Свет
Поставен најпознатиот оџак во светот: првиот знак дека сè е подготвено за историскиoт момент

Утрово, во Ватикан почна симболична и логистички значајна операција – пожарникарите почнаа да го инсталираат веројатно најпознатиот оџак во светот, оној на покривот на Сикстинската капела. Преку него, во наредните денови, ќе му се сигнализира на светот текот на конклавата – со црн чад ако папата не е избран или со бел чад кога ќе се избере 267. поглавар на Римокатоличката црква.
Се очекува првиот чад од оџакот да се појави в среда попладне откога кардиналите ќе почнат затворена изборна постапка, позната како конклава. Во овој изборен процес учествуваат 133 кардинали, а за еден од нив да биде избран за папа мора да добие двотретинско мнозинство гласови, пренесуваат светските медиуми.
На претходната конклава одржана во 2013 година, кога беше избран папата Франциско, на белиот чад му претходеа пет круга гласање, а изборот беше направен попладнето на вториот ден.
Ритуал и симболика во срцето на Ватикан
Едно гласање е закажано за првиот ден од конклавата, а четири ќе се одржат во следните денови – две наутро и две попладне. Доколку и по три дена не се избере ниеден кандидат, постапката привремено се прекинува, така што кардиналите ќе имаат ден за молитва, меѓусебни дискусии и духовна обнова. На тој ден духовната поука ја дава првиот кардинал од редот на ѓаконите.
Покрај традиционалниот сигнал преку чад, изборот на папата од понтификатот на Јован Павле II исто така се најавува со ѕвонењето на најголемото ѕвоно на базиликата „Свети Петар“.
Потоа кардиналот се појавува на балконот на базиликата со зборовите познати на целиот свет: „Ви најавувам голема радост! Имаме папа!“
Додека очите на светот се насочени кон Ватикан, минута по минута се следат сите детали што го најавуваат големиот настан. Поставувањето на оџакот на покривот на Сикстинската капела, извршено од пожарникари под будното око на црковните и техничките екипи, е првиот знак дека сè е подготвено за уште еден историски момент во животот на Римокатоличката црква, според написите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Рутe: Русите произведуваат четири пати повеќе муниција од НАТО

Генералниот секретар на САД, Марк Руте, предупреди дека военото производство на Русија е значително поголемо од она на НАТО, повикувајќи ги западните земји да ги зголемат воените трошоци.
Во интервју за „Њујорк тајмс“, Руте предупреди за воените капацитети на Русија, истакнувајќи дека земјата е „реконституирана со темпо и брзина што е неспоредлива во поновата историја“.
Тој рече дека Москва „произведува три пати повеќе муниција за три месеци отколку што целиот НАТО произведува за една година“.
Руте посочи на предлогот за зголемување на воените трошоци на НАТО на 5% од БДП – бројка на која инсистира американскиот претседател Доналд Трамп – при што 3,5% би оделе во основни воени буџети, а дополнителни 1,5% би биле наменети за области како што се сајбер одбраната и подготовката на цивилната инфраструктура.
„Да, ова е огромна сума на трошоци. Но, ако не го направиме тоа, ќе мора да научиме руски“, рече генералниот секретар на НАТО.
На прашањето дали зголемените трошоци за одбрана ризикуваат да поттикнат трка во вооружување со Русија, Руте рече: „Мора да се осигураме дека има одвраќање“, истакнувајќи ги големите инвестиции на Русија во тенкови, артилерија, воздушна одбрана и муниција.
Свет
Пропалестински активисти протестираат пред Белата куќа пред посетата на Нетанјаху

Демонстранти се собраа пред Белата куќа во знак на протест против посетата на израелскиот премиер Бенјамин Нетанјаху на Вашингтон.
View this post on Instagram
Носејќи палестински знамиња и транспаренти, демонстрантите ги осудија воените акции на Израел во Газа и повикаа на прекин на американската поддршка за Израел.
🛑 Pro-Palestinian groups gather outside White House to protest Israeli Prime Minister Benjamin Netanyahu’s visit https://t.co/dhuyUDnveK pic.twitter.com/FeRhGeQKzh
— Anadolu English (@anadoluagency) July 7, 2025
Нетанјаху и американскиот претседател Доналд Трамп ќе разговараат за преговорите со Хамас за прекин на огнот, кој се очекува да трае најмалку 60 дена.
Свет
(Видео) Лав избега од куќа во Пакистан, нападна жена и деца, сопствениците уапсени

Драматичен инцидент се случи во источниот пакистански град Лахор кога лав избега од семејна куќа и нападна жена со три мали деца на улица. Според официјалните информации од властите, нападот се случил кога лавот скокнал преку бетонски ѕид и одеднаш се стрчал кон семејството, пишува Би-би-си.
Снимката го покажува лавот како брза кон жената додека минувачите бегаат во паника во обид да избегнат опасност. Жената и нејзините деца, на возраст од пет и седум години, претрпеле повреди на рацете и лицето. Тие се во стабилна состојба и се надвор од опасност.
A #pet #lion escaped in Lahore, Pakistan yesterday, attacking a woman and two children on a busy street. Shocking footage shows the big cat leaping over a wall before pouncing on them. The lion was captured and sent to #wildlife park. The owner was arrested. While people can… pic.twitter.com/L8qiWgNag1
— Raza Ahmad Rumi (@Razarumi) July 4, 2025
Полицијата ги уапси сопствениците, кои, според извештаите, ги држеле лавовите без дозвола. Тие се обвинети за небрежност и нелегално поседување диво животно во границите на градот. Лавот што го предизвикал инцидентот е фатен и преместен во блискиот парк за диви животни.
„Тие само стоеја таму и гледаа како лавот го напаѓа моето семејство“, рече таткото на повредените деца додавајќи дека сопствениците не се обиделе да го спречат животното или да им помогнат на жртвите.
Пакистанскиот закон дозволува чување големи мачки, како што се лавови, тигри, пуми, гепарди и јагуари, но само ако се регистрирани и се чуваат надвор од урбаните средини. Потребна е и еднократна дозвола, која чини 50.000 пакистански рупии, што е речиси 176 американски долари.
По овој напад, властите во пакистанската покраина Пенџаб почнаа со зголемен надзор врз чување диви животни. За само неколку дена беа уапсени пет лица, а вкупно 13 лава беа запленети.
Во јануари оваа година пакистанскиот јутјубер Раџаб Бута, кој има повеќе од 5,6 милиони претплатници, доби свадбен подарок лавче. За нелегално чување на животното му беше наредено да снима едукативни видеа за благосостојбата и заштитата на животните.