Свет
Почна војната на клановите за тронот на Путин: „Ќе биде запаметен како најлош диктатор, како Хитлер или Гадафи“
„Верувам дека војната на клановите за тронот на Путин веќе почна. Тоа не значи дека ќе го сменат. Путин има 70 години, не е млад човек. Тоа значи дека неговите кругови разбираат дека порано или подоцна тој ќе умре или ќе се повлече. Тие сфаќаат дека треба да работат на разни сценарија по неговата смрт. А проблемот со тој негов круг е што е многу поделен“, вели во интервју за Радио Слободна Европа, Роман Анин, руски новинар што работел за „Новаја газета“ и е еден од основачите на iStories, кој беше етикетиран како странски агент од руските власти во 2021 година.
Анин вели дека членовите на кругот на рускиот претседател Владимир Путин постојано се борат меѓу себе со децении.
„Има многу примери, да речеме (членот на рускиот Совет за безбедност и Националната гарда на руската гарда, Виктор) Золотов, кој е многу близок или бил близок со Путин. Тој беше негов телохранител. Золотов го мрази (директорот на ФСБ, Александар) Бортников, а тој го мрази Золотов, постојано се караат“, изјави Анин.
Тој смета дека тоа ги зголемува шансите еден од нив или во коалиција да почне да дејствува уште пред смртта на Путин или губењето на власта, „едноставно затоа што ќе сфатат дека не сакаат да губат време“, вели Анин и додава дека целта на борбата на елитата на Путин е многу прагматична.
„Сакаат да си ги спасат животите, имотот, животот на своите роднини. Тие разбираат дека откако Русија ќе ја изгуби војната, затоа што никој меѓу нив веќе не верува во победа, тоа ќе биде почеток на борбата за тронот. А тој што ќе ја изгуби битката ќе изгуби се“ рече Анин.
„Замислете следниот претседател на Русија да биде некој од кланот на (Николај) Патрушев, кој е шеф на Советот за безбедност, еден од главните владини органи. Тоа значи дека оние што се бореле против него сите тие години нема да може да си го спасат имотот, можеби дури и животот или слободата“, предупредува тој.
Како што рече, дел од проблемот е што сите тие се во ист чамец. Поради санкциите против Русија, тие не може едноставно да го предадат Путин и да ја напуштат земјата.
„Тие се заглавени таму. Замислете змии заглавени во исто шише и се мразат“, вели Анин.
Некои веруваат дека на Путин му одговара тоа што неговите подредени се свртени еден против друг за тој да остане во силна позиција додека тие слабеат. Анин вели дека „играњето судија во тие конфликти во внатрешниот круг“ била неговата стратегија пред војната во Украина, но дека тоа веќе не е така.
„Сега е обратно, го прават послаб“, вели Анин укажувајќи на јавните конфликти меѓу шефот на платеничката група „Вагнер“, Евгениј Пригожин, и министерот за одбрана, Сергеј Шојгу, како и меѓу Пригожин и чеченскиот лидер Рамзан Кадиров.
Анин вели дека Путин е политичар кој „постојано се плаши од донесување одлуки, кој претпочита да седи и да чека проблемот некако сам да се реши“. Оваа необична процена на човекот што решил да изврши инвазија на соседна земја се објаснува со верувањето на Путин дека нема ризик во тоа дека лесно ќе ја добие војната и ќе ја освои Украина за три дена.
„Да се одлучи да направи нешто во неговиот клан е поинаку. Тој навистина нема многу избор. Пригожин и другите таканаречени патриоти веќе почнаа да го критикуваат и да велат дека ја предал државата. Тоа се многу сериозни обвинувања. Или Путин ќе дејствува сам, што значи почеток на репресијата против поранешните сојузници, или ќе биде предоцна. Тоа е многу тешка одлука. Неверојатно е дека таквата одлука му е потешка од онаа да изврши инвазија“, рече Анин и додаде дека Путин ќе мора повеќе да дејствува како што се приближуваат претседателските избори.
Тој исто така смета дека Путин не го назначил својот наследник затоа што немал добра фигура, а тешко е да се најде некој што ќе им служи на сите поделени кланови и кој нема да го изневери следниот ден откога ќе стане претседател.
„Мислам дека деновиве најмногу жали што нема син, кој би можел да стане природен наследник… Сигурен сум дека ќе оди на уште еден претседателски мандат“, рече тој.
Што се однесува до наследството на Путин, Анин смета дека е јасно што ќе биде со тоа.
„Тој ќе биде (запаметен) речиси како (Адолф) Хитлер, како еден од најлошите диктатори, личноста што ја почна една од најсуровите војни во Европа. Тој сакаше да живее во историјата некаде помеѓу Петар Први и Катерина Велика, но ќе биде некаде помеѓу Хитлер и Гадафи“, вели Анин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Тело на руски бизнисмен пронајдено на плажа на Кипар
Кипарските власти објавија дека телото пронајдено минатиот месец на плажа на југот од земјата е идентификувано. Станува збор за поранешниот извршен директор на најголемиот производител на калиум во Русија, кој беше приведен во Белорусија во 2013 година под обвинение за оштетување на белоруската економија.
Полицијата од британска воена база соопшти дека ДНК анализата потврдила дека станува збор за Владислав Баумгертнер (53), кој исчезнал од својот дом во крајбрежниот град Лимасол на 7 јануари. Неговото тело е пронајдено една недела подоцна на плажата Авдиму.
Во тек е истрага за околностите и причината за смртта на Баумгертнер. Неговото семејство е информирано. Плажата Авдиму се наоѓа во рамките на една од двете воени бази што Обединетото Кралство ги задржа откако Кипар доби независност од британската колонијална власт во 1960 година. Базите имаат своја полиција и судови.
Баумгертнер живее на Кипар во последните неколку години. Тој престојувал во стан над неговата канцеларија во Лимасол, град каде што живеат голем број руски емигранти.
фото/епа
Свет
Заврши првиот ден од преговорите меѓу Украина, Русија и САД во Абу Даби
Украинскиот преговарачки тим го заврши првиот ден од трилатералните разговори со Русија и САД во Абу Даби, насочени кон решавање на руско-украинската војна, објави Дијана Давитјан, портпаролка на секретарот на Советот за национална безбедност и одбрана Рустем Умеров, пренесува „Украинска правда“.
„Преговорите се завршени за денес“, рече Давитјан, додавајќи дека е закажано да продолжат утре.
Украинската делегација во Абу Даби ги вклучува Рустем Умеров; Кирил Буданов, шеф на претседателската администрација, и неговиот прв заменик Серхиј Кислица; Давид Арахамија, претседател на парламентарната група на партијата Слуга на народот; Андриј Хнатов, началник на Генералштабот на вооружените сили на Украина; и советник на кабинетот на претседателот Олександр Бевз.
Умјеров објави дека украинскиот тим планира и билатерален состанок со американската делегација, претставена од зетот на американскиот претседател Доналд Трамп, Џаред Кушнер, и специјалниот пратеник Стив Виткоф. На состанокот ќе се разговара за документ за безбедносни гаранции и „план за просперитет“.
Трилатералните разговори во Обединетите Арапски Емирати се одржуваат по големиот руски напад врз Украина. По последните напади, претседателот Володимир Зеленски објави дека работата на украинската делегација во мировните преговори ќе биде прилагодена.
фото/епа
Свет
ЕУ одобри заем од 90 милијарди евра за Украина за одбрана и буџет
Земјите од ЕУ постигнаа договор за заем од 90 милијарди евра за покривање на финансиските и воените потреби на Украина за 2026 и 2027 година. Брисел има намера да ја изврши првата рата на почетокот на април за да обезбеди континуитет на странската помош за Киев, објави Euronews.
Амбасадорите на земјите-членки се согласија за правните текстови денеска попладне, откако Кипар, кој претседава со Советот, презентираше нова верзија на предлогот.
„Денешната спогодба покажува дека ЕУ продолжува решително да дејствува во поддршка на Украина и нејзиниот народ. Новото финансирање на помошта ќе обезбеди силна отпорност на земјата во услови на руска агресија“, рече кипарскиот министер за финансии Макис Керавнос.
Во исто време, додаде тој, испраќаме силна порака дека суверенитетот и територијалниот интегритет на државите мора целосно да се почитуваат, во согласност со меѓународното право.
Заемот од 90 милијарди евра, кој беше политички договорен на самитот во Брисел, ќе биде финансиран со издавање заеднички долг, а буџетот на ЕУ ќе дејствува како гаранција за инвеститорите. Според договорот, Унгарија, Словачка и Чешка ќе бидат целосно ослободени од сите финансиски обврски, вклучително и годишните плаќања на камати.
Европската комисија проценува дека преостанатите 24 земји-членки ќе мора да платат помеѓу 2 и 3 милијарди евра секоја година за покривање на поврзаните трошоци.
90-те милијарди евра ќе бидат поделени на два главни дела: 30 милијарди евра за буџетска поддршка и 60 милијарди евра за воена помош за купување оружје и муниција. Овој сооднос би можел да се промени ако заврши војната.
Парите ќе бидат исплатени постепено и ќе бидат предмет на строги услови. На пример, сите неуспеси во борбата против корупцијата во Украина би можеле да предизвикаат суспензија на помошта.
Од Украина ќе биде побарано да ги врати 90-те милијарди евра само под услов Русија да ја заврши војната и да се согласи да му ја надомести штетата на Киев. Со оглед на тоа што Москва експлицитно ја исклучи можноста за плаќање репарации, се очекува Брисел да ја одложи отплатата на долгот на неодредено време.
фото/Depositphotos
Алиу истражува, но се сомнева дека ќе најде податоци за извозот на мозоци: Истечени се сите рокови за архивирање на документите
Стариот закон ги обврзува институциите да ги чуваат документите за извоз на мозоците како биолошки материјал 15 години, а новиот,...
За да нема операции со врски Алиу воведе нов електронски систем: болниците лани направиле 34.862 операции кои не ги завеле во „Мој термин“
Министерот за здравство Азир Алиу денес промовираше електронски систем за евиденција на операциите во сите јавни здравствени установи во земјава....
По протестите за „Безбеден град“, Мицкоски најави жесток одговор за секој кој го прекршил законот
Премиерот Христијан Мицкоски побарал да биде санкциониран секој што јавно упатувал закани и го загрозувал мирот и безбедноста, по вчерашните...
Мицкоски: Да почекаме истрагата да даде одговор за наводите за транспортирани мозоци
Премиерот Христијан Мицкоски изјави дека нема јавно да коментира додека не се добијат поконкретни информации во врска со објавите дека...
Пушењето најголем ризик фактор за рак на бели дробови, значајно придонесува и кај други видови рак
По повод Светскиот ден за борба против ракот, Министерството за здравство и Институтот за јавно здравје потсетуваат дека пушењето претставува...
По заканите кон новинарот Видиновски, Обвинителството оформи предмет
Во насока на заложбите за заштита на безбедноста на новинарите и итно постапување за секое загрозување на медиумските слободи, Јавното...
Обвинителството оформи предмет по допрен глас за наводите за транспорт на мозоци од починати лица во САД
Јавното обвинителство на Република Северна Македонија, врз основа на повеќе објавени информации во медиумите, оформи предмет по допрен глас поради...
СДСМ: Молкот за дрогата од 5 тони е потврда дека скандалот оди до врвот на власта
Трет ден по ред власта молчи за огромниот картелски скандал со заплената на 5 тони дрога во соседна Србија, која...
Се откри театарот на Трендафилов нарачан од СДС и Левица, велат од ВМРО-ДПМНЕ
Излезе на површина несериозноста, неодговорноста и поигрувањето на Слободан Трендафилов со чувствата и иднината на работниците, истакнуваат од ВМРО-ДПМНЕ. „Откако...
Поранешната сопруга на Бил Гејтс: Тоа што е во досиејата на Епстин ме потсетува на болни времиња
Милијардерката и филантроп Мелинда Френч Гејтс изјави дека споменувањето на нејзиниот поранешен сопруг Бил Гејтс во новите документи поврзани со...
Преписка помеѓу Епстин и бизнисмен од Емиратите: „Одам да пробам свежа Русинка на јахта“
Нови документи објавени од Министерството за правда на САД открија бизарни и шокантни детали за блиската врска помеѓу Султан Ахмед...
(Видео) Трамп: Путин го одржа ветувањето да ги запре нападите
Американскиот претседател Доналд Трамп изјави дека би сакал рускиот претседател Владимир Путин да „ја заврши војната“ во Украина, но исто...
(Видео) Зеленски: Чекаме реакција на Америка на новите руски напади
Украинскиот претседател Володимир Зеленски вчера изјави дека Украина чека реакција од САД на ноќните напади на Русија врз градови низ...
Министерството за здравство за случајот со „извоз на мозоци“: Немаме директни надлежности во спроведувањето на научно-истражувачката дејност
Во врска со актуелната тема во јавноста за научна студија за мозочни примероци меѓу Институтот за судска медицина и МАНУ,...
Во вторник ССМ ќе ги блокира пратениците, во четврток газдите, а на 17 февруари Владата: ќе мора пешки да поминат пред работниците
Откога владин претставник вчера не се појави во Сојузот на синдикати на Македонија (ССМ) да потпише спогодба за зголемување на...
Николоски со претставници на Европската Комисија: бара изнаоѓање на долгорочни решенија за превозниците
Заменик претседателот на Владата и министер за транспорт Александар Николоски, заедно со министерот за внатреши работи, Панче Тошковски и заменик...
Почна исплатата на „Мој ДДВ“, повик до граѓаните со погрешна сметка да ги ажурираат податоците
Управата за Јавни Приходи – УЈП ја почна исплатата на средства за скенираните фискални сметки за четвртото тримесечје од 2025...
Бомба фрлена врз куќата на Здравко Чолиќ во Белград
Доцна синоќа беше фрлена бомба врз куќата на пејачот Здравко Чолиќ во белградската населба Дедиње. Полицијата и дежурниот обвинител на...
651 прекршоци регистрирани вчера преку „Безбеден град“, од нив 585 за пребрзо возење
Во текот на вчерашниот ден преку системот „Безбеден град“ констатирани се вкупно 651 прекршоци, извести МВР. „Од нив, за минување...
Електродистрибуција: Tешка кражба на електрична енергија од трафостаница, штета од 16 милиони денари
„Тимот за откривање на неовластено користење на електрична енергија побара спроведување на пребарување од МВР и вклучување на вешто лице,...
