Свет
Премиерката на Нов Зеланд покажа дека е најефикасен светски лидер за време на пандемијата
Пандемијата на коронавирус можеби е најголемиот тест за политичките лидери кој светот воопшто го видел досега. Светските лидери се пред предизвици, а меѓу нив, неочекувано се истакна новозеландската премиерка Џасина Ардерн. Секој лидер на планетата е соочен со истата потенцијална закана. Секој лидер реагира различно, во свој сопствен стил. И секој лидер ќе биде оценет според неговите резултати, пишува „Атлантик“.
Германската канцеларка Ангела Меркел ја прифаќа науката. Бразилскиот претседател Жаир Болсонаро ја отфрла опасноста. Секојдневните брифинзи на американскиот претседател Доналд Трамп претставуваат циркуски спектакл, додека индискиот премиер Нарендра Моди воопшто нема редовни брифинзи, дури и кога практично во карантин затвори 1,3 милијради луѓе.
Џасинда Ардерн, 39-годишната премиерка на Нов Зеланд, го отвора својот пат. Нејзиниот стил на водење на државата е повикување на емпатија во криза, која луѓето ги искушува да се борат само за себе. Луѓето сметаат дека Ардерн не им „држи предавања“ туку дека стои со нив, вели за „Атлантик“, Хелен Кларк, поранешна премиерка на Нов Зеланд од 1999 до 2008 година.
„Тие дури можат да помислат ‘па, не знам баш зошто владата го направи тоа, но знам дека се грижат за нас’. Постои висок степен на доверба во неа поради емпатијата. Таа е ‘комуникатор’“ рекла Кларк, забележувајќи дека Ардерн се стекнала со диплома за комуникации.
„Ова е вид на криза која или создава или уништува лидери. А ова ќе ја создаде Џасинда“, додала Кларк.
Како што наведува „Атлантик“, особено се важни нејзините вклучувања во живо преку „Фејсбук“, кои се и информативни и неформални, бидејќи во нив се појавува во „клучно издание“. Така направила и кога кон крајот на март најавила воведување мерки за затворање на државата.
Таа рекла дека и` е јасно дека луѓето се загрижени кога ја добиле пораката за новите мерки и ги смирила со објаснување како треба да се однесуваат. Џасинда ги оправдала острите мерки со практични примери: Луѓето не треба да патуваат, бидејќи што ако заминат на некое оддалечено место, а нивниот автомобил се расипе?
Џасинда рекла дека како родител знае дека е навистина тешко да се избегнуваат игралиштата, но вирусот може да опстане на површините до 72 часа. Ардерн очекувала дека затворањето ќе трае неколку недели, а дека случаите ќе растат.
„Поради начинот на кој се однесува коронавирусот нема да видиме позитивни користи од напорите кои ќе ги вложите во самоизолација….најмалку 10 дена. Немојте да бидете обесхрабрени“ рекла Ардерн.
Премиерката на Нов Зеланд има и брифинзи со своите соработници и новинарите.
„Трамп има брифинзи, но тоа е поинакво шоу. Никогаш Џасинда не нападнала новинар кој поставил прашање“ рекла Кларк, повикувајќи се на честите испади на американскиот претседател и караниците со новинарите.
Ван Џексон, експерт за меѓународни односи од Универзитетот Викторија во Велингтон, вели дека Џасинда не ја префрла вината на други и дека не се занимава со разни дезинформации. Според Џексон, премиерката најмногу се повикува на тоа луѓето да бидат добри едни према други.
Иако се чини дека на опуштен начин се обидува да ја реши кризата, вистина е дека пристапот на Ардерн е исклучително ефикасен.
Ноз Зеланд кон епидемијата реагираше со брзи и строги мерки поради кои во земјата има многу малку заболени и жртви отколку во другите земји. И не само тоа, Нов Зеланд се обидува во целост да го уништи вирусот, преку широко тестирање на Ковид-19. Исто така, здравствениот систем не е оптоварен, новите случаи го достигнаа врвот на почетокот на април, а до денеска од коронавирус починале 12 луѓе од речиси 5 милиони жители.
Дури 88 проценти од испитаниците во една анкета на агенцијата „Колмар Брунто“ рекле дека имаат доверба во владата и нејзината борба против коронавирусот, а дури 84 отсто го одобрува нејзиниот одоговр на пандемијата.
Во меѓувреме, земјата најави дека ќе олабави дел од мерките воведени против пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Торнадо го погоди брегот на Италија: луѓето бегаат од плажата во паника
Плажата Макарезе во близина на Рим викендов беше погодена од виорен ветер познат како пијавица, кој крена песок и ги однесе чадорите.
Иако ударот траеше само неколку секунди, тој беше доволен за да предизвика конфузија, а седум лица беа повредени: шестмина добија помали модринки, додека едно лице доби медицинска помош.
Според написите, погодени беа три плажни комплекси.
Пијавицата накратко се појавила на брегот северно од Рим, а шанкер од едно од кафулињата за порталот „Аднкронос“ изјави дека времето одеднаш се влошило и дека капачите немале време да ја напуштат плажата поради ова.
„Одеднаш, задува силен ветер и почна да носи сè пред себе – чадори летаа низ воздухот. Траеше само неколку минути, но луѓето се испаничија и почнаа да трчаат во засолниште. Веднаш отидов до лежалките за да им помогнам на спасувачите. Брзо ги затворивме сите чадори и се обидовме да ги обезбедиме луѓето. Владееше општ хаос, но за среќа никој не беше сериозно повреден. Наскоро сè се врати во нормала“, рече тој.
Свет
(Видео) Снег предизвика колапс на сообраќајот во Австралија: заглавени автомобили, илјадници луѓе без струја
Неколку градови во источна Австралија беа покриени со најдебелиот слој снег што паднал во последните децении, што предизвика колапс на сообраќајот.
Службата за вонредни состојби на Нов Јужен Велс соопшти дека се очекува околу половина метар снег да падне во некои области во текот на викендот.
Australia’s heaviest snowfall in 40 years blankets New South Wales with 40cm of snow, causing power outages and 1,455 incidents. pic.twitter.com/JQJ8e8MtA8
— Al Arabiya English (@AlArabiya_Eng) August 4, 2025
Во делови од северозападниот регион на Нова Англија, падна најголемиот снег во последните 20 години, објави државниот радиодифузер ABC, додека Sydney Morning Herald објави дека во една област од соседната држава Квинсленд, паднал првиот снег во последните десет години, објавува Ројтерс.
Службите за вонредни состојби соопштија дека реагирале на повеќе од 1.455 инциденти и повеќе од 100 возила биле заробени од снегот, бидејќи бурите оштетиле згради и биле издадени неколку предупредувања за поплави.
#Australia: Parts of New South #Wales in Australia were blanketed by unprecedented snowfall over the weekend. pic.twitter.com/1JEGexzJlv
— CMNS_Media⚔️ #Citizen_Media🏹VEDA 👣 (@1SanatanSatya) August 4, 2025
Десетици илјади потрошувачи ја поминале ноќта без електрична енергија.
Во австралиската федерална држава Нов Јужен Велс, паднале големи количини снег, а илјадници луѓе останале без електрична енергија.
Многу возила се заглавени во снег и мраз, телефонските линии се во прекин, а се очекува илјадници жители да останат без електрична енергија најмалку уште 24 часа, објави Njuz.com.au. На северните висорамнини на Нов Јужен Велс, дебелината на снежната покривка е околу 40 сантиметри, објавија локалните медиуми.
Метеорологот Хелен Рид изјави дека снегот е предизвикан од студен воздушен фронт.
Фото: Принтскрин
Свет
Трамп: Испраќам нуклеарни подморници поради Медведев; Кремљ: Бидете многу, многу внимателни
Портпаролот на Кремљ, Дмитриј Песков, реагираше на изјавата на американскиот претседател Доналд Трамп за испраќање две нуклеарни подморници „во соодветните региони“. Тој рече дека Русија не сака да влезе во контроверзност со Трамп, пренесува Ројтерс.
„Русија многу внимателно пристапува кон прашањето за неширење на нуклеарно оружје. Веруваме дека сите треба да бидат многу, многу внимателни со нуклеарната реторика“, рече Песков, според АФП. Тој исто така го намали значењето на пораката на Трамп, велејќи дека е јасно дека американските подморници веќе се во состојба на борбена готовност.
„Ние совршено добро разбираме кој е Доналд Трамп“
Првата конкретна реакција од Русија претходно ја даде Виктор Водолацки, член на владејачката партија во Државната дума и поранешен заменик-командант на проруските сили во окупираните делови на Украина.
„Во светските океани има значително повеќе руски нуклеарни подморници отколку американски, и тие имаат најмоќно оружје“, изјави Водолацки за државната новинска агенција Тас. Тој исто така рече дека не треба да очекуваме официјален одговор од Русија на изјавите на Трамп.
„Не може да има одговор од наша страна, бидејќи совршено добро разбираме кој е Доналд Трамп. Последните месеци покажаа дека тој се предомислува 24 часа на ден“, изјави тој.
Трамп испрати подморници поради Медведев
Медиумите потсетуваат дека Трамп претходно објави на својата социјална мрежа Truth Social дека наредил две нуклеарни подморници да бидат испратени во „соодветни региони“ поради „многу провокативни изјави“ на поранешниот руски претседател Дмитриј Медведев.
„Врз основа на многу провокативните изјави дадени од поранешниот претседател на Русија, Дмитриј Медведев, кој сега е заменик-претседател на Советот за безбедност на Руската Федерација, наредив две нуклеарни подморници да бидат позиционирани во соодветните региони, за секој случај ако овие глупави и провокативни изјави се повеќе од обична реторика“, напиша тој.
„Зборовите се многу важни и често можат да доведат до несакани последици, се надевам дека ова нема да биде еден од тие случаи“, додаде Трамп.
Дмитриј Медведев, поранешен претседател на Русија од 2008 до 2012 година, сега е заменик-претседател на Рускиот совет за безбедност. По почетокот на руската инвазија на Украина, тој се претвори во еден од најжестоките застапници на екстремната антизападна реторика,анализираат медиумите.
Критичарите го опишуваат како неодговорна и опасна фигура, додека западните дипломати веруваат дека неговите изјави сè повеќе ги одразуваат ставовите на врвните функционери на Кремљ.
Фото: ЕПА
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово
Премиерот, Христијан Мицкоски денес одговарајќи на новинарско прашање остро го осуди скандирањето на натпреварот Македонија-Романија во Куманово од страна на...
Објавен огласот за финансиска поддршка за сметките за струја за ранливи потрошувачи
Министерството за енергетика, рударство и минерални суровини го објави јавниот оглас за финансиска поддршка за потрошена електрична енергија за ранливи...
Обид за убиство во Струга – со нож го избол во стомакот, рацете и во вратот
Основното јавно обвинителство Струга отвори истрага против две лица, од кои едното е осомничено за обид за убиство и насилство,...
Силен скок на цената на нафтата на светските пазари
По две недели пад, цените на нафтата нагло пораснаа на светските пазари, за повеќе од шест проценти, поддржани од постигнувањето...
Активни четири пожари во Македонија
До 07:00 часот утрово регистрирани се 23 пожари во Македонија, од кои четири се активни, два се под контрола, а...
Трамп се закани: Путин има рок до петок
Американскиот претседател Доналд Трамп изјави дека неговиот специјален претставник Стив Виткоф би можел да отпатува во Русија, можеби в среда...
Русија и Кина одржуваат воени вежби во морето крај Јапонија
Русија и морнариците на Кина одржуваат заеднички артилериски и противподморнички вежби во Јапонското Море како дел од планираните воени маневри,...
Доаѓа невреме – силен ветер, пороен дожд и град ќе ја погодат Македонија
Управата за хидрометеоролошки работи информира дека под влијание на влажна и нестабилна воздушна маса, во понеделник и вторник на повеќе...
(Видео) Петрушевски: Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски кого го спасија и држат на функција
Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски, кого го спасија и...
(Видео) Илиевски: Има ли „Алказар Енерџи“одобрение за градба или не, каков е бизнис интересот на Божиновска и Мицкоски?
Владата на ВМРO-ДПМНЕ прави класична распродажба на националните ресурси од македонската енергетика, кажа денеска на прес-конференција, Методија Илиевски, потпретседател на...
„Среќни се ако јадат сув леб“ – трогателно сведоштво за брат и сестра во Газа кои гладуваат со недели
Мохамед Алмадун, од хуманитарна организација во Газа, рече дека во оваа палестинска енклава лекувал две малолетни деца – брат и...
Техеран се соочува со историска водна криза: „нултиот ден“ сè поблиску
Иранскиот главен град Техеран најверојатно е само на неколку недели од таканаречениот „нулти ден“, предупредуваат експертите – денот кога чешмите...
(Видео) МААЕ: Експлозии и чад во близина на нуклеарната централа Запорожје
Меѓународната агенција за атомска енергија (МААЕ) денес објави дека нејзиниот тим во нуклеарната централа Запорожје во Украина слушнал експлозии и...
(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република
Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во...
(Видео) Мицкоски: Илинден е симбол на жртвата која генерации пред нас ја дале за слободна Македонија
Премиерот на Македонија, Христијан Мицкоски, денеска од Скопје го честиташе големиот празник 2 Август – Ден на Републиката, Илинден. „Овој...
(Видео) Филипче од Крушево: Илинден е нашиот темел – заедно да ја продолжиме борбата за Македонија
Претседателот на СДСМ, Венко Филипче денеска од Крушево го честита 2 Август, Денот на Републиката – Илинден. „Го честитам празникот...
Kостадиновски: Нашето современо илинденско наследство е вистинската посветеност на владеењето на правото и правната држава
Претседателот на Уставниот суд, Дарко Костадиновски, упати честитка по повод Денот на Републиката, 2 август – Илинден. „Денес, 122 години...
ВМРО-ДПМНЕ: Илинден е ден на обединување, ден кога сите треба да се поклониме пред минатото и да се заветиме за иднината
ВМРО-ДПМНЕ упати честитка по повод Илинден. „Илинден е симбол на нашата непокорност, заветот на Крушево и борбата на партизаните за...
Гаши: Овој ден е симбол на историската борба за слободно, еднакво и демократско општество
Претседателот на Собранието, Африм Гаши, упати честитка по повод 2 Август – Денот на Републиката. „Во име на пратениците и...
