Свет
(Вознемирувачко видео) Поранешен индиски политичар и неговиот брат убиени во живо на телевизија

Поранешен индиски политичар и неговиот брат убиени додека даваат изјава во живо на телевизија.
Атик Ахмед, кој бил под полициска придружба, зборувал со новинарите кога бил убиен заедно со неговиот брат.
LIVE ENCOUNTER FOOTAGE ATIQ AHMED ATIQUE AHMED #atiqueahmed #atiqahmed #Encounter pic.twitter.com/SX2uy3LPVQ
— कड़ी निंदा 🇮🇳 (@notgaddaar) April 15, 2023
Синот тинејџер на Ахмед беше убиен од полицијата неколку дена претходно. Инаку, Ахмед е осомничен за десетици киднапирања, убиства и изнуда. Локалниот суд го осуди него и уште двајца на доживотен затвор во март оваа година, а тој секогаш тврдеше дека само полицијата му се заканувала по неговиот живот, јавува Би-Би-Си.
На видеото од убиството, кое беше емитувано во живо на телевизија, а подоцна се појави на социјалните мрежи, се гледаат Ахмед и неговиот брат Ашраф, обајцата со лисици на рацете, како разговараат со новинарите, одејќи на лекарски преглед.
По пукањето, тројцата напаѓачи кои се претставиле како новинари, се предале и биле приведени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Медведев за Фон дер Лајен: Се чини дека злобната старица – гинеколог им здосади на сите

Претседателката на Европската комисија, Урсула фон дер Лајен, најверојатно ќе остане на функцијата, иако непријатен впечаток остави приказната за набавката на вакцината „Фајзер“ за време на пандемијата, според заменик-претседателот на Советот за безбедност на Русија, Дмитриј Медведев.
„Се чини дека злобната старица – гинеколог им здосади на сите. Покрај тоа, беше откриено дека си ги извалкала рацете и учествувала во манипулации со набавката на вакцините на „Фајзер“ за време на пандемијата“, изјави Медведев.
„Не е познато што, и во какви количини добила, секако остави непријатен впечаток. Ова започна непријатен процес за неа. Уште оваа недела, за судбината на Урсула ќе одлучува бесмислениот и немилосрден Европски парламент. Ситуацијата е нејасна. Многу е веројатно дека оваа токсична жена сепак ќе ја задржи својата позиција“, напиша тој на својот Телеграм канал.
Во понеделникот, Европскиот парламент на својата седница во Стразбур ќе разгледа гласање за недоверба на претседателката на Европската комисија поради сериозни неправилности во набавката на вакцини за време на пандемијата на коронавирусот, пренесуваат медиумите.
Регион
Силен земјотрес во близина на Крит: ги вознемири жителите на островот

Силен земјотрес денес го погоди подрачјето во близина на брегот на Крит.
Епицентарот на земјотресот се наоѓа 31 километар источно-североисточно од Закрос на овој остров, објавува грчкиот „Прототема“.
Земјотресот се случил во 20:46 часот по грчко време, а сеизмичкиот потрес имал јачина од 5 степени според Рихтеровата скала, според Геодинамичкиот институт.
Длабочината на која се наоѓал епицентарот на земјотресот била 7,8 километри, објавуваат медиумите.
Свет
Трамп: Во август ќе воведеме царини од 25 проценти за Јапонија и Јужна Кореја

Американскиот претседател Доналд Трамп објави дека, почнувајќи од 1 август, ќе бидат воведени царини од 25 проценти за стоки од Јапонија и Јужна Кореја, објави денес Блумберг.
Царините за Јапонија и Јужна Кореја, објавени на Твитер платформата на Трамп, се во голема мера во согласност со она што тој претходно го најави за воведувањето царини за тие две земји, анализираат медиумите.
По 90-дневно одложување на таканаречените реципрочни царини, кои првично ја погодија Јапонија со стапка од 24 проценти и Јужна Кореја со стапка од 25 проценти, Трамп ги намали тие царини на десет проценти, за да се овозможи време за преговори.
Во своите писма, Трамп ги предупреди земјите против воведувањето реципрочни мерки, велејќи дека во тој случај САД ќе одговорат со воведување нови царини.
„Ако од која било причина одлучите да ги зголемите царинските давачки, тогаш бројот за кој ќе ги зголемите ќе се додаде на 25-те проценти што ги наплаќаме“, рече Трамп, според Танјуг.