Руските единици за противвоздушна одбрана уништија најмалку 11 украински беспилотни летала на пат кон Москва, изјави рано утрово градоначалникот на руската престолнина, додека воздухопловните власти соопштија дека ги прекинале летовите на двата аеродроми кои го опслужуваат градот.

Московскиот градоначалник Сергеј Собјанин изјави дека беспилотните летала биле соборени над областите Раменское и Домодедово во московскиот регион. И двете области се наоѓаат на околу 40 до 50 километри јужно и југоисточно од Кремљ.

„Според прелиминарните информации, нема штета или повредени“, рече Собјанин на апликацијата за пораки Телеграм.

Рускиот авијациски регулатор соопшти дека летовите на аеродромите Жуково и Домодедово се суспендирани поради загриженост за безбедноста на воздухот по извештаите за напади. Немаше коментари од Украина.

Киев честопати вели дека неговите напади во Русија се насочени кон уништување на инфраструктурата која е од клучно значење за севкупните воени напори на Москва и се одговор на континуираното руско бомбардирање на Украина од почетокот на војната пред три години.

Explosions and fire tonight across the Russian capital of Moscow, following a large-scale Ukrainian drone attack against the city. Damage has been reported to a number of high-rise apartment buildings and other locations, with Russian authorities claiming that air-defenses downed… pic.twitter.com/lwmQvG4wrK

— OSINTdefender (@sentdefender) March 11, 2025

Сепак, според снимките кои утринава се шират на Икс, во градот може да се забележат серија експлозии. Иако не е потврдено дека тоа е Москва, не би било првпат официјална Русија целосно да демантира какви било напади, додека во реалноста ситуацијата е многу поинаква.

Синдикатот на услужни дејности ги повика денеска вработените на главните германски аеродроми на штрајк со целосно прекинување на редовните летови во Берлин во време на тензични преговори за платите во секторот.

Според германското здружение на аеродроми АДВ, ќе бидат откажани 3.400 лета, што ќе влијае на половина милион патници.

„Ќе има големи ограничувања на полетувања и пристигнувања, можеби вклучувајќи и откажувања летови“, соопшти синдикатот во петокот.

Аеродромот „Берлин/Бранденбург“ во петокот објави дека денеска целосно ќе престане со работа поради штрајк.

Во Франкфурт, најголемиот германски аеродром, компанијата „Фрапорт“ предупреди дека ниеден патник нема да може да се качи во транзитниот центар, што речиси сигурно ќе влијае на меѓународните летови, објави „Билд“.

Погодени ќе бидат и аеродромите во Минхен, Бремен, Келн, Дортмунд, Диселдорф, Хамбург, Хановер, Лајпциг и во Штутгарт.

Штрајкот вклучува речиси 5.000 државни и локални вработени вработени на аеродромите и 23.000 други даватели на услуги за воздушен транспорт, објасни во петокот синдикатот.

Работниците се повикани да ја прекинат работата за време на преговорите за платите и условите за работа, а следната рунда преговори е закажана за средината на март.

Работодавците „сè уште не дадоа понуда во контекст на тековните колективни преговори“ и покажаа „нема подготвеност да одговорат на нашите барања“, објави Верди, кој конкретно бара зголемување на платите за 8 проценти и бенефиции за инвалидност.

Дводневен штрајк го парализира сообраќајот на аеродромот во Минхен кон крајот на февруари.

Од почетокот на годината веќе се одржаа неколку предупредувачки штрајкови во градските собранија, федералните власти, болниците и во јавниот транспорт.

Неделава ќе следуваат и други, на пример, во комуналните услуги во повеќе градови во земјата.

Украински сили рано утринава ја нападнаа нафтената рафинерија „Новокуибишевск“ во руската област Ростов, објави на „Телеграм“ шефот на Центарот за борба против дезинформации при Советот за национална безбедност и одбрана, Андриј Коваленко, а пренесува „Укринформ“.

Како што се дознава, рафинеријата има годишен капацитет од 8,8 милиони тони, што ја прави една од десетте најголеми такви капацитети во Русија.

#Novokuibyshevsk refined as of now pic.twitter.com/4MlO2RX854

— Aurora Borealis (@aborealis940) March 10, 2025

Објектот произведува широк спектар на нафтени продукти, вклучително и бензин, дизел-гориво и масло за греење, од кои сите се критично важни за транспортот и воената опрема, истакна Коваленко. Тој додаде дека објектот е од стратешко значење за руската војска бидејќи обезбедува стабилно снабдување со гориво за продолжување на воените напори против Украина.

Novokuibyshevsk https://t.co/8AwCzRAaKr pic.twitter.com/RVyInfg7d6

— MAKS 24 (@Maks_NAFO_FELLA) March 9, 2025

Како што претходно објави „Укринформ“, во раните утрински часови во саботата, 8 март, беспилотни летала управувани од украинското одбранбено разузнавање го нападнаа претпријатието „Киришнефтеоргсинтез“ во руската област Ленинград.