Европа
Првите луѓе на ЕУ не разговараат еден со друг, соработката помеѓу институциите на најниско ниво, пишува „Политико“
Претседателката на Европската комисија, Урсула фон дер Лаен, и претседателот на Европскиот совет , Шарл Мишел, не се во добри односи.
Комуникација меѓу нив речиси и да не постои, тврди влијателниот европски портал „Политико“.
Двајцата врвни функционери на ЕУ не патуваат заедно, дури и кога се поканети на ист настан, тие се избегнуваат еден со друг, а нивните соработници вклучени во организирањето на патувањето работат под строги упатства за да избегнат какво било преклопување во времето на патување.
Несогласувањата се толку силни што двајцата функционери ги блокираат меѓусебните средби со странски претставници, а нивните соработници комуницираат со другата страна само кога е потребно.
„Еден од клучните состаноци на Г20 на Бали ќе биде средбата меѓу Мишел и кинескиот лидер Шји Џјинпинг, која треба да се одржи на маргините на самитот. Со оглед на поделбите во ЕУ за тоа како да се соработува со Пекинг, ќе биде исклучително важна средба. Но, Фон дер Лаен не беше поканета. Причината? Нејзиното одбивање да му дозволи на Мишел да присуствува на состанокот со индискиот премиер Нарендра Моди на Г7 во Германија во јуни“, пишува „Политико“.
Европската комисија е извршно тело на Унијата и таа предлага закони. Претседателката Фон дер Лаен на оваа функција дојде од германската влада, каде што беше министерка за одбрана. Татко ѝ бил висок функционер на Европската комисија, а Урсула е родена во Брисел.
Лидерите на земјите членки се среќаваат во Советот на ЕУ, а нивната мисија е да ги трансформираат предлозите на Комисијата во закони, кои потоа треба да бидат прифатени од членките и имплементирани дома.
Претседателот на Советот, Мишел, е поранешниот белгиски премиер и син на поранешниот министер за надворешни работи на Белгија, Луис Мишел.
Овие две функции се преклопуваат во повеќе области, но денес речиси и да нема координативни состаноци меѓу Фон дер Лаен и Мишел, што ја отежнува работата на двете институции.
Според официјални лица, пренесува „Политико“, врската почнала мирно.
„Имаше мали турбуленции, но ништо неочекувано“, рече претставник на ЕУ. Во првите месеци секретаријатот на Советот закажа неделен попладневен состанок меѓу Мишел и Фон дер Лаен секој понеделник.
Дека нивниот личен однос не е добар и не е толку страшно, но кога ќе почне да се пренесува на нивната работа, тогаш тоа е друга приказна. Дијалог за политички прашања меѓу лидерите и нивните блиски кадри речиси и да не постои, според „Политико“.
„Тоа е постојана борба да се натераат двете страни да споделуваат информации“, рече еден функционер на Советот, кој додава дека вработените во Советот се принудени „да бркаат информации како новинари“.
Конфликтот стана јавен за време на посетата на Фон дер Лаен и Мишел на Турција во април 2021 година, настан што стана познат како „Софагејт“.
Сите телевизиски станици ја пренесоа шокираната реакција на Фон дер Лаен кога сфати дека на официјалната средба со Ердоган нема столче резервирано за неа.
Мишел без двоумење и без да ѝ понуди на Фон дер Лаен место до Ердоган, седна на фотелјата додека таа седеше на каучот спроти турскиот министер за надворешни работи.
Сцената ја шокира европската јавност.
Неколку дена подоцна, во Европскиот парламент, Фон дер Лаен ја искористи шансата да каже што мисли за овој инцидент. Таа рече дека е повредена“ од инцидентот, кој е одраз на сексизмот. Таа не го спомена Мишел.
Речиси една година подоцна, повторно се случи сличен инцидент.
Во февруари 2022 година европски видеосервис го емитува влезот на африканските лидери на самитот во Брисел.
Додека се ракуваше со африканските официјални лица, министерот за надворешни работи на Уганда помина покрај Фон дер Лаен и се поздрави со Мишел, а потоа и со Емануел Макрон. Францускиот претседател дискретно му сугерира на африканскиот политичар дека би било добро да разговара со претседателката на Комисијата, а Мишел остана без посебна реакција.
Оние што не се запознаени со нетрпеливоста меѓу овие двајца високи функционери беа изненадени од остриот тон на Мишел кога тој неодамна јавно, преку медиумите, ја обвини Комисијата дека не предлага ограничување на цената на природниот гас откога националните лидери го побараа тоа на нивниот самит во октомври.
Во Брисел во ходниците се водат приватни дискусии за тоа кој е повеќе виновен за ваквата состојба.
Според „Политико“, администрацијата на Бајден има блиски односи со тимот на Фон дер Лаен, особено во однос на санкциите против Русија, а Мишел „се бори да се пробие“.
Официјалните лица, генерално, се согласуваат дека и двајцата лидери се виновни. Мишел за неговото лошо справување со инцидентите, како „Софагејт“, и Фон дер Лаен за нејзината тенденција да одржува контрола на сметка на соработката.
Меѓуинституционалниот однос никогаш не бил на толку ниско ниво. Некои функционери на Унијата дури изјавија дека итно е потребно „возрасно лице“ во институциите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Изгоре луксузен хотел на француските Алпи
Десетици луѓе беа евакуирани откако синоќа пожар го зафати хотелот со пет ѕвездички во скијачкиот центар Куршевел на француските Алпи.
Никој не е повреден во пожарот што избувна на таванот на хотелот „Hotel des Grandes Alpes“ околу 19 часот, соопшти префектурата на регионот Савоја на својата веб-страница.
🔥 Courchevel : incendie en cours dans un hôtel de luxe
▶️ Le feu serait parti des combles. 261 personnes ont dû être évacuées, aucune n’a été blessée
🚒 Les pompiers, toujours sur place, font face à un risque important de propagation pic.twitter.com/BoeIJcDjnQ
— LCI (@LCI) January 28, 2026
Службениците соопштија дека повеќе од 90 лица биле евакуирани од хотелот синоќа, додека блискиот хотел „Le Lana“, кој има речиси 200 гости, исто така бил евакуиран утрово поради ризик бидејќи пожарот продолжувал. Персоналот и гостите се засолниле во други хотели.
131 пожарникар беа распоредени на местото на настанот. Безбедносните мерки во регионот се под лупа откако пожар во бар во швајцарското одморалиште Кран-Монтана на новогодишната ноќ уби 40 лица, а повреди повеќе од 100, од кои многумина тинејџери.
Европа
Холандија доби ретка малцинска влада и најмлад премиер во историјата
Лидерите на политичките партии во Холандија се согласија да формираат ретка малцинска влада, беше објавено во вторник.
Центристичката проевропска партија Д66, која победи на изборите во октомври минатата година, ќе ги здружи силите со конзервативните христијански демократи и десничарската VVD во коалиција која ќе има само 66 места во долниот дом на парламентот со 150 места.
Коалицијата, исто така, нема мнозинство во Сенатот, горниот дом на парламентот, што може да блокира закони донесени во долниот дом, и ќе треба да побара поддршка од опозициските партии за да ги спроведе своите политики.
Владата ќе ја предводи лидерот на Д66, Роб Јетен, 38, кој ќе стане најмладиот премиер во холандската историја.
Се очекува пратениците на партиите да го ратификуваат договорот за коалиција во наредните денови, а формалната презентација се очекува во петок.
Останатите позиции во кабинетот ќе бидат пополнети во наредните недели, а се очекува новата влада официјално да биде именувана во рок од еден месец.
Европа
Украинците исто така велат дека новите преговори со Русите се различни: „Тие се многу фокусирани“
Руската делегација во мировните преговори со Украина претрпе „квалитативна промена“, изјави украинскиот министер за надворешни работи Андриј Сибиха во интервју објавено синоќа. Неговите коментари доаѓаат во време на обновени дипломатски напори од страна на Украина, Русија и САД, поттикнати од иницијативата на американскиот претседател Доналд Трамп за прекин на војната. Следната рунда разговори се очекува в недела, 1 февруари, објави „Киев Индепендент“.
Украинската делегација вклучува високи функционери како што се секретарот на Советот за национална безбедност и одбрана Рустем Умеров и началникот на кабинетот на претседателот Кирил Буданов.
Руската страна сега ја предводи адмиралот Игор Костјуков, шеф на руското воено разузнавање, заедно со високи претставници на Министерството за одбрана. „Гледаме квалитативна промена во составот“, рече Сибиха. „Ова се различни луѓе и немаше повеќе псевдоисториски предавања. Разговорите беа многу фокусирани.“
Во претходните преговори, руската делегација ја предводеше Владимир Медински, советник на рускиот претседател Владимир Путин, кој стана познат по своите долги историски дигресии. Медински ја водеше последната претходна рунда директни преговори во Истанбул во март и април 2022 година. За време на преговорите во 2025 година, тој наводно ѝ се закани на Украина со понатамошна окупација на територијата и предупреди дека Русија е подготвена да се бори бесконечно ако Киев ги отфрли максималистичките барања на Москва.
Изјавите на министерот за надворешни работи се во согласност со неодамнешните коментари на претседателот Володимир Зеленски, кој ги опиша разговорите одржани на 23 и 24 јануари, во кои учествуваа Украина, САД и Русија, како „конструктивни“.
Сибиха додаде дека Зеленски е подготвен да се сретне со Путин за да реши две клучни прашања во мировниот процес: територијалните прашања и иднината на нуклеарната централа Запорожје, која е под руска окупација. „Токму за да ги реши овие прашања, претседателот е подготвен да се сретне со Путин и да разговара за нив“, рече Сибиха, додавајќи дека не гледа смисла во средбата со рускиот министер за надворешни работи Сергеј Лавров.
„Киев Индепендент“ дознава дека Вашингтон се надева дека ќе ги турне преговорите „кон нивниот конечен крај“ за време на следната рунда разговори, иако Москва сè уште не сигнализирала дека е подготвена да ги прифати предлозите што се моментално на маса.
Се очекува најспорните прашања да доминираат на агендата – барањето на Русија Украина да се повлече од делови од Донбас и претензиите на Москва кон нуклеарната централа Запорожје.
Бојан Маричиќ избран за нов претседател на Државната изборна комисија
Поранешниот вицепремиер за евроинтеграции и министер за правда во Владата на СДСМ, Бојан Маричиќ, е избран за нов претседател на...
Запленети 150 килограми марихуана, ја транспортирале со шлеп возило од Струга до Свети Николе
Јавен обвинител донесе наредба за спроведување на истражна постапка против три лица за кои постои основано сомнение дека сториле кривично...
По ревизорскиот извештај, Обвинителството отвори предмет за Општина Охрид
Јавното обвинителство отвори предмет по извештајот на Државниот завод за ревизија за Општина Охрид, во кој утврди дека се граделе...
(Видео) Филипче: Имам информација дека следи ново задолжување од 300 милиони евра
Претседателот на СДСМ, Венко Филипче, на одговор на новинарско прашање информираше дека следува ново задолжување од 300 милиони евра, a...
Левица: Премиерот со џемпери од по 2.000 евра барањата за минимална плата ги прогласи за „политичка агенда“
Левица го осуди настапот на премиерот Мицкоски, со кој легитимните синдикални барања за зголемување на минималната плата ги оцени како...
По срамниот настап во Собранието, Џихан Ахмед ја повлече кандидатурата за членка на комисијата за заштита од дискриминација
Џихан Ахмед ја повлече својата кандидатура за член на Комисијата за спречување и заштита од дискриминација, откако нејзиниот настап во...
Независниот полициски синдикат против мешање на политиката и партиите во работничкиот протест
Згрозени сме од мешањето на политиката и поддршката која опозициските партии преку повици и мобилизирање на членството оркестрирано ја даваат...
Затоа за граѓаните на Македонија нема покачување на платите, не работат „приватно“ како Мицкоски, велат од СДСМ
„ВМРО го вработилo, па така во „приватниот бизнис“ Христијан Мицкоски бил директор на ЕЛЕМ, па советник на Груевски, па еве...
„Обвинителството да не молчи, Заев и Филипче ги злоупотребиле државните институции за насилно преземање на болницата Жан Митрев“, велат од ВМРО-ДПМНЕ
„Сведоштвото на Жан Митрев јасно покажува дека Заев и Филипче брутално ги злоупотребиле институциите. Заев и Филипче смислиле план и...
Фицо шокиран од Трамп: „Тој е опасен и полудел“
Словачкиот премиер Роберт Фицо им рече на лидерите на Европската унија на самитот минатата недела дека неговата средба со Доналд...
(Видео) Трамп: Уште една прекрасна армада прекрасно плови кон Иран токму сега
Американскиот претседател Доналд Трамп изјави дека „уште една“ американска воена флота е на пат кон Иран. „Патем, уште една прекрасна...
(Видео) Санти мраз во Њујорк, има мртви, температурите под нулата: Бура ги опустошува САД
Санти мраз и делумно замрзнатите делови од реката Хадсон беа пријавени по силната зимска снежна бура во вторник, 27 јануари,...
(Видео) Американска конгресменка нападната со непозната течност во Минеаполис
Американската конгресменка, Илхан Омар, беше нападната со непозната течност за време на јавна трибина во Минеаполис во вторник. Полицијата соопшти...
Русија бара територијални отстапки од Украина, Зеленски сака средба со Путин
Украинскиот претседател Володимир Зеленски е подготвен директно да преговара со лидерот на Кремљ, Владимир Путин, за чувствителни прашања како дел...
Колку Руси и Украинци загинаа во војната? Анализа откри застрашувачки бројки
Бројот на руски и украински војници убиени, ранети и исчезнати во речиси четиригодишната војна би можел да достигне два милиони...
Намалена видливост поради магла на неколку патни правци
Поради протест блокирани се повеќе гранични премини за влез и излез од државата на товарни моторни возила. Како што известуваат...
(Фото) Ѓорѓиевски: Кејот на Вардар ќе добие нов лик
Градоначалникот на град Скопје, Орце Ѓорѓиевски, вчера вечер, преку социјалните мрежи порача дека кејот на Вардар ќе добие нов лик....
МНР со реакција до Бугарија: Македонија останува подготвена за дијалог што ќе се води во духот на европските вредности, Европа се гради со доверба и резултати, не со етикетирања и политички квалификации
Македонското Министерство за надворешни работи реагира на денешното соопштение објавено на веб-страницата на Министерството за надворешни работи на Република Бугарија....
Бугарското МНР: Муцунски покажа неподготвеност да се вклучи не само со зборови, туку и во пракса во водење на отворен дијалог
Бугарското министерството за надворешни работи изразува длабоко разочарување од неконструктивното однесување на Република Северна Македонија, официјално обвинувајќи го Скопје за...
Агенцијата за храна повлекува од пазарот во Македонија контаминирана формула за доенчиња: „Ако сте купиле, не ја употребувајте“
Инспекциските служби на Агенција за храна и ветеринарство (АХВ) во текот на вчерашниот ден спроведоа вонредна инспекциска контрола кај оператор...
