Свет
(Видео) По две децении, 55-годишен Холанѓанец е уапсен за убиство на 11-годишно момче
По дводецениска потрага, холандската полиција соопшти дека 55-годишниот Холанѓанец Џош Брех, осомничен дека извршил убиство над 11-годишно момче пред 20 години, е упасен денеска во Шпанија.
Неговото апсење следува откако холандската полиција објави јавен апел и фотографии од осомничениот за помош за негово пронаоѓање.
Џош Брех официјално беше именуван како осомничен за убиството на младото момче минатата недела, по завршување на нов ДНК-тест, кој покажал дека трагите пронајдени на облеката на момчето се совпаднале . Холандската полиција по апсењето соопшти дека конечно верува дека случајот за брзо време ќе биде расветлен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку 50 луѓе загинаа во поплавите во Авганистан
Најмалку 50 лица загинаа во Авганистан во поплави по обилните дождови во северната провинција Баглан, изјави портпаролот на Министерството за внатрешни работи, Абдул Матен Кание.
Тој посочи дека бројот на жртви може да се зголеми, пренесе Ројтерс.
Кание рече дека има поплави во повеќе од пет области во Баглан по обилните дождови и на некои домаќинства им е потребна итна помош.
Тој додаде дека за вечерва се предвидуваат две силни невремиња.
„Министерството за внатрешни работи испрати екипи и хеликоптери во областа, но поради недостиг на светла за ноќно гледање во хеликоптерите, операцијата можеби нема да биде успешна“, рече тој.
Најмалку 33 лица загинаа, а 27 се повредени во силните поплави предизвикани од сезонските дождови во средината на април во Авганистан.
Поплави во април го погодија главниот град Кабул и неколку провинции низ земјата.
Свет
САД најавуваат нов пакет помош од 400 милиони долари за Украина
Соединетите Американски Држави денеска ќе објават нов пакет помош од 400 милиони долари за Киев, кој ќе вклучува ракети за системите „Патриот“ и борбените возила на пешадијата „Бредли“, пишува „Политико“, повикувајќи се на неименувани американски претставници.
„Во петок САД ќе објават нов пакет воена помош за Украина во вредност од 400 милиони долари“, пишуваат медиумите.
Политико наведува дека пакетот ќе вклучува ракети „Патриот“ и „Стингер“, пешадиски борбени возила „Бредли“, оклопни транспортери МРАП и противтенковски системи „Јавелин“.
Свет
Лукашенко го разреши началникот на Генералштабот на вооружените сили на Белорусија
Претседателот на Белорусија, Александар Лукашенко го потпиша указот за разрешување на началникот на Генералштабот на вооружените сили Виктор Гулевич.
„Генерал-мајор Виктор Гулевич беше разрешен од должноста началник на Генералштабот на вооружените сили, прв заменик министер за одбрана. Соодветната уредба 192 беше потпишана од претседателот“, се наведува во соопштението и се додава дека Гулевич е разрешен од служењето на војската поради неговата возраст, но дека го задржува правото да носи воена униформа, пренесува Известија.
Претходно Лукашенко го критикуваше воено-индустрискиот комплекс (МИЦ) за, како што рече, лошите резултати.