Свет
Почина Кофи Анан

Кофи Анан, некогашен генерален секретар на Обединетите Нации и добитник на Нобеловата награда за мир, почина денеска на 81 година.
Веста беше објавена на официјалната страна на „Твитер“ на Обединетите Нации.
„Жалиме за големиот човек, лидерот и визионер, некогашниот генерален секретар на Обединетите Нации, Кофи Анан. Убаво го помина живот. Тоа беше живот вреден за славење“, стои во објавата на ОН.
Веста ја потврди и фондацијата која го носи неговото име.
„Почина мирно, по кратка болест“, стои во соопштението.
Анан беше седмиот генерален секретар на ОН и првиот Афроамериканец на оваа позиција. Тој ја извршуваше функцијата од 1 јануари 1997 до 31 декември во 2006 година. Работеше и како функционер во Светската здравствена организација и помошник генерален секретар за мировните операции на ОН во Босна и Херцеговина. Од октомври 1995 година беше специјален пратеник на Обединетите Нации за поранешната Југославија. Тој беше и специјален претеник на ОН за Сирија. Анан заедно со ОН во 2001 година ја доби Нобеловата награда за мирн, за нивната „работа кон подобро организиран и помирен свет“. Тој беше оженет и татко на три деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Земјотрес со јачина од 5,4 степени ја погоди западна Турција

Земјотрес со јачина од 5,4 степени ја погоди денеска западна Турција, соопшти Европско-медитеранскиот сеизмолошки центар (ЕМСЦ).
Земјотресот се случил во 12:59 часот по локално време и бил на длабочина од девет километри, според податоците објавени на веб-страницата на ЕМСЦ.
Според податоците од Турската дирекција за управување со катастрофи и вонредни состојби (АФАД), епицентарот на земјотресот бил во областа на градот Симав во округот Ќутахија.
Земјотресот, кој бил почувствуван и во соседните области, бил на длабочина од 8,4 километри, соопшти AФАД.
Свет
Цистерни со нафта излетаа од шини на железничката пруга Ваљево – Косјериќ

Две цистерни полни со нафта синоќа излетаа од шините на железничката пруга Ваљево – Косјериќ, во близина на местото Ражана, пренесуваат локалните медиуми.
Според информациите, цистерните биле при крајот на товарниот воз што се движел кон Косјериќ. Засега не е познато што ја предизвикало несреќата, ниту дали имало истекување нафта од композицијата.
Локалните портали јавуваат дека екипи се на терен и се очекува официјално соопштение од надлежните органи за причините и можните последици од инцидентот.
Свет
Израелските воздухопловни сили нападнале околу 140 цели во Појасот Газа

Израелските одбранбени сили (ИДФ) денеска соопштија дека изминатиот ден израелските воздухопловни сили нападнале околу 140 цели во Појасот Газа, вклучувајќи згради што ги користат терористичките групи.
Нападите се случуваат во време кога копнените трупи од три дивизии на ИДФ продолжуваат да напредуваат во градот Газа, пренесува „Тајмс оф Израел“.
Армијата соопшти дека трупите на Голанската бригада на ИДФ во еден инцидент во Газа забележале ќелија од пет борци на палестинското милитантно движење Хамас, кои испукале ракета RPG кон зградата каде што биле стационирани израелските сили, и дека тие возвратиле на нападот.