Свет
По убиството на цивил во Минеаполис, Трамп ги обвини демократите дека ги стават мигрантите пред американските граѓани
Агент на Американската имиграциска и царинска служба (ICE) во Минеаполис во саботата го застрела и уби 37-годишниот Алекс Прети, техничар на интензивна нега, две недели откако друг агент на ICE застрела и уби жена, исто така, на протестите против имиграциската политика на администрацијата на американскиот претседател Доналд Трамп.
Градоначалникот на Минеаполис, Џејкоб Фреј, испрати формално барање до гувернерот на Минесота за помош од Националната гарда.
Гувернерот го одобри барањето за да можат членовите на гардата да ги зајакнат локалните полициски сили кои се преоптоварени од постапките на агентите на ICE на Трамп. Членовите на гардата ќе поднесуваат извештаи до локалните власти и ќе помогнат во обезбедувањето на местото на пукањето и регулирањето на сообраќајот.
Американскиот претседател, Доналд Трамп, ги обвини лидерите на Демократската партија дека ги ставаат „криминалните нелегални имигранти пред американските граѓани“, во неколку објави на социјалната мрежа Truth Social, додека тензиите дополнително се зголемија, по убиството што го извршија федералните службеници во Минеаполис.
Трамп ги опиша операциите во градовите и државите управувани од републиканците како „мирно и непречено водење“ без протести или немири, додека оние управувани од демократите наводно одбиле да соработуваат со службениците за имиграција и, како што рече, „ги охрабрувале левичарските агитаторски групи“.
„Правејќи го тоа, демократите ги ставаат криминалните нелегални имигранти пред даночните обврзници што ги почитуваат законите и создадоа опасни околности за сите вклучени“, додаде Трамп во објавите.
Неговите коментари доаѓаат во услови на јавни судири со демократските лидери на Минесота, вклучувајќи го и гувернерот Тим Волц, околу справувањето со минатите и неодамнешните фатални пукотници поврзани со имиграцијата во Минеаполис, кои предизвикаа силна национална реакција и политичка тензија.
Двајца сведоци на убиството на Алекс Прети изјавија под заклетва дека 37-годишниот техничар на интензивна нега не мавтал со оружје кога им се обратил на федералните агенти во Минеаполис. Нивното сведочење е во спротивност со тврдењата на претставници на администрацијата на Трамп, кои се обидоа да го прикажат пукањето врз човекот кој како чин на самоодбрана, објавува „Гардијан“.
You can clearly see the ICE agent disarm the victim before the shooting began pic.twitter.com/EFkVq5tu8M
— Liam Nissan™ (@theliamnissan) January 24, 2026
Изјавите на сведоците беа поднесени во федералниот суд во Минесота доцна во саботата, само неколку часа по убиството на Прети.
Едниот сведок е жената која го снимила најјасното видео од фаталното пукање, додека другиот е доктор кој живее во близина и првично му било забрането од федералните службеници да ѝ пружи медицинска нега на жртвата.
Во своето сведочење, жената која го снимила инцидентот се претставила како „детски забавувач специјализиран за сликање лица“. Таа рекла дека дошла на местото на настанот за да документира што агентите на ICE им правеле на нејзините соседи. Таа опишала како Прети бил нападнат од федерални службеници откако тој се стрчал да му помогне на друг минувач кој бил турнат на земја од страна на агентите. Потоа еден агент испрскал хемиски агенс во лицата на Прети и жената на која се обидувал да ѝ помогне.
Таа рекла дека никогаш не го видела Прети како држи пиштол.
„Агентите го соборија човекот на земја. Не го видов како ги допира – дури и не беше свртен кон нив. Не изгледаше како да се обидува да се спротивстави, само се обидуваше да ѝ помогне на жената да стане. Не го видов со пиштол. Го фрлија на земја. Четири или пет агенти го држеа долу и едноставно почнаа да пукаат во него. Го застрелаа толку многу пати… Не знам зошто го застрелаа. Тој само помагаше. Бев на пет метри од него и тие едноставно го застрелаа…“, рекла таа.
Таа додаде: „Ја прочитав изјавата на DHS за тоа што се случило и е погрешно. Човекот не им се приближи на агентите со пиштол. Им се приближи со камера. Само се обидуваше да ѝ помогне на жената да стане, а тие го соборија на земја. Се чувствувам исплашена. Поминаа само неколку часа откако човекот пред мене беше застрелан и не чувствувам дека можам да си одам дома бидејќи слушнав дека агентите ме бараат. Не знам што ќе прават агентите кога ќе ме најдат. Знам дека не ја кажуваат вистината за тоа што се случило.“
Втор сведок, 29-годишен доктор, сведочеше дека го видел пукањето од прозорецот на својот стан. Пред пукањето, опиша сведокот, го видел Прети како им вика на агентите, но не го видел како ги напаѓа агентите или мавта со оружје.
По пукањето, докторот се обидел да пружи медицинска помош, но првично бил одбиен. „Агентите на ICE на почетокот не ме пуштија“, рече тој. „Но, ниту еден од агентите на ICE кои беа во близина на жртвата не вршеше CPR, и можев да кажам дека жртвата е во критична состојба. Инсистирав агентите на ICE да ми дозволат да го прегледам“, додаде тој.
Кога конечно ги убедил агентите да го пуштат, рече дека бил збунет зошто, наместо да проверат пулс или да извршат CPR, полицајците се чинеше дека ги броеле неговите прострелни рани. „Жртвата имаше најмалку три прострелни рани во грбот, заедно со една во горниот лев граден кош и уште една можна прострелна рана во вратот. Проверив пулс, но не можев да го почувствувам“, рече докторот.
Исказот на сведоците, во комбинација со видео докази, директно се спротивставува на тврдењата на високи функционери на администрацијата на Трамп, вклучувајќи го претседателот, секретарот за внатрешна безбедност и Грег Бовино, командантот на Граничната патрола. Тие го нарекоа Прети вооружен човек кој им се приближил на федералните службеници мавтајќи со пиштол и заканувајќи се дека ќе ги масакрира.
фото/епа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рама во Вашингтон ќе учествува на формирањето на Одборот за мир
На 19 февруари премиерот Еди Рама ќе биде во Белата куќа во Вашингтон, каде што ќе учествува на официјалното формирање на Одборот за мир.
Ова го потврди лично премиерот за време на неделниот подкаст „Фласим“(зборуваме), отфрлајќи ги тврдењата на опозицијата дека воопшто не е поканет за учество на овој настан.
– Деновиве добив покана од претседателот на Соединетите американски држави, да го посетам Вашингтон и на учествувам на формирањето на Одборот за мир. Значи разбиени се сите лаги кажани дури и во нашиот парламент. Лага се секакви тврдења што денес повторно се прават смешни, велејќи дека не можам да одам, дека не сум поканет, затоа што, затоа што, затоа што, рече Рама.
Всушност, додаде, како што кажав, ќе бидам во Вашингтон за официјалното формирање на Одборот за мир и за почетокот на активноста на тој одбор.
-Привилегија за Албанија е да биде држава-основач на Одборот за мир и нема да придонесува со пари за да се приклучи или да остане како постојан член, туку придонесува со достоинство и со она што ја направило меѓународно почитувана и поканета, за оваа толку високо ниво на дискусија за иднината на мирот, рече Рама.
Свет
Американците понудиле безбедносни гаранции за Украина, Зеленски не е задоволен
САД му понудија на Киев 15-годишни безбедносни гаранции, но Украина сака повеќе и смета на период од најмалку 30 години, изјави украинскиот претседател Володимир Зеленски на маргините на Минхенската безбедносна конференција.
Според него, Украина работи со сите партнери за безбедносни гаранции.
„Општо земено, ние сме блиску до тој проект. Имавме средба со американски сенатори. Рековме дека навистина сакаме да ги продолжиме безбедносните гаранции, за да бидат поефикасни за инвеститорите на кои им се потребни гаранции повеќе од пет до десет години“, рече Зеленски, пренесоа украински медиуми.
Тој додаде дека американската страна синоќапредложила гаранции од 15 години, додека Украина сака да додаде 20 години на тоа, за периодот да биде помеѓу 30 и 50 години.
„Зависи од тоа што ќе одлучат администрацијата и Конгресот, ќе видиме“, рече Зеленски.
Свет
Зеленски очекува корисна следна рунда мировни преговори
Претседателот на Украина, Володимир Зеленски, денеска во Минхен изјави дека очекува следната рунда мировни преговори да биде сериозна, суштинска и корисна. Сепак, тој додаде дека понекогаш се чини како „страните да зборуваат за сосема различни работи“.
Нова рунда разговори меѓу претставниците на Русија и Украина, со посредство на САД, ќе се одржи во Женева во вторник и среда.
Зборувајќи на Минхенската безбедносна конференција, Зеленски рече дека клучниот фокус во мировните преговори е да се обезбеди дека „за четири години, цивилизираниот свет нема да биде принуден повторно да се оправдува, да ја префрла одговорноста и да бара некој друг да го обвини“ за уште една војна.
„Украина е подготвена за договор што ќе ни донесе вистински мир нам, на Украина и на Европа“, додаде тој и изјави дека Европа „практично не е присутна на преговарачката маса“, но треба да биде.
„Тоа е голема грешка“, рече тој.
Зеленски истакна дека би било илузија да се верува дека оваа војна сега може сигурно да се заврши со поделба на Украина. Тој повтори дека на Русија „не смее да ѝ се даде никаква надеж дека може да остане неказнета за ова злосторство“.
Тој вели дека Москва била најсериозна во врска со преговорите кога била погодена од длабоки украински напади на сопствената територија.
„Колку сме посилни, толку пореален станува мирот“, рече тој.
Обилните врнежи предизвикаа поплави во повеќе региони, во Кичево евакуирани околу 180 лица
Центарот за управување со кризи информира за состојбата по обилните врнежи од дожд заклучно со 12:30 часот, при што се...
Можни излевања на реките, критична состојба во Полошко, Кичевско и Пелагонија
Управата за хидрометеоролошки работи напладне издаде предупредување за значително зголемување на водостојот на реките во западните делови од државата, по...
Измени на Законот за електронски комуникации за укинување на трошоците за роаминг
Со измени на Законот за електронски комуникации, што се поставени за расправа на Единствениот национален регистар на прописи (ЕНЕР) државава...
Американците понудиле безбедносни гаранции за Украина, Зеленски не е задоволен
САД му понудија на Киев 15-годишни безбедносни гаранции, но Украина сака повеќе и смета на период од најмалку 30 години,...
Петнаесет возачи се лишени од слобода во еден ден поради возење без возачка дозвола
Петнаесет возачи се лишени од слобода вчера поради возење без возачка дозвола, со активна забрана за управување возило и под...
Ја давел и ја претепал бремената партнерка, се спасила откако го убедила да ја носи на лекар, па побегнала додека стоеле на семафор
Основното јавно обвинителство Скопје поведе постапка против 52-годишен маж осомничен за кривично дело Телесна повреда според член 130 став 2...
Градоначалникот Ќура ангажирал фирма што ќе утврди зошто е загадена водата во Струга
Градоначалникот на Струга, Менди Ќура, најави дека на 16 февруари приватна институција од Скопје ќе ги утврдува причините за загадувањето...
Осомничениот за убиството за жената од Челопек е поврзан и со други кривични дела
Јавен обвинител од Основното јавно обвинителство Куманово изврши увид на лице место во селото Челопек, каде беше пронајдено безживотно тело...
Убиство во Челопек, 78-годишна жена задушена со перница
Полицијата уапси дваесет и петгодишен жител на село Малотино од општина Старо Нагоричане, осомничен за убиство на седумдесет и осумгодишна...
Љубов или вино: што навистина славиме на 14 февруари?
Секој 14 февруари, истата ситуација – некои го препознаваат само Свети Трифун, додека други го сметаат Свети Валентин, или Денот...
Цвета Ристовска поднесе оставка од Антикорупциската комисија: „Никогаш немав намера да прикријам информација“
Членката на Државната комисија за спречување на корупцијата (ДКСК), Цвета Ристовска, поднесе неотповиклива оставка од функцијата, која ја доставила до...
Суспендирана полицајка од Кочани: се сомничи дека насилно внела колешка во возило и не ѝ дозволила да излезе
МВР поднесе кривична пријава против припадничка на полицијата од Кочани, поради сомнение за кривично дело „противправно лишување од слобода“, предвидено...
Манасиевски: Обвинителката Кадриу сведочи дека Филипче немал ниту елаборат за струја за модуларната болница во Тетово
Членот на Централниот комитет на ВМРО-ДПМНЕ, Валентин Манасиевски, на денешната прес-конференција изјави дека, според сведоштвото на поранешната обвинителка Лејла Кадриу,...
Мицкоски во Германија: Разговараме и привлекуваме реномирани светски компании кои веруваат во потенцијалот на нашата држава
Денеска во Минхен остварив работна средба со менаџментот на германскиот гигант Schwarz Group, под чија капа работат светски познатите брендови...
(Фото) Инспекциска акција во Центар, нема да толерираме диви депонии и небезбедни напуштени објекти, порача Герасимовски
Инспекциските служби на општина Центар започнаа со расчистување на два напуштени објекти на улиците „Тетовска“ бр. 20 во Ново Маало...
По информациите за енормно загадување на водата за пиење во Струга, обвинителството оформи предмет
Во врска со информациите за енормно загадување на водата за пиење и за основни животни потреби на подрачјето на градот...
(Видео) Страшна сообраќајна несреќа во Сараево: 23-годишник загина кога го удри трамвај на станица
Окружното обвинителство на Сараево денес ја продолжи истрагата за околностите околу тешката сообраќајна несреќа што се случи претходниот ден кога...
„Филипче ја составил документацијата за модуларната болница во Тетово без елаборат за електрична енергија, кој ќе сноси одговорност за техничките пропусти поради кои загинаа 14 луѓе“, прашува ВМРО-ДПМНЕ
„Поранешниот министер за здравство Венко Филипче, бил директно инволвиран во процесот на изработка на техничката документација за модуларната болница во...
Поголем пристап до американскиот пазар, Македонија и САД усогласија рамка за договор за реципрочна, фер и балансирана трговија, соопшти МНР
Република Северна Македонија и Соединетите Американски Држави усогласија Заедничка изјава и Рамка за договор за реципрочна, фер и балансирана трговија,...
Шефот на Пентагон им порача на членките на НАТО да ги зајакнат своите борбени капацитети
Високиот функционер на Пентагон, Елбриџ Колби, им порача на европските министри за одбрана во Брисел дека мора да ги зајакнат...
