Папата Франциско помина мирна ноќ во болница, соопшти денеска Ватикан, 27 дена по неговата хоспитализација поради билатерална пневмонија.

Ватикан вчера соопшти дека 88-годишниот Франциско повеќе не е во непосредна опасност и дека неговата состојба е стабилна со благо подобрување, но не наведе кога би можел да биде пуштен од болница.

Поглаварот на Католичката црква од 14 февруари се наоѓа на лекување во римската болница „Гемели“, првично од бронхитис, кој прерасна во билатерална пневмонија.

Хоспитализацијата на папата, најдолгата во неговиот понтификат, дојде бидејќи тој веќе беше ослабен поради низа други здравствени проблеми.

Франциско има проблеми со дишењето, особено поради отстранување дел од белите дробови кога имал 21 година.

Здравствените проблеми ги оживеаја прашањата за неговата способност да ги извршува своите должности, како и шпекулациите за можна оставка.

Кремљ реагира на веста дека Украина го прифатила американскиот предлог за 30-дневен прекин на огнот.

Портпаролот на Владимир Путин, Дмитриј Песков, рече дека тие не сакаат да донесуваат предвремени заклучоци и дека првин мора да добијат официјални информации од САД.

САД и Украина, за потсетување, на вчерашната средба во Џеда постигнаа договор за 30-дневен прекин на огнот, кој може да биде продолжен со заедничка согласност на Русија и Украина. Договорот вклучува обновување на американската воена помош и размена на разузнавачки информации за Украина.

Целта на договорот е да се отвори простор за преговори со Русија, а Украина се согласи да формира преговарачки тим и да работи на трајно решение на војната. Путин претходно нагласи дека му е потребна долгорочна безбедност за Русија, а не привремено примирје.

Руски извори реагираа претпазливо на предлогот на САД за 30-дневен прекин на огнот што Киев го поддржа вчера велејќи дека секој договор за ставање крај на војната во Украина ќе мора да го земе предвид напредокот на Русија и да одговори на загриженоста на Москва. Руската инвазија на Украина во 2022 година остави стотици илјади мртви и ранети, раселени милиони луѓе и ја предизвика најголемата конфронтација меѓу Москва и Западот од Кубанската ракетна криза во 1962 година.

Американскиот претседател Доналд Трамп ја смени претходната американска политика кон Русија отворајќи билатерални разговори со Москва и суспендирајќи ги воената помош и размената на разузнавачки информации со Украина велејќи дека таа мора да се согласи со условите за завршување на војната.

Соединетите Американски Држави вчера се согласија да продолжат со воената помош и со размената на разузнавачки информации откога Киев соопшти дека е подготвен да го поддржи предлогот за прекин на огнот.

„Малку е веројатно дека ќе се согласат на прекин на огнот во неговата сегашна форма“
Висок руски извор изјави за „Ројтерс“ дека на претседателот Владимир Путин ќе му биде тешко да се согласи со идејата за прекин на огнот, без да се договорат условите и да добијат некакви гаранции. „Тешко е Путин да се согласи со тоа во сегашната форма“, изјави изворот за „Ројтерс“, кој побара да остане анонимен поради чувствителноста на ситуацијата.

„Путин има силна позиција бидејќи Русија напредува“, додаде тој. Изворот рече дека, без гаранции, заедно со прекинот на огнот, позицијата на Русија може бргу да стане послаба, а Западот потоа може да ја обвини Русија за неуспехот да ја заврши војната.

„Изгледа како стапица“
Друг висок руски извор рече дека предлогот за прекин на огнот од перспектива на Москва изгледа како замка бидејќи на Путин би му било тешко да ја запре војната, без конкретни гаранции или ветувања.

Трет руски извор рече дека поголемата слика е дека Соединетите Американски Држави се согласиле да ги продолжат воената помош за Украина и размената на разузнавачки информации и дека го украсиле потегот со предлог за прекин на огнот.

Кремљ сѐ уште не коментирал.

Што рече Путин во декември?
Путин во декември рече: „Не ни треба прекин на огнот, потребен ни е долгорочен мир обезбеден со гаранции за Руската Федерација и нејзините граѓани. Тешкото прашање е како да се обезбедат овие гаранции“.

Портпаролката на руското Министерство за надворешни работи, Марија Захарова, денеска изјави дека одлуките за конфликтот во Украина ќе бидат донесени во Москва откога Киев соопшти дека е подготвен да го поддржи предлогот на Вашингтон за 30-дневен прекин на огнот, пренесе ТАСС.

„Формирањето на позицијата на Руската Федерација не се случува во странство поради некои договори или напори на некои страни. Формирањето на позицијата на Руската Федерација се одвива во рамките на Руската Федерација“, рече таа.

„Со Русија ќе биде поинаку“
Влијателен руски пратеник, коментирајќи го предлогот за прекин на огнот за кој преговараа американски и украински претставници, во средата рече дека секој договор ќе биде според условите на Москва, а не на Вашингтон.

„Русија напредува (во Украина) и затоа ќе биде поинаку со Русија“, рече Константин Косачев, претседател на комитетот за меѓународни прашања на Советот на Федерацијата, горниот дом на рускиот парламент, во објава на „Телеграм“.

„Секој договор – со сето разбирање за потребата од компромис – под наши услови, не американски. И тоа не е фалење, туку разбирање дека вистински договори сè уште се пишуваат таму, на фронтот. А тоа треба да го разберат и во Вашингтон“, посочи тој.