Свет
Проектил погоди британски брод во Црвеното Море

Товарен брод во Црвеното Море претрпел помала штета кога бил погоден од проектил додека пловел во близина на брегот на Јемен, соопштија денеска британската агенција за поморски трговски операции (УКМТО) и британската поморска безбедносна компанија Амбри“, а пренесе „Ројтерс“.
Од УКМТО наведуваат дека проектилот поминал преку палубата и предизвикал помали оштетувања на прозорците, а извештајот за инцидентот го добиле нешто по полноќ. Компанијата „Амбри“ соопшти дека товарен брод со знаме на Барбадос, сопственост на британска компанија, претрпел физичко оштетување од беспилотно летало (UAV) додека пловел југоисточно во Црвеното Море.
Нема информации за повредени, бродот извршил маневри за избегнување и го продолжил патувањето, додадоа од „Амбри“. Јеменските Хути, кои се поврзани со Иран, веќе некое време напаѓаат комерцијални бродови со беспилотни летала и проектили за да „изразат солидарност со Палестинците во Појасот Газа“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Фаворитот за следен канцелар, Мерц гласаше во Арнсберг

Најверојатниот кандидат за канцелар, Фридрих Мерц од Христијанско-демократската партија (ЦДУ) гласаше во Арнсберг. Овој град со средна големина во покраината Северна Рајна-Вестфалија е негова изборна единица.
Областа околу тој град е позната како демохристијанско упориште. На последните избори во 2021 година, луѓето овде директно го избраа Мерц за претставник во Бундестагот со поддршка од повеќе од 40 проценти.
Ова беше и враќање на Мерц во Бундестагот по долго отсуство од сојузната парламентарна сцена, пишува Дојче веле.
Европа
Шолц со трчање го започна изборниот ден во Германија

Актуелниот канцелар Олаф Шолц утрово трчајки, придружуван од чувари, го започна изборниот ден во Потсдам.
Во тој град, покрај Берлин, се наоѓа неговата изборна единица. На последните избори Шолц постигна јасен резултат. Но, сега работите би можеле да станат тесни за него и неговата Социјалдемократска партија.
Анкетите спроведени пред изборите покажаа значителен пад на поддршката од гласачите.
Европа
Путин вети помодерно оружје за руските војници

Рускиот претседател Владимир Путин денеска вети дека ќе им обезбеди на руските сили помодерно оружје и технологија, еден ден пред третата годишнина од инвазијата на Москва на Украина.
„Им благодарам на сите учесници во специјалната воена операција за нивната борбеност и одлучноста за победа“, рече Путин во видео пораката по повод одбележувањето на Денот на бранителот на татковината, еден од најважните национални празници во Русија.
Кремљ официјално ја нарекува руската инвазија на Украина „специјална воена операција“.
„Денес, среде брзите промени во светот, нашиот стратешки пат кон зајакнување и развој на вооружените сили останува непроменет“, рече Путин.
„Врз основа на искуството и барањата на бојното поле, опремувањето на војниците со ново оружје е приоритет“, додаде тој.
Путин ја даде оваа изјава пред големата прес-конференција што украинскиот претседател Володимир Зеленски има намера да ја одржи денеска. Се очекува Зеленски да зборува за ситуацијата на првите борбени линии.
Конференцијата на украинскиот лидер доаѓа само неколку дена откако американскиот претседател Доналд Трамп, во пресврт на американската политика, остро го критикуваше, нарекувајќи го „диктатор“ поради одложувањето на изборите поради војната што Путин ја започна на 24 февруари 2022 година.
САД беа најважниот сојузник на Украина и снабдувач со оружје кога претходникот на Трамп, Џо Бајден, беше на функција, но неодамнешните коментари на Трамп сугерираат дека САД можеби нема да продолжат да ја поддржуваат Украина.
Додека руската војска продолжува да напредува во источна Украина, независни експерти проценуваат дека се убиени најмалку 95.000 руски војници, но овие бројки не можат да се потврдат. Од почетокот на војната, Путин ја трансформираше земјата во воена економија, а одбранбената индустрија работи со полна пареа.