Свет
Претседателот на Нагорно-Карабах: Ако барате предавник, јас ќе ви кажам кој е

Претседателот на Арцах, односно Нагорно-Карабах, Араик Арутјунјан, ги повика граѓаните да не бараат предавници поради примирјето во таа област.
„Ќе ви кажам кои се предавниците. Кога беше загрозен целиот северен сектор војниците бегаа во паника, а ние немавме човечки ресурси за да ги задржиме нашите момци во позадина“, рече тој во обраќање на „Фејсбук“.
Како што појаснува Арутјунјан, за време на фронтот му станало јасно дека дел од трупите биле во паника, не армијата, ниту вооружените сили, туку оние кои биле на првата линија на фронтот, кои ги нарекува „доброволци и други“.
Тој вели дека на денот кога требало да замине на фронтот со специјални дивизии, најсилните елитни единици кои од Ерменија дошле во Нагороно-Карабах одбиле да одат на фронтот.
„Ги прашав, ги молев, им реков дека ќе бидам пред сите, но тие не дојдоа и го оставија претседателот на земјата сам да оди на фронтот. Тоа го велам денес затоа што сум принуден да ги прашам како го одбија моето барање”, рече тој.
Додаде дека му се придружила само мала група и дека благодарение на неа, дел од територијата останал под контрола на Нагорно-Карабах.
„Пред неколку дена, руски воен аналитичар процени дека ни требаат од 80 до 100 илјади луѓе или во спротивно ќе изгубиме. Не сакам да кажам колку луѓе се приклучија, ги напуштија групите или ги оставија 18-годишните момци сами“, рече тој.
Прочита и два извештаја за тоа како две дивизии напишале дека одбиваат да учествуваат во планирани воени операции.
„Тие дури и одбија да заземат позиција. Кој ја продаде земјата? Ја продадовме со целата нација, ги предадовме нашите војници, деца на возраст од 18 и 20 години“, заклучи тој.
Меѓу Азербејџан и Ерменија вчера беше постигната согласност за прекин на огност, со што се стави крај на најголемите конфликти во регионот.
Конфликтот меѓу Баку и Ереван започна во февруари 1988 година, кога автономниот регион Нагорно-Карабах со мнозинство ерменско население прогласи отцепување од Азербејџан.
За време на конфликтот во периодот 1992-1994 година, Азербејџан ја изгуби контролата над Нагорно-Карабах и седум соседни региони и оттогаш се водат повремени бори за превласт во истите. Годинава конфликтот ескалираше кон крајот на септември.
Турција и Русија денеска потпишаа договор за формирање заеднички центар за координација на напорите за следење на примирјето во регионот Нагорно-Карабах, изјави турскиот претседател Реџеп Таип Ердоган.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Фото) 1.000 луѓе заробени на Монт Еверест поради снежна бура

Неколку спасувачки екипи учествуваат во операцијата за расчистување на патиштата од снегот на источниот дел од Монт Еверест во Тибет, каде што речиси 1.000 луѓе беа заробени поради снежната бура. Според кинеските медиуми, снежната бура ги блокирала патеките.
Во акцијата учествуваат и мештани, а висината на која се наоѓаат заробените луѓе на Монт Еверест е поголема од 4.900 метри.
Неколку планинари беа успешно спуштени на безбедно место.
🚨 BREAKING: Blizzard traps nearly 1,000 people on Mount Everest’s east slope
A sudden whiteout hit the Everest east slope camp in Tibet, 4,900 meters up.
Tents crushed. Paths buried. Temperatures plummeting.Rescuers say hundreds are trapped across several camps, some showing… pic.twitter.com/nTmPS04qnK
— JJBOOM (@JordyHalo80) October 5, 2025
Еден од планинарите кој успеал да избега непосредно пред почетокот на бурата, изјавил дека „снегот паѓал без престан и достигнал повеќе од еден метар“.
Снегот почнал да паѓа во петокот навечер и продолжил вчера цел ден.
Продажбата на билети и влезот во туристичката зона на Монт Еверест биле прекинати од страна на локалната туристичка агенција, која информираше за затворањето на туристичките патеки заради ризикот од понатамошно влошување на временските услови.
Свет
Во Еквадор е воведена вонредна состојба, немирите ескалираа на улиците

Еквадорскиот претседател, Даниел Нобоа, прогласи вонредна состојба во десет од 24 провинции во земјата поради внатрешни немири предизвикани од протестите на заедницата на староседелци поради зголемувањето на цените на дизелот, јавуваат денеска медиумите.
Како што се наведува во декретот на Нобоа, овие протести станале насилни, па вонредната состојба била воведена со цел да се избегне нивната понатамошна радикализација, пренесува агенцијата Ефе.
Тој додаде дека за време на насилните демонстрации, припадниците на полицијата и војската биле нападнати, а некои од нив биле киднапирани и физички малтретирани.
Нобоа забрани јавно собирање во десет провинции, додавајќи дека мирни протести ќе бидат дозволени доколку не ги загрозуваат правата и слободите на другите граѓани.
Меѓу причините за воведување на овие мерки, кои ќе важат 60 дена, тој ги наведува и неодамнешните изјави на претседателот на Националната конфедерација на староседелечки народи (CONAIE), Марлон Варгас, кој предупреди дека протестите може да ескалираат и да доведат до заземање на главниот град Кито, ако нивните барања не бидат уважени.
Свет
Хрватот кој беше уапсен поради летање дрон близу аеродромот во Франкфурт се соочува со казна до 50.000 евра

Германската полиција презеде мерки против 41-годишен хрватски државјанин поради управување со дрон во зона забранета за летови во близина на аеродромот во Франкфурт.
Портпаролот на полицијата во Франкфурт изјави за ДПА дека нема докази дека уапсениот маж е поврзан со Русија.
Човекот им рекол на полицајците дека „само сакал да го испроба својот нов дрон“.
Хрватскиот државјанин се гони за прекршок и се соочува со парична казна. Во Германија, летовите со беспилотни летала над чувствителни области како што се аеродроми, затвори или воени бази се строго забранети. Казните за нелегални летови се до 50.000 евра.
Уште посериозно, ако се утврди дека летот претставувал опасна интервенција во воздушниот сообраќај, сторителот се соочува со затворска казна од шест месеци до десет години.