Свет
Премиерот на Папуа Нова Гвинеја: Бајден ја навреди мојата земја со изјавата за канибали

Премиерот на Папуа Нова Гвинеја, Џејмс Марапе, го обвини американскиот претседател Џозеф Бајден дека ја навредувал островската држава во Тихиот Океан, со тоа што имплицирал дека вујко му таму бил изеден од канибали за време на Втората светска војна.
Бајден минатата недела зборуваше во Пенсилванија за својот вујко Амброуз Финеган, кој беше во воздухопловните сили на САД, а за кој рече дека бил соборен над Папуа Нова Гвинеја за време на војната, според АП.
„Никогаш не го пронајдоа неговото тело бидејќи порано имаше многу канибали во поголемиот дел од таа земја“, рече Бајден.
Марапе рече дека изгледа „Бајден сакал да каже дека вујко му го изеле канибали“.
„Забелешките на Бајден можеби се непромислени, но мојата земја не сака да биде означена како таква“, рече Марапе во изјавата доставена до американската новинска агенција, пренесува „Танјуг“.
Тој додаде дека Втората светска војна не била предизвикана од жителите на Папуа, туку дека тие биле вовлечени во конфликтот.
Американската амбасада во Порт Морзби сè уште не одговорила за коментар.
Минатата недела, портпаролката на Белата куќа, Карин Жан-Пјер, рече дека Финеган, всушност, загинал кога неговиот авион се урнал во Тихиот Океан за време на Втората светска војна и не бил изеден од канибали.
Жан-Пјер им рече на новинарите дека кога Бајден сугерирал дека Финеган го изеле домородците од Нова Гвинеја во 1944 година, тој „само се обидувал да изрази колку е неверојатно горд на својот вујко“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пукањето во Белград на само 300 метри од куќата на Мирослав Илиќ, пејачот се огласи: „Боже господе, што се случува“

Во пукањето во Вишњичка бања се повредени пет лица, меѓу нив и една жена за чијшто живот се борат лекарите.
Според неофицијални информации, на пукањето му претходела тепачка, а сè се случило на нешто повеќе од 300 метри од куќата на познатиот пејач на народна музика, Мирослав Илиќ, пишува „Блиц“.
Илиќ по повод настанот се огласи за домашните медиуми.
„Живеам во мирна улица, во мирен крај. Чувај Боже што се случува. Не сум гледал вести и не сакам да знам“, изјави Мирослав за Телеграф.
Иако првичните информации укажуваа дека една жена починала, докторите во Ургентниот центар успеале да ја оживеат.
Неофицијално, повеќе вооружени лица излегле од бело комбе и почнале да пукаат. Овие информации засега не се официјално потврдени, а во тек е полициска потера по напаѓачите.
Очевидци опишале дека од белото комбе излегле неколку лица и почнале да пукаат насекаде.
Регион
(Видео) Полицијата се’ уште трага по напаѓачите по пукањето во кафулето во Белград

Пет лица беа ранети во пукање во кафуле во белградската населба Вишњичка бања, а едно лице е во животна опасност. Напаѓачите, кои пристигнале со бело комбе, влегле во локалот и отвориле оган по гостите.
Повредените – две жени и три мажи – се пренесени во Ургентниот центар. Полицијата покрена акција и сè уште трага по сторителите, јавува „Н1“.
Очевидци раскажаа дека на автобуската станица во близина имало голем број деца кои се разбегале уплашени, а пристигнувањето на итната помош се чекало долго. Жителите потсетуваат дека веќе подолг период имаат проблеми со навивачки групи во оваа населба.
Свет
(Видео) Ураган ја потопи Ибица

Ураганот „Габриел“, кој со денови пустоши над Атлантикот, денеска ја погоди Ибица и Форментера, предизвикувајќи поплави и голема материјална штета.
Видео-снимки од социјалните мрежи покажуваат автомобили, мотори и контејнери како ги носи надојдената вода, а улиците се претворени во реки од кал и дожд.
Flooding due to heavy rain on the island of Ibiza, Spain 🇪🇸 (30.09.2025) pic.twitter.com/4gM7xFwDVW
— Disaster News (@Top_Disaster) September 30, 2025
Туристи биле принудени да се симнат од брод во вода до колена.
Jeeze! Passengers step off the sea ferry in Ibiza directly into floodwaters 😳
Bizarre!pic.twitter.com/eH7tE9TLnk
— Volcaholic 🌋 (@volcaholic1) September 30, 2025
Пожарникарите на Ибица интервенирале на повеќе од 20 повици само утринава. Затворени се неколку патишта, меѓу нив и пристапот до аеродромот. Во близина на аеродромот за неколку часа наврнале 74 милиметри дожд, а има и прекини во снабдувањето со струја.
👀 This is on the Spanish Island of Ibiza before the mobile phone warning was sent out. There is a RED warning in place = Danger to life.
📹 @BailoAndrespic.twitter.com/BdXDlvFZF0
— Volcaholic 🌋 (@volcaholic1) September 30, 2025
Силното невреме предизвика проблеми и на Мајорка, каде што северниот дел на планинскиот венец Трамунтана бил најтешко погоден, како и во регионот Валенсија и Мурсија.