Свет
Поранешниот шеф на ФБИ призна дека му помогнал на рускиот олигарх Дерипаска во собирањето информации за неговите противници
Поранешниот шеф на њујоршкиот огранок на американското Федерално биро за истраги (ФБИ), Чарлс Мекгонигал се изјасни за виновен што му помогнал на рускиот олигарх Олег Дерипаска да собере информации за неговите противници по неговото пензионирање.
Мекгонигал се пензионираше во 2018 година. За време на неговата кариера во ФБИ, тој се фокусираше на контраразузнавањето поврзано со Русија и истрагата за руските олигарси.
Во јануари оваа година тој беше уапсен и обвинет одделно во Њујорк и Вашингтон.
„Околу три години откако се пензионирав од ФБИ, додека живеев на Менхетен, се согласив да му дадам пристап до информации на Дериспаска за друг руски олигарх, Владимир Потанин“, рече Мекгонигел.
Тој додаде дека примил 17.500 долари кои ги испрал преку две фирми. Тие не биле запишани на негово име за да се отежне утврдувањето на изворот на плаќањата.
Потанин бил конкурент на Дерипаска во областа на трговијата, пишува „NY Times“.
– Ја прифаќам целосната одговорност бидејќи никогаш немав намера со моите постапки да им наштетам на САД, моето семејство и пријателите – рече Мекгонигал.
Изрекувањето на пресудата е закажано за 14 декември, а на Мекгонигал му се заканува затворска казна до пет години доколку биде прогласен за виновен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството за одбрана на Русија.
„Со цел да се зголеми подготвеноста на нестратешките нуклеарни сили за извршување на борбени задачи, Генералштабот започна со подготовки за одржување вежби со ракетните формации на Јужниот воен округ“, се наведува во соопштението.
Како што се посочува, маневрите ќе се одржат во блиска иднина и ќе ги опфатат и авијацијата и морнарицата.
„Целта на вежбата е да се одржи подготвеноста на персоналот и опремата на единиците за борбена употреба на нестратегиско нуклеарно оружје за одговор и обезбедување на територијалниот интегритет и суверенитет на државата“, наведуваат од Министерството.
Тие додаваат и дека тоа е „одговор на провокативните изјави и заканите на одредени западни функционери“ против Русија.
Свет
Израел почна да ги евакуира палестинските цивили од Рафа
Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на Газа, објави израелското воено радио.
Според извештајот, евакуациите сега се концентрирани во неколку периферни квартови на Рафа, од кои се вели дека евакуираните лица се насочуваат кон градовите со шатори во блиските Кан Јунис и Ал Муваси.
Меѓутоа, во она што се чини дека е почеток на евакуација на цивили пред копнен напад, израелската армија ги повика Палестинците во источните делови на Рафах да се преселат во блиската „хуманитарна област“.
По седуммесечната офанзива против Хамас, Израел соопшти дека во Рафа се засолниле илјадници борци од палестинската исламистичка група и дека победата е невозможна без заземање на градот.
Со оглед на тоа што повеќе од еден милион раселени Палестинци се засолнети во Рафа, изгледите за операција со многу жртви ги загрижуваат западните сили и соседниот Египет.
Свет
Во Северна Кореја за првпат оваа година се положи заклетва на лојалност за роденденот на Ким Џонг Ун
За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано да дадат заклетва за лојалност оваа година на неговиот роденден, соопшти јужнокорејскиот Институт за развој на југ и север (SAND) со седиште во Сеул.
Во петокот, институтот објави фотографии од текстот на заклетвата во папката, за која се верува дека е направена на 40-тиот роденден на Ким, 8 јануари, пренесува Ројтерс.
Северна Кореја никогаш официјално не го потврдила датумот на раѓање на Ким, а традиционално ваквите церемонии за заклетва се одржуваат на родендените на неговиот татко и дедо, претходни севернокорејски лидери.