Белата куќа номинира нов амбасадор во Венецуела, прв по една деценија, во период кога односите меѓу двете влади се на најниско ниво во историјата и додека САД упорно негираат каква било улога во неодамнешниот заговор за државен удар во земјата, пренесува РТ.

Поранешниот привремен вршител на должноста во Одделот за Венецуела во Амбасадата на САД во Колумбија, Џејмс Брауард Стори, е номиниран за амбасадор во Венецуела во средата, се вели во соопштението на Белата куќа.

САД прв пат по една деценија ќе имаат официјален пратеник во Венецуела, повеќе од една година откако Вашингтон ги прекина дипломатските врски со администрацијата на Николас Мадуро, бркајќи го персоналот на социјалистичкиот лидер од Амбасадата на Венецуела во Вашингтон и предавајќи му го објектот на опозицискиот лидер Хуан Гваидо, кој се прогласи за привремен претседател на Венецуела на почетокот на 2019 година.

Назначувањето на амбасадор се случува и во екот на повторените негирања од американски официјални лица, вклучително и претседателот Доналд Трамп, дека Вашингтон имал какво било вмешаност во неуспешниот заговор за киднапирање и дури и атентат врз Мадуро викендот, кога група вооружени платеници, меѓу кои двајца поранешни американски специјалци се обидоа да упаднат во Венецуела со глисери.

Новото назначување само ги продлабочи овие сомнежи, при што некои сугерираат дека Стори е лажен амбасадор избран само за да се зајакне американскиот заговор за пуч од Колумбија, каде што избегаа голем број венецуелски воени дезертери.

Вашингтон е отворен во врска со својата желба да го отстрани Мадуро од функцијата користејќи ги сите неопходни средства. Администрацијата на Трамп обезбеди дипломатска и финансиска поддршка за тогашниот спикер на парламентот во Венецуела, Хуан Гваидо.

САД и ницните сојузници изјавија дека Гваидо е легитимен лидер на Венецуела иако неколкуте неговите обиди за преземање на контролата врз земјата не успеаја.

Стејт департментот во март го обвини Мадуро за трговија со дрога и понуди награда од 15 милиони американски долари за информации што ќе доведат до негово апсење. Министерот за надворешни работи на Венецуела, Хорхе Ареаза го опиша обвинението како нова форма на државен удар чија цел е соборување на демократски избраната влада.

САд исто така наметнаа и санкции кон јужноамериканската нација, политика на економско војување што ја осудија организациите за човекови права. Режисерот и активист Оливер Стоун неодамна посочи дека одржувањето на санкциите во време пандемија укажува на длабокиот недостиг од човечка пристојност на администрацијата на Трамп.