Свет
Пригожин првпат директно го повика Путин: го нарече среќен дедо, а потоа брутално го навредуваше
Лидерот на руската паравоена формација „Вагнер“, Евгениј Пригожин, првпат упати директен повик до рускиот претседател Владимир Путин нарекувајќи го дедо кој не гледа што се случува во неговата земја.
Имено, Пригожин објави видео во кое повторно жали поради недостигот на муниција и го обвинува руското Министерство за одбрана за тоа што доцни ветената испорака, пишува „Киев пост“.
In his latest video, #Wagner‘s chief is uncomplimentary about a nameless ‘grandpa’, but the context and his words make his identity obvious to everyone.https://t.co/ozRoeP9vBH
— KyivPost (@KyivPost) May 10, 2023
„Некои луѓе се борат и штедат резерви, а други собираат резерви наместо да ги снабдуваат војниците на фронтот. И наместо да потрошат граната, да го убијат непријателот, да ги спасат животите на нашите војници, тие ги убиваат нашите војници“, рече Пригожин.
Потоа, според многумина, тој директно му се обратил на Путин.
„А среќниот дедо мисли дека сè е добро. И што треба да направи државата понатаму? Господ да ги благослови сите“, рече Пригожин.
Неговите последователни изјави во голема мера ги подгреаја сомнежите дека дедото е, всушност, Путин.
„Но, што треба да направи државата, што да прават нашите деца, внуци и иднината на Русија и како да ја добиеме војната ако случајно, претпоставувам, излезе дека овој дедо е целосно ѓубре“, додава тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Асанж пристигна во Австралија: емотивна средба со сопругата и неговиот татко
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.