Европа
Порошенко: Канцеларијата на Зеленски ми кажа да го поддржам законот ако не сакам да се соочам со санкции

Поранешниот украински претседател и актуелен пратеник Петро Порошенко ја обвини канцеларијата на Володимир Зеленски за уцена. „Ми беше кажано дека ако мојата парламентарна група гласа за нацрт-законот за нуклеарната централа „Хмелницки“, нема да имам проблеми со санкциите“, рече Порошенко во интервју за „Украинска правда“.
Да потсетиме, Зеленски на 13 февруари ја одобри одлуката на Советот за национална безбедност и одбрана за воведување неограничени санкции за неколку лица од висок профил, вклучувајќи го и Порошенко. Порошенко ги осуди санкциите како неуставни и политички мотивирани.
Парламентарната пратеничка група на Порошенко се спротивстави на неодамнешниот предлог-закон за купување на два руски реактори од Бугарија за нуклеарна централа, потег што Зеленски го нарече клучен за енергетската независност на Украина.
Некои пратеници го критикуваа договорот, нарекувајќи ги реакторите застарени и скапи. Парламентот се соочуваше со постојано одложување на усвојувањето на законот, што доведе Бугарија да го продолжи рокот за договорот до март.
Порошенко, исто така, го обвини Зеленски за пречекорување на неговите овластувања со санкции. Тој го критикуваше нацрт-законот против олигарсите од 2022 година, кој ги дефинира олигарсите како поединци со значително медиумско влијание, политички ангажман и имот што надминува 2,27 милијарди украински гривни (52 милиони евра).
„Зеленски манично сонуваше за санкции“, рече тој, додавајќи дека само силниот одговор од Венецијанската комисија го спречи усвојувањето на законот.
Порошенко даде интервју и за украинскиот информативен сајт Censor.net. Во тоа интервју тој посочи дека украинските власти планираат да одржат претседателски избори до крајот на оваа година. „Запишете го – 26 октомври годинава“, рече тој. Тој додаде дека државната печатница сега го пресметува бројот на гласачки ливчиња потребни за одржување на изборите.
Тој истакна дека оваа информација ја добил од анонимни упатени лица од кабинетот на украинскиот претседател. „Според нашите извори, Украинската изборна комисија почнува да го ревидира избирачкиот список. Ова е исклучиво заради подготовка за изборите“, изјави тој.
Петгодишниот мандат на Зеленски требаше да заврши на 20 мај минатата година. Изборите требаше да се одржат во март или април 2024 година, но беа одложени затоа што земјата се уште е во вонредна состојба. Според украинскиот устав, Зеленски продолжува да ги извршува своите должности додека не биде избран нов шеф на државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Чешката влада: Првпат во историјата не сме зависни од руската нафта

Чешка стана целосно независна од руската нафта првпат во својата историја, соопштија денеска владини претставници откога го зголемија капацитетот на Трансалпскиот гасовод (ТАЛ), кој носи нафта од запад.
Првите зголемени зрезерви стигнаа до централното складиште за нафта во Чешката Република преку гасовод, изјави премиерот Петр Фијала на денешната прес-конференција емитувана на чешката телевизија.
Чешката влада се обиде да стави крај на својата делумна зависност од нафтоводот „Дружба“, кој транспортира нафта од Русија речиси 60 години.
Кон крајот на минатата година чешкиот нафтовод МЕРО ја заврши надградбата по должината на ТАЛ, кој транспортира нафта од танкери во италијанскиот град Трст до Германија, каде што се поврзува со гасоводот ИКЛ до Чешка.
Надградбата на ТАЛ го зголеми капацитетот со кој располага Чешка на осум милиони тони годишно, што е доволно за годишните потреби на земјата.
Чешката компанија за преработка на нафта „Орлен унипетрол“ ја набавуваше половина од својата сурова нафта од Русија, а другата половина од ТАЛ.
Компанијата ги користи државните резерви за да ги одржи претходните нивоа на производство откога испораките на „Дружба“ беа прекинати во март, но се подготвува да ја користи исклучиво нафтата што ќе ја добие од ТАЛ по зголемувањето на капацитетот.
Европа
Русите го нападнаа Днепар со дронови: двајца загинати, меѓу повредените и деца

Русија синоќа изврши масовен напад со дрон врз градот Днепар во југоисточна Украина, при што загинаа две лица.
Серхиј Лисак, гувернер на регионот Дњепропетровск, извести дека загинале две жени, а во моментов се знае дека се повредени 16 лица. Меѓу повредените има три деца, девојче на само девет месеци и момчиња на возраст од шест и единаесет години. Пет лица во моментов се на болничко лекување.
🇷🇺 Slavyangrad on Telegram posted this picture of Dnepropetrovsk hit by Geranium-2 drones
🕊️ℹ️ IMO given the necessary time, Russia will seek to liberate Dnipropetrovsk, Zaporizhzhia, Kharkiv, Kherson, Mykolayiv and Odessa pic.twitter.com/LzKGcLGk9F
— 🇿🇦🇨🇺🇵🇸 White EFF Fighter (@lula_leftist) April 17, 2025
Покрај тоа, Лисак додаде дека нападите предизвикале неколку големи пожари кои оштетиле приватни домови и згради, како и образовна институција. Борис Филатов, градоначалникот на Днепар, додаде дека руските беспилотни летала го гаѓале и градското собрание.
Претходната ноќ, црноморскиот пристанишен град Одеса повторно беше мета на руски беспилотни летала, а за време на тој напад беа повредени три лица, а беа предизвикани и пожари, како и оштетувања на куќите и цивилната инфраструктура.
Европа
Русите ја нападнаа Одеса

Во напад на руски беспилотни летала врз пристанишниот град Одеса на Црното Море во текот на ноќта повредени се три лица, предизвикани се пожари и оштетени се домови и цивилна инфраструктура, соопштија утринава властите во јужниот украински регион.
„Непријателот повторно ја нападна Одеса со масовен напад со беспилотни летала“, рече Олех Кипер, гувернер на регионот, чиј административен центар е градот Одеса, на апликацијата за пораки „Телеграм“, но сè уште не е познат целосниот обем на нападот.
Украинските воздухопловни сили обично известуваат за детали за руските напади што траат во текот на ноќта подоцна утрото.
Во објава на „Телеграм“ службите за итни случаи на Украина објавија дека три лица се повредени и дека како резултат на нападот избувнале неколку пожари во градот.
Градоначалникот на Одеса, Генадиј Труханов, објави фотографија на која се урнати станбени згради и други објекти, а на друга работниците за итна помош бараат низ урнатините, а куче ѕирка зад куп дрва.
„Ројтерс“ не можеше независно да ги потврди извештаите. Двете страни негираат дека целеле цивили во војната што Русија ја почна со сеопфатната инвазија на Украина пред повеќе од три години.
Кон крајот на март САД соопштија дека постигнале посебни договори со Украина и Русија за запирање на нападите над Црното Море и едни со други енергетски цели.
Двете страни постојано меѓусебно се обвинуваат за кршење на мораториумот.