Свет
Пронајдени остатоци од исчезнатата подморница, најверојатно се мртви сите 53 членови на екипажот

Остатоци од подморницата на индонезиската морнарица, која исчезна неделава со 53 члена на екипажот, се пронајдени длабоко во морето кај Бали, што оди во прилог на стравувањата дека пловилото потонало и се случила имплозија, изјави денеска шефот на морнарицата.
Подморницата „КРИ Нангала 402“ исчезна без трага во средата рано наутро во близина на индонезискиот остров Бали, додека учествувала во воени вежби.
Остатоците откриени во саботата вклучуваат и предмети од внатрешноста на подморницата, како сунѓери, шишиња со маст и предмети што се користат за молитва. Телата на членовите на екипажот не се пронајдени, изјави началникот на штабот, адмирал Јудо Маргоно.
„Нангала“ е изградена да издржи притисок на водата на длабочина од 500 метри, но остатоците се пронајдени на длабочина од околу 850 метри, што е далеку под она што се нарекува „длабочина на дробење“.
На таа длабочина, дури и челичниот труп на подморницата скоро сигурно ќе пукне од притисокот.
Екипи од неколку земји, заедно со индонезиската морнарица, со денови ги пребаруваа водите северно од Бали. Времето беше клучно бидејќи, според проценките, кислород во подморницата требаше да снема денеска.
Според морнарицата, во „Нангала“, која е изградена за да прими 34 членаови на екипажот, за време на исчезнувањето имало 53 лица.
Индонезиската морнарица во соопштението вели дека истражува дали подморницата останала без напојување за време на нуркањето.
Со воздушно пребарување на областа претходно беше откриено излевање нафта во близина на последната позната локација на подморницата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сомнителни остатоци од летало пронајдени во Полска

Полските власти истражуваат остатоци од објект што личи на дрон, пронајден на околу 100 километри од главниот град Варшава.
Тоа е последниот сомнителен објект што влегол во воздушниот простор на НАТО, по серијата упади од Русија.
– Единицата на Воената полиција во Варшава, под надзор на обвинителот на Одделот за воени работи на Окружното обвинителство, спроведува активности на местото каде што е пронајден неидентификуван воздушен објект – објави Воената полиција во објава на мрежата X.
Mazowiecki Oddział Żandarmerii Wojskowej w Warszawie, pod nadzorem prokuratora z Działu do Spraw Wojskowych Prokuratury Rejonowej Warszawa-Ursynów, prowadzi czynności na miejscu odnalezienia niezidentyfikowanego obiektu powietrznego w miejscowości Zaręby Warchoły, pow. ostrowski. pic.twitter.com/P4Raz8Lehn
— Żandarmeria Wojskowa (@Zandarmeria) October 4, 2025
Тие, исто така, ја повикаа јавноста веднаш да пријавува какви било слични неидентификувани објекти.
Полска е во состојба на зголемена готовност поради упадот на руски беспилотни летала во нејзиниот воздушен простор во септември.
Свет
(Фото) 1.000 луѓе заробени на Монт Еверест поради снежна бура

Неколку спасувачки екипи учествуваат во операцијата за расчистување на патиштата од снегот на источниот дел од Монт Еверест во Тибет, каде што речиси 1.000 луѓе беа заробени поради снежната бура. Според кинеските медиуми, снежната бура ги блокирала патеките.
Во акцијата учествуваат и мештани, а висината на која се наоѓаат заробените луѓе на Монт Еверест е поголема од 4.900 метри.
Неколку планинари беа успешно спуштени на безбедно место.
🚨 BREAKING: Blizzard traps nearly 1,000 people on Mount Everest’s east slope
A sudden whiteout hit the Everest east slope camp in Tibet, 4,900 meters up.
Tents crushed. Paths buried. Temperatures plummeting.Rescuers say hundreds are trapped across several camps, some showing… pic.twitter.com/nTmPS04qnK
— JJBOOM (@JordyHalo80) October 5, 2025
Еден од планинарите кој успеал да избега непосредно пред почетокот на бурата, изјавил дека „снегот паѓал без престан и достигнал повеќе од еден метар“.
Снегот почнал да паѓа во петокот навечер и продолжил вчера цел ден.
Продажбата на билети и влезот во туристичката зона на Монт Еверест биле прекинати од страна на локалната туристичка агенција, која информираше за затворањето на туристичките патеки заради ризикот од понатамошно влошување на временските услови.
Свет
Во Еквадор е воведена вонредна состојба, немирите ескалираа на улиците

Еквадорскиот претседател, Даниел Нобоа, прогласи вонредна состојба во десет од 24 провинции во земјата поради внатрешни немири предизвикани од протестите на заедницата на староседелци поради зголемувањето на цените на дизелот, јавуваат денеска медиумите.
Како што се наведува во декретот на Нобоа, овие протести станале насилни, па вонредната состојба била воведена со цел да се избегне нивната понатамошна радикализација, пренесува агенцијата Ефе.
Тој додаде дека за време на насилните демонстрации, припадниците на полицијата и војската биле нападнати, а некои од нив биле киднапирани и физички малтретирани.
Нобоа забрани јавно собирање во десет провинции, додавајќи дека мирни протести ќе бидат дозволени доколку не ги загрозуваат правата и слободите на другите граѓани.
Меѓу причините за воведување на овие мерки, кои ќе важат 60 дена, тој ги наведува и неодамнешните изјави на претседателот на Националната конфедерација на староседелечки народи (CONAIE), Марлон Варгас, кој предупреди дека протестите може да ескалираат и да доведат до заземање на главниот град Кито, ако нивните барања не бидат уважени.