Свет
Потресни сведоштва од Газа: „Децата бараат вода и леб, размерите на трагедијата се без преседан“

Размерите на трагедијата во Газа се без преседан, изјави генералниот комесар на Агенцијата на ОН за помош на палестинските бегалци на Блискиот Исток (УНРВА), Филипе Лазарини.
Тој го посети Појасот Газа и се сретна со палестинските бегалци кои се криеја во едно од училиштата под покровителство на ОН, истакнувајќи дека тоа е „еден од најтажните денови“ во неговата хуманитарна работа, пренесува Гардијан.
„Местото беше преполно. Нивото на нехигиена и условите за живеење се неразбирливи. Сите бараа само вода и храна. Наместо да бидат на училиште и да учат, децата бараа голтка вода и парче леб. Ми го скинаа срцето. Но, пред се, луѓето побараа прекин на огнот, сакаат оваа трагедија да заврши што поскоро“, рече Лазарини.
Тој повика на „смислен“ хуманитарен одговор за да се спречи луѓето во Газа да загинат под опсада.
„Уште еднаш повикувам на итни испораки на гориво. Горивото не стигнува скоро еден месец и тоа има погубно влијание врз болниците, водоводните постројки и нашиот бизнис“, рече Лазарини.
Тој додаде дека не се одговара на повиците за помош од Газа.
„Одамна требаше да се случи хуманитарниот прекин на огнот. Без тоа ќе бидат убиени повеќе луѓе, а оние што ќе преживеат ќе претрпат дополнителни загуби“, рече Лазарини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски вели дека украинската армија ги продолжува операциите во рускиот регион Курск

Претседателот на Украина, Володимир Зеленски денеска изјави дека украинската армија ги продолжува операциите во рускиот регион Курск.
– Нашите сили ги продолжуваат активните одбранбени операции во одредени подрачја на (руските) области Курск и Белгородск, истакна Зеленски.
Рускиот претседател Владимир Путин вчера изјави Курск е целосно ослободен.
Русија повторно воспостави контрола над Курск. Авантурата на режимот на Киев целосно пропадна, изјави вчера Путин.
Претставници на украинската армија вчера ги демантираа тврдењата на Путин и на Генералштабот на руската армија дека Курск е ослободен.
Свет
Русија лансираше 97 беспилотни летала во неколку региони низ Украина

Во текот на ноќта, Русија лансираше 97 беспилотни летала во неколку региони низ Украина, соопштија Воздухопловните сили на вооружените сили на Украина.
Воздухопловните сили објавија на Телеграм дека украинските сили собориле 66 руски беспилотни летала во текот на ноќта.
Во голем број украински региони е прогласена воздушна опасност поради лансирање руски беспилотни летала, вклучувајќи ги Полтавската и Харковската област, Одеса, Киев, Суми, Чернигов, Днепропетровск и Запорожје
Свет
Од денеска за верниците се отвора гробницата на папата Франциско во базиликата Санта Марија Маџоре во Рим

Од денеска гробницата на папата Франциско во базиликата Санта Марија Маџоре во Рим ќе биде отворена за верниците, соопшти Ватикан.
Папата, кој почина на 88-годишна возраст на 21 април од мозочен удар, беше погребан вчера во гробница одвоена помеѓу две капели во римската базилика, по церемонија на жалост одржана во Ватикан. Церемонијата на поставување на ковчегот траеше околу половина час.
На погребот во базиликата Санта Марија Маџоре присуствуваа само најблиските, а едноставниот, дрвен ковчег на папата беше пречекан со ѕвона.
На мисата во Ватикан, според официјалните податоци од Ватикан, присуствуваа околу 250.000 луѓе, како и 170 странски делегации. Меѓу нив имаше шефови на држави и влади, монарси, поранешни државници, политичари од Италија и други земји, интелектуалци, уметници. Подоцна, италијанскиот министер за внатрешни работи Матео Пјантедози изјави дека најмалку 400.000 луѓе присуствувале на погребот на папата Франциск, собрани на плоштадот „Свети Петар“ и по улиците на Рим.
Целиот настан го следеа околу 2.700 акредитирани новинари.