Свет
Првиот човек на СЗО: На повидок е крај на пандемијата на Ковид-19
„Светот никогаш не бил во подобра позиција да стави крај на пандемијата на Ковид-19, која уби милиони луѓе од крајот на 2019 година“, изјави денеска шефот на Светската здравствена организација (СЗО), Тедрос Аданом Гебрејсус.
„Минатата недела неделниот број на смртни случаи од Ковид-19 падна на најниско ниво од март 2020 година. Никогаш не сме биле во подобра позиција да ставиме крај на пандемијата“, рече Гебрејсус.
„Некој што трча маратон не застанува кога ќе ја види целта, тој трча побргу со сета енергија што му останува. Така и ние“, рече шефот на СЗО.
Тој порача дека сите ја гледаат целта и дека се на пат да победат, но сега ќе биде најлошиот момент да се запре.
„Ако не ја искористиме оваа шанса, ризикуваме да имаме повеќе видови, повеќе смртни случаи, повеќе нарушувања и повеќе неизвесност“, предупреди тој и повика „да ја искористиме сегашната можност“.
Според последниот епидемиолошки извештај на СЗО, бројот на заразени се намалил 12 отсто во текот на неделата од 29 август до 4 септември во однос на претходната недела, на околу 4,2 милиони новозаразени.
Бројот на инфекции е несомнено многу поголем бидејќи многу случаи не се пријавени и затоа што многу земји имаат затворени капацитети за тестирање.
Од 4 септември СЗО регистрира повеќе од 600 милиони официјално потврдени случаи на пандемијата, што е веројатно многу помало од реалниот број, како и од официјално пријавениот број на смртни случаи од 6,4 милиони во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Пожар во фабрика за воена опрема во Русија
Украински беспилотни летала ја нападнаа фабриката „Тајфун“, дел од рускиот воено-индустриски комплекс, во градот Калуга објави Андриј Коваленко, раководител на Центарот за борба против дезинформации на Советот за национална безбедност и одбрана.
Коваленко вели дека фабриката произведува комуникациски системи, електронска разузнавачка и радарска опрема и прави компоненти за системи за надзор и наведување за воена опрема.
In Kaluga, the Typhoon factory, which is part of the russian military-industrial complex TsPD, was also attacked
This plant is engaged in:
— Development and production of radio-electronic equipment
— Production of components for surveillance and control systems installed on… pic.twitter.com/m35xdilDsk
— Jürgen Nauditt 🇩🇪🇺🇦 (@jurgen_nauditt) November 25, 2024
„Тајфун“, исто така, произведува делови за системи за противвоздушна одбрана, авиони и ракетни системи и одржува опрема за руската војска.
Фабриката произведува и специјализирана опрема потребна за интеграција на различни воени системи.
Руските канали на Телеграм пишуваат дека беспилотните летала биле соборени во Калуга ноќта меѓу 24 и 25 ноември. Гувернерот на руската област Калуга изјави дека остатоците од едно од беспилотните летала паднале на подрачјето на индустриско претпријатие и предизвикале пожар.
Свет
Регионален извор на Си-ен-ен: Примирјето меѓу Израел и Хезболах е многу блиску
Договорот за прекин на огнот меѓу Израел и либанската милитантна група Хезболах е „многу блиску“, изјави вчера регионален извор за Си-ен-ен.
Според либанското Министерство за здравство, повеќе од 3.000 луѓе загинале во израелските напади од средината на септември, што дополнително ја нагласува итноста за постигнување договор за прекин на огнот.
Регионалниот извор на тој начин сугерира дека договорот е поблиску од кога било, но сè уште не е целосно договорен. Американските и израелските власти предупредуваат дека посредниците се уште не добиле зелено светло.
„Се движиме во таа насока, но се уште има некои прашања што треба да се решат“, изјави портпаролот на израелскиот премиер Бенјамин Нетанјаху за Си-ен-ен.
Според Си-ен-ен, во последните денови Хезболах го разгледуваше американско-израелскиот предлог за 60-дневна пауза во борбите, што некои веруваат дека може да послужи како основа за траен прекин на огнот.
Американскиот претставник Амос Хохштајн одржува разговори со регионалните претставници оваа недела за да се обиде да постигне договор. Во неделата, аналитичарот на Си-ен-ен, Барак Равид, цитираше извор кој вели дека Хохштајн му рекол на израелскиот амбасадор во Вашингтон во саботата дека ќе го повлече своето посредување доколку Израел не одговори позитивно на предлогот за прекин на огнот во наредните денови.
Претходно во неделата, израелски официјален претставник изјави за Си-ен-ен дека Нетанјаху одржал безбедносни консултации во врска со предлозите за прекин на огнот.
Европа
(Видео) Товарен авион се урна во близина на аеродромот во Вилнус: едно лице загина, неколку се повредени
Рано утринава товарен авион се урна во близина на аеродромот во Вилнус, во областа Липкалнис, јавија литванските медиуми. Според официјалните информации, пилотот – кој се освестил – бил извлечен од урнатините и предаден на медицинскиот персонал.
Претставник на Одделот за противпожарна заштита и спасување за ЛРТ Радио изјави дека најмалку едно лице загинало, а неколку се повредени.
Според првичните информации, товарниот авион летал од Лајпциг, а се вели дека паднал врз куќата. Ова за ЛРТ Радио го потврдија претставници на аеродромот. Спасувачките служби се на местото на настанот. Претставникот на аеродромот Мариус Зелениус за ЛРТ Радио изјави дека на местото на несреќата работат голем број спасувачки екипи. Според него, авионот од Лајпциг се урнал околу 5:30 часот по литванско време во Липкалнис.
🚨 #BREAKING . DHL cargo plane crashes near Vilnius airport (Lithuania)
Preliminary reports indicate it crashed near a residential building.
via . Reuters
video . DELFI pic.twitter.com/95UXKAH6BK— United Alerts (@unitedalerts) November 25, 2024
Според прелиминарните податоци на Одделот за противпожарна заштита и спасување, во 5 часот и 28 минути е добиена информација дека товарен авион паднал врз куќа. Пилотот бил извлечен од авионот откако се освестил, но нема информации за останатите луѓе во куќата. „Двокатницата гори во отворен пламен“, изјави претставник на Одделот за противпожарна заштита и спасување за ЛРТ Радио.
Одделот за противпожарна заштита и спасување извести и дека едно лице загинало, а едно е повредено.
„Двајца се пренесени со брза помош во болница, додека едно лице е констатирано починато. Според првичните податоци, тоа се лицата кои се наоѓале во авионот“, изјави Саулиус Рашевскис, претставник на Одделот за координација на состојбите на Одделот за противпожарна заштита и спасување.