Европа
Почина Волфганг Шојбле, познатиот германски политичар

На 81-годишна возраст почина познатиот германски политичар Волфганг Шојбле. Тој почина во сон, пренесуваат медиумите.
Шојбле, кој беше дел од Бундестагот повеќе од 50 години, зад себе ги остави сопругата, четирите деца и четирите внуци.
Wir trauern um Wolfgang #Schäuble. Er hat sein Leben in den Dienst unseres Landes gestellt und war ein enger Freund der jüdischen Gemeinschaft in Deutschland. Wir sind in Gedanken bei seiner Familie. pic.twitter.com/ucahYDusX9
— Zentralrat der Juden in Deutschland (@ZentralratJuden) December 27, 2023
Роден е во Фрајбург во 1942 година, каде што студирал, а потоа студирал на Универзитетот во Хамбург.
Тој ја почна својата кариера во окружниот суд во Офенбург во 1978 година. Неговата политичка кариера почна во 1969 година, а три години подоцна беше избран во Бундестагот со освојување на изборната единица во Офенбург.
Неговата министерска кариера почна во 1984 година кога канцеларот Хелмут Кол го назначи за министер за специјални работи. Во 1989 година Шојбле беше назначен за министер за внатрешни работи и ги водеше преговорите за повторно обединување во име на Сојузна Република Германија.
За време на својот мандат како министер за внатрешни работи, Шојбле беше еден од најпопуларните германски политичари и редовно се споменуваше како можен иден канцелар, иако повремено се соочуваше со критики од активисти за граѓански права за неговата политика на ред и закон.
По поразот на ЦДУ/ЦСУ на сојузните избори во 1998 година, Шојбле го наследи својот ментор Хелмут Кол како претседател на ЦДУ, но поднесе оставка по помалку од две години по скандалот со финансирање на партијата.
Во 2005 година Шојбле повторно стана министер за внатрешни работи во кабинетот на канцеларката Ангела Меркел, а во 2009 година министер за финансии и на таа функција остана речиси осум години.
Многумина го сметаа за најмоќната фигура во Германија по Ангела Меркел.
Светот ќе го памети по цврстиот став што го зазеде кон јужноевропските земји за време на кризата во еврозоната и по отфрлањето на повиците на Меѓународниот монетарен фонд да ѝдаде на Грција повеќе време да го заузда својот дефицит.
Поборник за штедење, буџетот на Шојбле за 2014 година ја направи Германија без долгови првпат од 1969 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија очекува да се договори за датум за третата рунда мировни преговори со Украина

Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона

Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари

Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.