Свет
По поплавите, на Јапонија ѝ се заканува нова опасност
Во поплавите и лизгањето на земјиштето што почна по поројните дождови во западниот дел на Јапонија загинаа речиси 200 луѓе, а постојат стравувања дека високите температури и недостигот на вода може да предизвика ширење болести.
Ова е најголемата несреќа што ја погоди Јапонија во последните 36 години. Повеќе од 200 000 домаќинства се без вода, една недела по обилните врнежи. Јапонската влада соопшти дека според последните податоци, 195 лица загинале, а десетици се водат за исчезнати.
Температурите над 30 Целзиусови степени и високата влажност на воздухот ги загрозуваат луѓето кои се сместени во училишни спортски сали и во центрите за евакуација.
Со оглед на тоа што количеството вода е ограничено, многу луѓе не внесуваат доволно течности и им се заканува топлотен шок.
Луѓето, исто така, избегнуваат да користат вода за да ги мијат рацете стравувајќи од епидемија.
Владата испрати цистерни со вода во погодените области, но резервите се сé уште ограничени. Повеќе од 70 000 војници, полицајци и пожарникари се обидуваат да ги пронајдат исчезнатите лица. Во многу области куќите се затрупани со кал, кој е стврднат од топлина, што ја отежнува потрагата. Експертите укажуваат дека е можно вакви катастрофи предизвикани од обилните врнежи да се сè почести во Јапонија поради глобалното затоплување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.