Свет
Првиот човек на OpenAI за Маск: Жал ми е за тој човек

За време на AI Action Самитот во Париз, извршниот директор на OpenAI Сем Алтман изјави дека OpenAI не е на продажба, особено не на Илон Маск.
„Овде сме со уште една епизода – имаше различни верзии на обидот на Илон, на овој или оној начин, да ја преземе контролата врз OpenAI. OpenAI не е на продажба. Мисијата на OpenAI не е на продажба – а да не го спомнуваме фактот дека конкурент кој не може да не победи на пазарот сега се обидува да каже: „Ќе те купам“, додека целосно игнорирајќи ја нашата мисија. Тоаа е, се чини, целосно предвидливо.
Извршниот директор на OpenAI, компанијата зад ChatGPT, исто така рече дека Илон Маск – кој поднесе понуда за преземање на OpenAI претходниот ден – очигледно изгледал несреќен и се однесувал „од позиција на несигурност“, додавајќи: „Жал ми е за тој човек“.
Понуда на Маск од речиси 100 милијарди долари за купување на OpenAI
Коментарите на Алтман дојдоа откако Илон Маск, кој беше ко-основач на OpenAI, но ја напушти компанијата пред да добие значителна популарност, даде понуда од 97,4 милијарди долари за преземање на организацијата која го контролира OpenAI.
Понудата на Маск дојде во време на неговиот правен спор против OpenAI и Altman, во кој тој тврди дека OpenAI отстапил од својата првична мисија и сега го става профитот пред јавното добро. Алтман одговори на понудата на Маск со објава на платформата X (поранешен Твитер): „Не, благодарам, но ќе го купиме Твитер за 9,74 милијарди долари ако сакате“.
Алтман и Маск го коосноваа OpenAI, Маск подоцна си замина
Во декември, OpenAI ги објави плановите за реструктуирање на своите операции, со цел да го одвои растечкиот бизнис од непрофитниот одбор што моментално го надгледува. Алтман рече дека одборот сè уште не утврдил вреднување за операциите на OpenAI и дека процесот сè уште е во тек.
Понудата на Маск вклучува финансирање од неговата компанија за вештачка интелигенција xAI, како и неколку инвестициски фондови. Целта на понудата е да се врати OpenAI на неговата првобитна мисија на отворен код и безбедност. Сепак, Алтман категорично ја отфрли понудата, нагласувајќи дека мисијата на OpenAI не е на продажба.
Овој развој дополнително ги интензивираше долгогодишните тензии меѓу Маск и Алтман, кои го коосноваа OpenAI во 2015 година. Маск ја напушти организацијата во 2018 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија

И покрај забраната на Владата на Виктор Орбан, огромен број луѓе денес почнаа да се собираат во главниот град на Унгарија, Будимпешта, на Парадата на гордоста.
Странските медиуми пренесуваат дека организаторите очекуваат рекордна посетеност за 30. издание на Парадата на гордоста во Будимпешта, и покрај полициската забрана која ја наметна националистичката Влада на премиерот Виктор Орбан.
Thousands of people are marching for pride in Budapest. A 200 pp @Amnesty delegation is here from around Europe. Against repression we stand and rise. We resist. This is trans-national civil disobedience. #BudapestPride pic.twitter.com/8qSYr1K0rC
— Agnes Callamard (@AgnesCallamard) June 28, 2025
Владината коалиција на Орбан годинава ги смени законите и уставот за да забрани годишно прославување, оправдувајќи го долготрајното потиснување на ЛГБТ-правата со повикување на “заштита на децата”. Орбан вчера изјави дека полицијата нема да ја разбие поворката, но дека оние кои учествуваат треба да бидат свесни за “правните последици“.
Организаторите на поворката ризикуваат да добијат до една година затвор, а учесниците можат да бидат казнети со парична казна до 500 евра. Со последните законски измени, на власта и е дозволено да користи и технологија за препознавање лица.
Регион
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите

Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на која доделуваше ордени за Видовден, претседателот Вучиќ кажа дека граѓаните не треба да се грижат за она што ќе се случува вечерва.
„Денес е убав ден, денес е голем ден, денес е празник, денес е Видовден. Ќе видите, ведро е, што е тоа мал број на луѓе на литературното попладне, или вечер, весели луѓе кои го слават празникот, кои го слават Видовден, весели луѓе бидејќи знаат дека Србија победила. А вечер ќе видите бесни луѓе, некои кои на крајот ќе завршат во насилство затоа што не си оставиле друг избор“, рече Вучиќ и додаде: “Немам страв за конечниот исход, Јас уште еднаш ја користам оваа прилика, ги молам како татко да не го прават тоа. Секогаш е подобро да се повлечете во некој момент отколку да направите некаква лудост поради која ќе се каете цел живот. Но, тука завршувам. Немам баш никаков страв за тоа каков е конечниот исход. Само сакам да ја сочувам целата ситуација, пред се младите луѓе и овие постари“, рече претсетдателот Вучиќ.
Зборувајќи за најавениот протест на студентите кажа и точно кога очекува да почне насилството.
„Од 15 до 9 до 15 до 10 очекувајте почеток на насилство“, рече претседателот Вучиќ.
Почетокот на протестот на студентите во Белград е најавен за вечерва во 18 часот. Ќе трае три часа, а студентите се оградија од сите настани што ќе се случуваат по 21 часот.
Свет
Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18 часот и ќе трае три часа, а најголема енигма е што ќе се случува потоа, бидејќи студентите порачаа дека не се надлежни за ништо по 21 часот, објави Нова.рс.
Студентите пред неколку дена објавија дека ако Владата не ги исполни нивните два барања, најавена е и граѓанска непослушност.
Првото барање е распуштање на Народното собрание, со цел да се распишат предвремени парламентарни избори до 21 часот денес, а второто барање е Владата да апелира до Министерството за внатрешни работи до 21:00 часот на 28 јуни, во согласност со член 18 од Законот за јавни собири, кој се однесува на чл. 8 од истиот Закон, да се прекине наводно пријавениот собир во Пионирскиот парк и плоштадот Никола Пашиќ.