Свет
Поранешен специјалец го запрел колежот на Хамас во селото: „Трчав кон нив и убивав“
Една од првите израелски населби што беше нападната кога милитантите на Хамас упаднаа во Израел рано утрото во саботата беше кибуцот Нир Ам, каде што жителите дадоа жесток отпор и ги избркаа напаѓачите.
„Ги зедов пиштолот, облеката, панцирот и цигарите“, вели Адам за Би-би-си мирно раскажувајќи како звукот од пукотницата го нашол в кревет во 6.30 часот наутро во саботата: „Почнавме да ги убиваме сите што дојдоа до оградата.
Тој беше прогласен за херој на Нир Ам, спасител на неговиот кибуц, заедница од речиси 400 луѓе што живеат на само два километра од Газа. „Го зедов воки-токито и ја повторував оваа реченица постојано: ‘Никој нема да влезе во Нир Ам, никој нема да влезе во Нир Ам’“.
Адам има 46 години и е поранешен офицер на специјалните сили.
Нему, како што раскажува Адам, му се придружиле и други луѓе од кибуцот: „Цивили што не знаат да се борат, но имаат големо срце. Двајца или тројца имаат искуство од специјалните сили, но другите се обични луѓе, кои работат во ИТ. Обични луѓе, но многу посебни“.
Тие се бореа заедно помеѓу три и пет часа. Потоа настана затишје: „Мислевме дека сè е во ред, но потоа дојде вториот бран, меѓу осум до 10 терористи со митралези и ракетни фрлачи. Тие беа блиску, 10-15 метри. Истрчав кон нив, застанав, пукав и убивав“.
Жителите на Нир Ам би биле масакрирани, вели тој, исто како што биле масакрирани жителите на некои други кибуци, заедници организирани како колективи или фарми.
„Ќе влегуваат во куќи и ќе убиваат жени и деца. Ова нè тераше да се бориме и да убиваме. Не дозволивме никој да влезе во кибуцот. Никој не беше повреден“.
Сега жителите на Нир Ам живеат во хотел во Тел Авив. Не знаат кога ќе може да се вратат. Адам мисли дека некои ќе се плашат премногу. Тој е благодарен за гостопримството: „Ова ни е како втор дом, бевме срдечно примени. И целиот Израел ни испрати облека и храна“.
Но, и овде евакуираните не се целосно безбедни. Разговорот со Адам е прекинат со сирени, кои предупредуваат за нов ракетен напад. Адам смирено ги води луѓето во засолништето, каде што семејствата се згрчени, а некои деца плачат.
„Тоа не е ништо, ние живееме на југ. Тоа е нормална работа за нас“, вели Адам, кој ја критикува израелската влада, особено неуспехот на безбедносните служби да го предвидат и да се подготват за нападот.
„Тоа е нашето лидерство. Сега се тестираат. Нашето лидерство не нè заслужува нас“, вели Адам.
Околу 1.300 луѓе загинаа во нападот на Хамас врз Израел, а најмалку 150 луѓе беа заробени. Израел возврати со воздушни напади врз Газа, во кои загинаа и 1.300 луѓе. Израел ја затвори границата спречувајќи влез на гориво и храна.
А што е со иднината? Адам мисли дека повеќето луѓе во Газа сакаат нормален живот, но повикува на силна воена акција за Израел да се справи со Хамас: „Не можеме да го имаме истото решение, ни треба нешто многу, многу посилно“.
Тој вели дека не сака да види како израелските војници влегуваат во Газа: „Хамас сака да го направиме тоа бидејќи внатре има стапици. Тоа би било погрешно“. Убиен е само еден жител на Нир Ам, млад човек што бил на музички фестивал, кој бил нападнат од Хамас. Адам и неговите цивилни сили го спасија кибуцот, пренесува медиумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Млади родители загинаа спасувајќи ја деветмесечната ќерка на дива плажа во Романија
Трагедија се случи на Дунав во Романија, во близина на дива плажа во близина на Гостину. Млад пар, мајка (20) и татко (26), се удавија откако беа однесени од силна речна струја. Нивната деветмесечна ќерка, која ја држеше мајката, беше спасена во последен момент благодарение на херојскиот чин на таткото, пишува Observator News.
Семејството, со пријатели и нивното деветмесечно бебе, дошле на плажата за да поминат релаксирачко попладне.
Мајката влегла во плитките води со детето во раце, но одеднаш стапнала во дупка и била повлечена подлабоко од силната струја. Таткото на девојчето, кој гледал од брегот, скокнал во водата за да ги спаси. Тој успеал да ја зграби ќерка си и да ја држи над површината додека друг пливач не ја земал. Исцрпениот татко потоа бил однесен под водата од струјата.
Според написите, итно била започната потрага по исчезнатите родители.
Нуркачите прво го пронашле безживотното тело на 20-годишната мајка денот по несреќата, а телото на 26-годишниот татко следниот ден наутро. Девојчето сега е безбедно и за него се грижи нејзиното семејство.
Локалните власти најавија зголемени контроли на дивите и неразвиени плажи за да се спречат идни несреќи. Префектот на округот Јон Гимпетеану се огласи на Фејсбук за да ги истакне опасностите што демнат на ваквите места.
„Ова е огромна трагедија. Млад пар се удави во Дунав, иако беа во вода подлабока од еден метар. Отидов на оваа плажа, која често носи жртви, и најдов нерегулирани тераси, затворени тоалети и купишта ѓубре. Срцето ми се скрши кога го видов лицето на малото девојче кое остана сираче. И покрај предупредувањата, оваа неуредна плажа привлекува туристи кои не се свесни за опасноста. Вакви работи не смеат да се случат повторно и ветувам дека ќе го спречам овој феномен што носи трагедии“, напиша Гимпетеану.
Полицијата започна истрага за целиот случај.
Фото: принтскрин
Свет
Захарова за германскиот канцелар Мерц: Секој ден го крева нивото на антируска реторика
Германскиот канцелар Фридрих Мерц го крева нивото на агресивна реторика насочена против Русија секој ден, што предизвикува загриженост кај самите германски граѓани, изјави портпаролката на руското Министерство за надворешни работи, Марија Захарова.
„Што слушаме, на пример, од Берлин? Канцеларот Мерц го крева нивото на антируска реторика буквално секој ден. Оваа реторика станува сè поагресивно милитантна. И веруваме дека курсот што го избрал за ескалација на односите со Русија паралелно со присилната милитаризација на Германија е причина за голема загриженост, пред сè за самите граѓани на Германија“, рече Захарова, пренесува ТАСС.
Коментирајќи го раскинувањето на договорот со германската влада за воено-техничка соработка, Захарова истакна дека тој е потпишан во 1996 година, кога „руско-германската соработка и меѓудржавните односи се развиваа во духот на партнерството“.
„Но, во последниве години, германската влада спроведува отворено непријателска политика кон нашата земја. Ова јасно се докажува не само со изјави, туку и со дејствија. Затоа, овој договор ја изгуби секоја смисла за нас. Ја изгуби не само својата смисла, туку и својата практична важност“, нагласи таа.
Захарова потсети дека Германија „активно го снабдува со оружје криминалниот киевски режим, спонзорира терористички акти на киевскиот режим“ и дека тргнала по патот на воено-политичка конфронтација со Русија.
„Дури и во овие услови, руската страна донесе логична политичка и правна одлука. Билатералните контакти со Германија да се одржуваат преку дипломатски канали. Ние сме отворени за политички контакти со земјите на нивно барање, доколку постои некоја практична основа за тоа“, заклучи Захарова.
На 18 јули, рускиот премиер Михаил Мишустин го раскина договорот со германската влада за воено-техничка соработка.
На руското Министерство за надворешни работи му беше наложено да ја информира германската страна за одлуката.
Договорот беше потпишан во 1996 година, а Москва и Берлин потоа се согласија да ја подобрат воено-техничката соработка меѓу руските и германските компании и организации.
Фото: принтскрин
Свет
Америка и Израел ги повлекуваат преговарачите од Доха
Американскиот претставник Стив Виткоф објави дека владата на претседателот Доналд Трамп одлучила да го повлече својот преговарачки тим за мир во Газа од Доха на консултации, откако слична одлука беше објавена од канцеларијата на израелскиот премиер.
„Одлучивме да го донесеме нашиот тим дома од Доха на консултации, по последниот одговор од Хамас кој јасно не покажува волја за постигнување прекин на огнот во Газа“, напиша Виткоф на платформата X.
„Сега разгледуваме алтернативни опции за враќање на заложниците дома“, додаде тој.
Откако неговата канцеларија го објави повлекувањето на преговарачите, израелскиот премиер Бенјамин Нетанјаху изјави дека Хамас не треба да ја толкува подготвеноста на Израел да преговара за примирје како „слабост“.
„Работиме на постигнување нов договор за ослободување на нашите заложници. Но, ако Хамас ја гледа нашата намера да го сториме тоа како слабост и можност да ни наметне услови за предавање што би ја загрозиле државата Израел, тоа е сериозно погрешно“, рече тој од Ерусалим.
Хамас денес објави дека одговорил на предлогот што предвидува ограничен 60-дневен прекин на огнот во Газа.
Одговорот на Хамас вклучува олеснување на влезот на хуманитарна помош во Газа, мапи на областите од кои треба да се повлече израелската армија и гаранции за траен прекин на непријателствата, изјави палестински извор за АФП.
Израел потврди дека го добил одговорот на Хамас, а кратко потоа објави дека ги повикал своите преговарачи од Доха за да се консултираат за одговорот на Хамас.
Фото: принтскрин
ЕМОФ: Велосипедистите од Исланд се во добра здравствена состојба, самоиницијативно тренирале на патеката која не е дел од официјалната
Во врска со сообраќајната незгода што се случи на 23 јули 2025 година, околу 12:00 часот на регионалниот пат Куманово...
„Ер трактори“, пожарникари и локално население во обид да го стават под контрола пожарот во Преспанско; Беше закана за неколку села, вели Ангелов
Пожарот кој попладнево изби на брегот на Преспанското езеро во близина на селото Перово зафати поголема површина на трска и...
Се трага по 16-годишно девојче во реката Вардар, соопшти ЦУК
Денеска, во 16:42 часот, на бројот за итни повици била примена пријава за две потонати женски лица, на возраст од...
Орце Ѓориѓиевски и Каја Шукова ќе се борат за Град Скопје и со кандидат од „Влен“, Меџити името ќе го објави следната недела
Коалицијата „Влен“ ќе предложи свој кандидат за градоначалник на Скопје, најави денес првиот вицепремиер и министер за животна средина, Изет...
Автомобил удри во велосипедисти од Исланд, учесници на Младинските европски олимписки игри, пренесени се во болница
Вчера попладне во СВР Куманово било пријавено дека на регионалниот пат Куманово-Свети Николе, атар на село Зубовце, кумановско, патничко возило...
Објавен оглас за ангажирање 300 невработени лица за помош на стари лица и лица со попреченост
Министерот за економија и труд Бесар Дурмиши ја презентира новата мерка од оперативниот план за 2025 година – програмата „Општинско...
Муртезани од Берлин: Пристапните преговори мора да бидат заштитени од билатерални условувања
Министерот за европски прашања Орхан Муртезани работната посета на Берлин ја почна со средба со државниот министер за Европа на...
„Никој не е поштеден“: деца и лекари умираат од глад во Газа
Палестинските новороденчиња умираат затоа што нивните мајки од глад го губат млекото. Дури и медицинските лица, кои се обидуваат да...
(Видео) Огромен пожар беснее на Кипар, две лица загинаа
Две лица загинаа во огромен шумски пожар што беснее на јужен Кипар, а стотици се евакуирани бидејќи пожарите уништуваат домови...
(Видео) Се урна патнички авион во Русија
Авион „ан-24“ на „Ангара ерлајнс“, со најмалку 40 патници, се урна во руската област Амур, на далечниот исток од земјата....
Кривична против градоначалникот на Крива Паланка и двајца вработени во Општината: ја злоупотребиле службената положба
СВР Куманово поднесе кривична пријава против К.П.(59), М.К.(41) и С.М.(38), сите од Крива Паланка, поради постоење основи на сомнение за...
Британија и Индија ќе потпишат трговски договор: пониски царини за виски и автомобили
Обединетото кралство и Индија ќе потпишат договор за слободна трговија во четврток, за време на посетата на индискиот премиер Нарендра...
Украинците по преговорите: Зеленски би се сретнал со Путин утре доколку може
Русија и Украина ги исполнија сите хуманитарни договори постигнати за време на втората рунда разговори во Истанбул минатиот месец, изјави...
(Видео) Најмалку 10 пожарникари и спасувачи загинаа во пожар во Турција
Најмалку десет пожарникари и спасувачи загинаа, а 14 припадници на службите за итни случаи и шумарски работници се повредени при...
Претежно сончево и многу топло, максималната температура до 42 степена
Времето денеска ќе биде претежно сончево и многу топло. Ќе дува слаб до умерен ветер од променлив правец. Минималната температура...
(Видео) Акција во мотел во Тетово: Приведено лице за проституција, повреден е полицаец
Полициски службеници од СВР Тетово спречија трагичен крај на млада девојка и истовремено приведеа маж под сомнение за посредување во...
Ангелов ги замоли газдите на викендички да се заштитат од пожари: Со мотокултиватор или трактор нека изораат мек појас околу дворовите
Директорот на Дирекцијата за заштита и спасување, Стојанче Ангелов, апелира сопствениците на викендички и куќи надвор од градските средини да...
Околу 500 невработени се пријавиле да гаснат пожари за 24.000 денари месечно, огласот истекува денес
Денес истекува огласот за владината мерка за справување со пожарите на кој се бараат 400 невработени за помош при гаснењето...
Грција ја повтори поддршката за ЕУ интеграцијата, со порака за почитување на Преспанскиот договор
Поддршката од Грција за европскиот пат на Северна Македонија останува силна, но придружена со порака за целосна имплементација на Преспанскиот...
Гаши имал интестинална опструкција на тенкото црево, неговата состојба е стабилна, соопшти МЗ
Министерството за здравство информира дека претседателот на Собранието, Африм Гаши е во стабилна здравствена состојба. Тој околу полноќ бил хоспитализиран...
