниот руски напад врз Украина: прикажани и дроновите што влегле во Полска

Украинските медиуми објавија мапа на која се прикажани беспилотните летала што учествуваа во синоќешните руски напади врз Украина. Главни цели беа Донбас и регионите Ивано-Франкивск, Лавов, Луцк, Одеса, Виница и Житомир. Некои од беспилотните летала го напуштија украинскиот воздушен простор и влегоа во Полска. Според украински извори, дури 14 руски беспилотни летала влегоа во Полска.
Полска потврди дека повеќе од десетина беспилотни летала влегле во нејзиниот воздушен простор за време на нападот врз Украина. Оние што претставуваа непосредна закана беа соборени, а во акцијата учествуваа и неколку холандски борбени авиони „Ф-35“.
Во Полска, во регионот Лублин, беспилотно летало удри во куќа, но немаше повредени. Во источна Полска, во градот Вирики, беспилотно летало или објект сличен на беспилотно летало удри во станбена куќа – покривот беше оштетен, но исто така немаше повредени.
Полскиот премиер Доналд Туск го опиша инцидентот како чин на агресија и нагласи дека НАТО реагирал активно вклучувајќи распоредување холандски борбени авиони и привремено затворање на аеродромите, вклучувајќи го и тој во Варшава.
фото: принтскрин