Свет
Почина кучето на Бајден: Секогаш ќе ни недостасува
Едно од кучињата на американскиот претседател Џо Бајден почина денеска, соопшти Белата куќа.
Бајден и првата дама Џил изјавија дека нивниот 13-годишен миленик, германскиот овчар Чемп, починал дома, пишува „Си-Би-Ес Њуз“.
Our family lost our loving companion Champ today. I will miss him. pic.twitter.com/sePqXBIAsE
— President Biden (@POTUS) June 19, 2021
„ Тој беше наш постојан, грижлив придружник во последните 13 години. Целото семејство Бајден го обожаваше. Иако силата на Чемп се намалуваше во изминатите неколку месеци, кога влеговме во собата, тој веднаш стануваше, ќе вртеше со опашката и ќе играше со нас“ се наведува во соопштението.
На крајот од денот најмногу сакаше да се свитка пред нашите нозе, но и да присуствува на состаноци или да се сонча во градината на Белата куќа, додаваат тие.
„ Во помладите денови, тој беше најсреќен додека бркаше топки за голф на тревникот на Поморската опсерваторија или додека ги бркаше внуците во нашиот двор во Делавер. Тој беше со нас во најсреќните моменти, но и во најтешките. Секогаш ќе ни недостасува“ се наведува во соопштението на Белата куќа.
Чемп е во семејството Бајден од 2008 година, а ќерките на Бајден му го дадоа името.
Secret Service Worry Major Biden’s Behavior Influenced By Time Spent On Far-Right Dog Forums https://t.co/lbaSg69gF7 pic.twitter.com/lRySn5xiMP
— The Onion (@TheOnion) March 30, 2021
Семејството Бајден има и помладо куче Мејџор, кое неодамна имаше обука што ќе му помогне подобро да се запознае со животот во Белата куќа. Мајџор пред неколку месеци гризна неколку луѓе во Белата куќа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.