Свет
Поранешен помошник на Трамп осуден на 70 месеци затвор за упад во Капитол
Федерико Клајн, кој беше назначен од Доналд Трамп за помошник во Стејт департментот кога беше претседател на Соединетите Американски Држави, денеска беше осуден на 70 месеци затвор за неговата улога во упадот во Капитол на 6 јануари 2021 година.
„Вашите постапки на 6-ти јануари беа шокантни и ужасни“, рече судијата Тревор Мекфејден за време на изрекувањето на пресудата, според Си-Ен-Ен.
Клајн беше прогласен за виновен претходно оваа година по повеќе точки, вклучително и напад на повеќе полицајци на денот кога поддржувачите на Трамп упаднаа во зградата на Капитол.
„Ова е влада на закони. Ја изневеривте вашата функција“, рече Мекфејден.
Според судијата, Клајн го нападнал полицаецот за време на упадот во Капитол, велејќи му: „Не можеш да не спречиш“.
Адвокатот на Клајн, Стенли Вудворд, пред судот изјави дека поранешниот вработен во Стејт департментот не планирал да упадне во Капитол на 6 јануари.
Тој додаде дека Клајн „не ја изневерил“ својата позиција, туку присуствувал на протест што тргнал наопаку.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пилот пријавил дека во авионот има бомба: принудно слетал на аеродромот во Подгорица
Капетанот на „ЛОТполиш“ пријавил во полиција во Подгорица дека во авионот на таа компанија има бомба.
На терен е и полицијата, како и полициската антидиверзантска заштита, пренесуваат медиумите во соседството.
Од аеродромот официјално беше соопштено дека нешто пред 17 часот на аеродромот во Подгорица започнала вонредна инспекција на авионот на националната полска авиокомпанија „ЛОТ Полиш ерлајнс“, пишува „Вијести“.
Од таму изјавиле дека авионот бил изолиран и далеку од патничкиот терминал.
Сите други патници се безбедни, а останатите операции засега се одвиваат непречено. Контролата се врши според пропишаните процедури во синхронизирана акција на Полициската управа, аеродромот и другите служби“, се вели во соопштението.
Авионот од Варшава (LO585) летал над Црна Гора, но капетанот по дојавата на Контролата на летање кажал дека мора да слета на пистата на аеродромот во Подгорица.
Полскиот авион слетал во 16:34 часот и во тек е антидиверзантска проверка, стои во написите на медимите.
Свет
Путин: Десеткратно го зголемуваме производството на дронови
Рускиот претседател Владимир Путин изјави дека неговата земја десеткратно ќе го зголеми производството на беспилотни летала на речиси 1,4 милиони оваа година за да обезбеди победа на руските вооружени сили во Украина.
„Вкупно околу 140.000 беспилотни летала од различни типови се доставени до вооружените сили во 2023 година“, рече Путин. „Оваа година се планира значително зголемување на производството на дронови. Поточно, за речиси 10 пати“.
„Кој ќе реагира побрзо на новите барања на бојното поле ќе победи“, рече Путин на состанокот во Санкт Петербург посветен на развојот на производството на дронови.
Откако Русија испрати десетици илјади војници во Украина во февруари 2022 година, војната главно се заснова на артилериски и напади со беспилотни летала долж силно утврдениот фронт од 1.000 километри во кој учествуваат стотици илјади војници.
И Русија и Украина купија беспилотни летала во странство и го зголемија сопственото производство за низа цели – од уништување артилерија и арсенал на оружје до ударна енергетска инфраструктура и воени бродови, пренесува Ројтерс.
Свет
Германија го суспендираше новиот извоз на воено оружје во Израел
Германија го суспендираше новиот извоз на оружје за Израел додека се справува со правните предизвици, според анализата на податоците на Ројтерс и извор близок до Министерството за економија.
Извор близок до министерството цитираше висок владин функционер дека работата за одобрување дозволи за извоз на оружје во Израел е стопирана поради правниот и политичкиот притисок од правните случаи кои тврдат дека таквиот извоз од Германија го прекршува хуманитарното право.
Министерството за економија соопшти дека нема и нема да има забрана за извоз на оружје во Израел, а одлуките се носат од случај до случај по внимателно разгледување, додавајќи дека меѓународното право, надворешната и безбедносната политика се клучни фактори во нивните оценки.
– Нема бојкот на германскиот извоз на оружје против Израел – изјави владиниот портпарол во средата, коментирајќи го извештајот.
Минатата година Германија одобри извоз на оружје за Израел во вредност од 326,5 милиони евра, вклучувајќи воена опрема и воено оружје, што е десеткратно зголемување во споредба со 2022 година, покажуваат податоците на Министерството за економија, кое одобрува извозни дозволи.
Но, годинава одобренијата паднаа, а од јануари до 21 август се дадени само 14,5 милиони евра, покажуваат податоците на Министерството за економија како одговор на пратеничко прашање.