Свет
Првиот човек на американската војска: Влогот е многу поголем од самата Украина

Првиот човек на американските вооружени сили, генералот Марк Мајли, во интервју за Си-Ен-Ен изјави дека поради руската инвазија на Украина, безбедноста на Европа е во најтешка позиција од крајот на Втората светска војна.
„Влогот во оваа војна е многу поголем од Украина. Она што е загрозено овде е безбедноста. Безбедноста на Европа е најмногу загрозена од крајот на Втората светска војна. Може да се тврди дека влогот е глобалниот меѓународен безбедносен поредок воспоставен во 1945 година. Меѓународен поредок кој траеше 78 години, кој спречи голема војна. Она што се провлекува низ целиот овој концепт е идејата дека големите нации нема да спроведуваат агресивни воени акции против помалите нации, а токму тоа се случи овде. Русија води агресивна воена акција против помала нација“, рече Мајли.
Според него, доколку Русија се извлече со агресијата против Украина без да ја плати цената, тогаш можеме да се збогуваме со меѓународниот поредок. Ако тоа се случи, предупреди Мајли, тогаш ние се движиме во насока на драстично зголемена нестабилност.
Тој додаде дека политиките на владите кои ја поддржуваат Украина вклучуваат визија за слободна и независна Украина и ослабена Русија.
„На крајот на денот, она што сакаме да го видиме, а тоа е политиката на сите сојузнички влади, е слободна и независна Украина, со недопрена територија и влада која преживеала. Мислам дека тоа ќе ја вклучи и ослабената Русија. “, рече Мајли.
„Единството на Западот и НАТО и единството на целиот свет никогаш не било посилно. Тоа е насоката по која одиме“, заклучи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.