Свет
Прогласен глад во Газа; Нетанјаху: Тоа е лага

Канцеларијата на израелскиот премиер Бенјамин Нетанјаху изјави дека прогласувањето глад од Обединетите нации во делови од Појасот Газа е „целосна лага“ и „модерна крвна клевета“. Крвната клевета е антисемитски мит дека Евреите ја користат крвта на децата за верски цели.
„Израел не води политика на гладување. Израел води политика на спречување на гладување. Единствените кои намерно се изгладнуваат во Газа се израелските заложници“, се вели во соопштението на Канцеларијата на премиерот објавено на Икс.
Во соопштението се вели дека извештајот на ОН ги игнорирал хуманитарните напори на Израел и не го споменал падот на цените на маслото, шеќерот, солта, брашното, квасецот и друго во Газа, што Канцеларијата на Нетанјаху го припишува на влегувањето на хуманитарната помош во Појасот Газа. Изворот на податоците за цените е нејасен.
Today, prices have plunged because of Israel’s surge in humanitarian aid in Gaza.
The report says nothing about the collapse in prices. pic.twitter.com/5HoIF39OML
— Prime Minister of Israel (@IsraeliPM) August 22, 2025
Повикувајќи се на податоци од координаторот за владини активности на териториите при Министерството за одбрана, Канцеларијата на премиерот наведува дека Израел дозволил милиони тони помош да влезат во Газа откако започна војната со нападот на Хамас на 7 октомври 2023 година.
Во соопштението се споменува и дека контроверзната хуманитарна фондација за Газа, која е поддржана од САД и Израел, како и невладини организации кои работат со израелска поддршка, им послужиле милиони топли оброци на жителите на Газа.
Од друга страна, канцеларијата на Нетанјаху се повикува на податоци од ОН дека во јули „од собраните 1.012 камиони со помош, само 10 стигнале до магацинот; останатите биле ограбени пред дистрибуцијата“.
Канцеларијата, исто така, ги обвинува ОН дека одбиваат да достават „стотици палети со храна“ од преминот Керем Шалом.
Во соопштението се признава дека имало „привремен недостиг“ на помош во Газа „кој Израел го надминал со воздушни испораки, поморски пратки, безбедни транспортни патишта и дистрибутивни точки на Фондацијата управувани од американски компании“.
Според соопштението, недостигот е предизвикан од „систематска кражба од страна на Хамас“.
Во соопштението не се споменува единаесетнеделната блокада на помошта што ја наметна Израел во Појасот Газа по пропаѓањето на најновиот договор за прекин на огнот и размена на заложници на 2 март.
ОН официјално прогласи глад во Газа
ОН денес прогласи глад во Појасот Газа, велејќи дека „можел да се избегне“ доколку не била „систематската израелска опструкција“.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Мерц против Брисел: Германскиот канцелар сака да ја ограничи моќта на Урсула фон дер Лајен

Германскиот канцелар Фридрих Мерц се обидува да врати дел од моќта од претседателката на Европската комисија, Урсула фон дер Лајен, објави Блумберг повикувајќи се на дипломатски извори.
Конфликт околу даноците, Украина и климата
Според изворите, Мерц сака Германија да има поголема тежина во донесувањето одлуки што директно влијаат на земјите-членки на ЕУ.
Тој веќе изрази противење на предлозите на Фон дер Лајен за воведување нови европски даноци, како и на нејзиниот план за испраќање мировници во Украина. Канцеларот влезе во конфликт околу трговскиот договор со САД, како и околу климатските прописи.
„Сега мора да ставиме клип во тркалата на оваа машина во Брисел“, им рекол Мерц на бизнисмените во петокот, според Блумберг.
Повик за „фундаментална корекција“
Пред неформалниот самит на лидерите на ЕУ во Копенхаген, Мерц повторно инсистираше на „фундаментална корекција“ на она што го опишува како прекумерна регулација. „Тоа е едноставно премногу“, рече тој, според извештајот на Германската новинска агенција (ДПА).
Одбрана, оружје и бирократија
Оваа година, Европската комисија презентираше неколку иницијативи насочени кон намалување на бирократските процедури. Една од нив е Омнибусот за подготвеност за одбрана, кој треба да ги поедностави процедурите во рамките на европскиот пазар на одбрана.
Оваа програма е дел од поширокиот план на фон дер Лајен за собирање до 800 милијарди евра до 2030 година за инвестиции во набавка на оружје и муниција.
Фото: принтскрин
Свет
Трамп бара универзитетите да го ограничат запишувањето на странски студенти ако сакаат федерални пари

Администрацијата на претседателот Доналд Трамп побара од американските универзитети да потпишат договор што ги содржи условите за добивање преференцијален пристап до федералните средства, објави вчера „Волстрит џурнал“, повикувајќи се на меморандум од 10 точки.
Документот ги повикува универзитетите да забранат афирмативна акција врз основа на раса или пол при вработување или запишување студенти, да ја замрзнат школарината пет години, да го ограничат запишувањето на странски студенти на додипломски студии на не повеќе од 15 проценти и да ја ограничат инфлацијата на оценките.
Откако повторно ја презеде Белата куќа, Трамп се закани дека ќе го прекине финансирањето на универзитетите поради конфликти околу низа прашања, вклучувајќи пропалестински протести на кампусите, трансродови политики, климатски иницијативи, програми за разновидност, еднаквост и друго.
Овој потег предизвика загриженост кај застапниците на човековите права во врска со слободата на говорот и академската слобода. Тие предупредуваат дека тоа е обид универзитетите да се потчинат на политичката агенда на републиканскиот претседател. Од друга страна, Трамп тврди дека универзитетите имаат „антиамерикански вредности“.
Според „Волстрит џурнал“, таков договор досега е испратен до девет универзитети: Вандербилт, Дартмут, Пенсилванија, Јужна Калифорнија, МИТ, Тексас, Аризона, Вирџинија и Универзитетот Браун. Доколку го потпишат, им се нудат „бројни бенефиции“, вклучително и „значајна федерална поддршка“.
Високата советничка на Белата куќа, Меј Мејлман, им изјави на новинарите дека администрацијата на Трамп очекува универзитетите да ја сметаат понудата за „разумна“.
Фото: ЕПА
Свет
Израелски министер: Палестинците кои ќе останат во градот Газа ќе се сметаат за терористи

Израелската влада им нареди на сите преостанати Палестинци да го напуштат градот Газа. Израелскиот министер за одбрана, Израел Кац, рече дека тоа е нивна „последна шанса“ и дека секој што ќе остане ќе се смета за поддржувач на милитантите и ќе се соочи со „целата сила“ на најновата офанзива на Израел.
Околу 400.000 Палестинци избегаа од погодениот од глад град Газа откако Израел започна голема офанзива за да го окупира минатиот месец. Но, стотици илјади сè уште остануваат, објавува „Асошиејтед Прес“, многумина затоа што не можат да си дозволат да заминат или се премногу слаби за да го направат патувањето до шаторските кампови на југ.
„Ова е последна шанса за жителите на Газа кои сакаат да одат на југ. Оние што ќе останат во Газа ќе бидат (сметани) за терористи и поддржувачи на теророт“, објави Кац на X.
Патот кон југ беше блокиран додека Палестинците бегаа, со камиони и автомобили набрзина натоварени со луѓе.
„Заминавме боси“, рече Хусеин ал-Дел. Израелците „удираа неселективно, без милост кон никого“.
„Ја оставивме зад себе нашата храна, нашиот мебел, нашите ќебиња и сè друго. Ги зедовме само нашите души со нас“.
Фото:ЕПА