Свет
По престојот во Скопје, американскиот државен секретар стигна во Израел
Американскиот државен секретар Антони Блинкен денеска пристигна во Тел Авив, каде што се очекува да се сретне со израелските лидери на разговори за продолжување на привременото примирје на Израел со милитантите на Хамас и зголемување на хуманитарната помош за Појасот Газа.
Блинкен вчера беше во Скопје во рамките на состанокот на ОБСЕ, каде што се сретна и со македонскиот премиер, Димитар Ковачевски, и министерот за надворешни работи, Бујар Османи.
Блинкен се очекува денес да го посети и окупираниот Западен Брег, каде што, најверојатно, ќе се сретне со палестинскиот претседател Махмуд Абас, изјави палестински претставник.
„Гледајќи ги следните неколку дена, ќе бидеме фокусирани да направиме сѐ што можеме за да го продолжиме примирјето и да продолжиме да извлекуваме што е можно повеќе заложници, како и да обезбедиме поголема хуманитарна помош“, рече Блинкен на прес-конференција во средата во Брисел.
Највисокиот американски дипломат се очекува да разговара и за претстојната израелска офанзива на јужниот дел на Појасот Газа во Тел Авив, при што САД ќе побараат од Израел да посвети поголемо внимание на заштитата на палестинските цивили и ограничувањето на штетата на инфраструктурата, изјавија високи американски претставници за „Ројтерс“.
Блинкен исто така во Брисел рече дека ќе продолжи да разговара за повоената иднина на Газа со регионалните партнери на Вашингтон. САД рекоа дека не сакаат Газа да биде окупирана или под опсада и дека не сакаат Палестинците трајно да бидат раселени или да видат намалување на територијата на Газа.
Во средата, последниот ден од шестдневниот прекин на огнот, Хамас ослободи уште 16 заложници, а исто така беше потврдено дека Израел ослободи уште 30 Палестинци од своите затвори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.