Европа
Протекоа тајни документи: Русија направила план за војна со Јапонија и Јужна Кореја
Војската на Русија составила детални списоци на цели за потенцијален конфликт со Јапонија и Јужна Кореја, вклучувајќи нуклеарни централи и друга цивилна инфраструктура, според тајните документи од 2013 и 2014 година што ги видел „Фајненшл тајмс“. Плановите за напад, сумирани во шверцувани руски воени документи, опфаќаат 160 локации, вклучувајќи патишта, мостови и фабрики. Овие цели беа избрани за да се спречи „прегрупирање на војниците во оперативно важни области“.
Документите, споделени од западни извори со Фајненшл тајмс, укажуваат на сериозната загриженост на Москва за безбедноста на нејзиното источно крило. Руските воени планери стравуваат дека источните граници на земјата би можеле да бидат загрозени во случај на војна со НАТО и ранливи на напади од американските сили и регионалните сојузници.
Материјалите потекнуваат од архива од 29 тајни руски воени досиеја кои првенствено биле наменети за обука на офицери за потенцијални конфликти на источните граници на земјата помеѓу 2008 и 2014 година, но сè уште се сметаат за важни за руската стратегија.
Азија стана клучен дел од стратегијата на рускиот претседател Владимир Путин за инвазијата на Украина и за поширокиот конфликт со НАТО. Покрај тоа што повеќе се потпира на кинеската економска поддршка, Москва ангажираше 12.000 војници од Северна Кореја да се борат во Украина, а за возврат го зајакнува Пјонгјанг економски и воено. По лансирањето на експериментална балистичка ракета во Украина во ноември, Путин изјави дека „регионалниот конфликт во Украина доби глобални размери“.
Вилијам Алберке, поранешен експерт за контрола на оружјето на НАТО сега во Центарот Стимсон, рече дека документите и неодамнешната распределба на севернокорејските трупи докажуваат „еднаш засекогаш дека европското и азиското боиште се нераскинливо поврзани“.
Списокот на цели за Јапонија и Јужна Кореја беше пронајден во презентација за можностите на ненуклеарната крстосувачка ракета Kh-101. Експертите кои го разгледаа документот за Фајненшл Тајмс сметаат дека содржината укажува на неговото создавање во текот на 2013 или 2014 година. Презентацијата го носи знакот на Академијата за комбинирани вооружени сили, школа за обука на високи офицери.
САД одржуваат значителни воени сили во Јужна Кореја и Јапонија. Од почетокот на руската инвазија на Украина во февруари 2022 година, двете земји се приклучија на коалицијата предводена од Вашингтон, чија цел е да го зголеми притисокот врз руската воена машина. Алберке рече дека документите ги покажуваат како Русија ги перцепира заканите од азиските сојузници на Западот, за кои Кремљ стравува дека би можеле или да го ограничат или да овозможат американски напад врз нејзините воени сили во регионот, вклучувајќи ги и ракетните бригади.
Првите 82 цели на списокот во Јапонија и Јужна Кореја се однесуваат на воени објекти, како што се командни пунктови, радарски инсталации, воздушни бази и поморски инсталации. Останатите цели вклучуваат цивилна инфраструктура, како што се тунели, електрани и индустриски комплекси, како што се челичарниците во Поханг и хемиските фабрики во Бусан.
Прецизните мерења и детали на целите сугерираат внимателно планирање, но перформансите на ракетата Kh-101 за време на инвазијата на Украина покажаа значителни недостатоци.
Друга презентација ја открива руската практика на редовно тестирање на противвоздушната одбрана на соседните земји. Извештајот дава детали за мисијата на пар бомбардери Ту-95 во февруари 2014 година, што се совпадна со анексијата на Крим. Мисијата вклучуваше 17-часовен лет околу Јужна Кореја и Јапонија за да го сними одговорот на нивната противвоздушна одбрана.
Според документот, бомбардерите полетале од базата на авијациската команда со долг дострел во Украинка, на рускиот Далечен Исток. Мисијата забележа 18 пресретнувања во кои учествуваа 39 авиони. Најдолгата придружба била 70 минути, од два јапонски Ф4 фантоми, кои според руските пилоти „биле невооружени“. Само седум пресретнувања биле извршени од борбени авиони со ракети воздух-воздух.
Маршрутата речиси точно се совпаѓа со онаа што претходно оваа година ја поминаа два поморски патролни авиони Ту-142 за време на стратешките вежби во Пацификот, вклучително и прелет над спорната територија во близина на Курилските острови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Пожар зафати десетици куќи, центарот на градот блокиран: страшна снимка од голем пожар во Холандија
Голем пожар избувна денеска во центарот на холандскиот град Арнем, кој бргу се прошири на десетина згради, а сè уште не е под контрола, изјави портпаролот на противпожарната бригада.
Пожарот најпрвин избувнал во една продавница, потоа се проширил и на другите, а целиот историски дел од центарот на градот бил блокиран, пренесува „НЛ тајмс“.
Brand in Arnhem 🔥🚒 pic.twitter.com/qpONfVcoMy
— Yorick (@YorickB) March 6, 2025
Засега нема информации за повредени, но пожарникарите не можеа да ги пребараат сите запалени куќи поради интензитетот на пожарот.
Пожарот зафатил стари куќи од 18 и 19 век, со дуќани на приземје и станови над нив.
🚨🇳🇱 MASSIVE FIRE DESTROYS FURNITURE STORE IN ARNHEM—NEARBY OIL STORAGE PROTECTED
A major fire engulfed a furniture store and garage in Arnhem, Netherlands.
Firefighters prevented flames from reaching a Shell oil storage facility containing millions of liters of oil.… pic.twitter.com/2mVTkthEsC
— Mario Nawfal (@MarioNawfal) March 6, 2025
Изгореа десетина продавници и станбени блокови, изјави локалниот претставник Рене Бирман.
Полицијата и пожарникарите прават напори да ги евакуираат сите загрозени жители. За гаснење на пожарот ангажирани се речиси 150 пожарникари.
Heftige beelden van grote brand in centrum van Arnhem! Sloeg over op meerdere historische panden
Meer beelden en info via : https://t.co/zy6HhTo4vR#arnhem #nieuws pic.twitter.com/G9RwFIXS59— HaberArnhem.nl (@HaberArnhem) March 6, 2025
Портпаролот на полицијата рече дека пожарот, најверојатно, довел до испуштање азбест, а локалните жители биле предупредени да не ги отвораат вратите и прозорците.
Градската општина ги отвори своите капацитети за да ги прими евакуираните, а досега таму засолниште побарале педесетина луѓе.
Европа
Папата помина мирна ноќ во болница, вчера дури можеше малку и да работи, извести Ватикан
Папата Франциско, кој речиси три недели е во болница со билатерална пневмонија, помина уште една мирна ноќ, соопшти денеска Ватикан. 88-годишниот папа беше примен во римската болница „Гемели“ на 14 февруари со тешка респираторна инфекција, која бара постојан третман.
Ватикан вчера соопшти дека неговата состојба останала стабилна тој ден, што му овозможило малку да работи и да ја зголеми физиотерапијата за дишење и мобилност. Се додава дека тој немал никакви респираторни кризи, кои се случиле претходните денови.
Франциско не е виден во јавноста откога влезе во болницата, што е негово најдолго отсуство по преземањето на функцијата пред 12 години. Неговите лекари не кажаа колку долго може да трае третманот.
Папата во последните две години во неколку наврати страдаше од лоша здравствена состојба и е склон на белодробни инфекции бидејќи како млад имал плеврит и му бил отстранет дел од едното белодробно крило. Двојната пневмонија е сериозна инфекција, која може да остави лузни, што го отежнува дишењето.
Европа
Европа има план да го заштити украинскиот воздушен простор, се вика „Скај шилд“
Европското воено воздухопловство, составено од 120 борбени авиони, би можело да биде распоредено за да ги заштити Киев и западна Украина од руските напади без да предизвика поширок конфликт со Москва, според планот што го смислиле воени експерти.
Според предлогот, наречен „Скај штит“, станува збор за зона на воздушна одбрана предводена од Европа, која работи независно од НАТО, со цел пресретнување на руски ракетни и беспилотни напади врз украинските градови и инфраструктура. Овој систем би можел да биде дел од „примирјето на небото“, иницијатива предложена оваа недела од украинскиот претседател Володимир Зеленски.
„Скај Шилд“ ќе опфати три активни украински нуклеарни централи и градовите Одеса и Лавов, но нема да ја вклучи линијата на фронтот или источните делови на земјата. Според неодамна објавената анализа, таков систем за заштита би имал поголемо воено, политичко и економско влијание од распоредувањето на 10.000 европски војници на украинска територија.
Меѓу предлагачите на овој план се поранешниот врховен командант на НАТО во Европа Филип Бридлав, поранешниот британски генерал и заменик врховен командант на сојузничките сили на НАТО Сер Ричард Ширф и поранешниот полски претседател Александар Квашњевски. Планот беше поддржан и од поранешниот министер за надворешни работи на Литванија Габриелиус Ландсбергис, кој изјави: „Имплементацијата на Скај Шилд ќе биде клучен чекор во зајакнувањето на европската безбедност и обезбедување на ефикасна заштита на Украина“.
Иако варијантите на овој предлог се дискутираа од почетокот на руската инвазија во февруари 2022 година, иницијативата доби нов замав оваа недела, по бурната средба меѓу Зеленски и американскиот претседател Доналд Трамп минатиот петок.
По тој состанок, САД ја суспендираа воената помош за Украина и ограниченото споделување разузнавачки информации, што ја подигна свеста во Европа дека ќе треба да преземе водечка улога во поддршката на Украина и да и понуди безбедносни гаранции како дел од можниот мировен договор.
Планот Скај Шилд беше дизајниран од поранешни британски воени стратези во соработка со украинските вооружени сили, а беше претставен и пред европските министерства за одбрана. Но, досега немаше вистинска политичка волја меѓу европските лидери да воспостават воздушна одбрана над Украина додека трае војната.
Младо момче добило лажна порака да се сретне со девојка, па било однесено во куќа во Ѓорче и претепано
Хорор во скопската населба Ѓорче Петров. Мајка пријавила во полицијата дека нејзиниот 15-годишен син примил порака на социјална мрежа од лажен...
Обвинителството со детали: Кумановката добила 4.000 евра за бебето од брачната двојка, а кога го барала назад не и’ го враќале – притвор за сопружникот и мајката
Обвинителството донесе наредба за истражна постапка против пет лица, во случајот со родилката од Куманово која и’ го дала своето бебе...
Се намалува бројот на грипозни, но и последнава недела е со рекорден број новозаболени во споредба со изминатите 14 сезони
Бројот на новозаболени од грип се намалува во споредба со минатата недела, но ако се спореди со истата недела изминатите...
Исплатена првата транша во вредност од 10,4 милиони евра од унгарскиот кредит
Развојната банка ја исплати првата транша во износ од 10,4 милиони евра кон комерцијалните банки за проекти на 47 компании...
Зеленски стигна на самитот во Брисел: „Не сме сами и тоа го чувствуваме, ви благодарам“
Украинскиот претседател Володимир Зеленски пристигна на самитот за Украина и европската одбрана во Брисел. По пристигнувањето, тој им се заблагодари...
Димитриевска-Кочоска бара трпение од граѓаните за скандалот со Петровска: Многу бргу на сите ќе ви биде јасно зошто се случуваа сите овие работи
Министерката за финансии Гордана Димитриевска-Кочоска, и седум дена по скандалот во Собранието, е на ставот дека не погрешила и нема...
Хрватите во Македонија сакаат да бидат внесени во Уставот
Хрватите во Македонија ќе имаат корист од вклучувањето на хрватското национално малцинство во Уставот на земјата бидејќи тоа ќе го...
(Видео) Министерот на Трамп се појави на телевизија со крст на челото
Американскиот државен секретар Марко Рубио се појави на „Фокс њуз“ вчера со крст на челото. Христијанската традиција налага дека свештеникот...
Незгода на патниот правец Крива Паланка – Куманово, сообраќајот во прекин
Сообраќајот на патниот правец Крива Паланка – Куманово од 10:10 часот е во прекин. Како што извести АМСМ, на излезот...
„Како Заеви од просечно земјоделско семејство стасаа до сопствеништво на авиокомпании“, прашува ВМРО-ДПМНЕ
„Чудна е пасијата на СДС да води полемика за авио сообраќајот и да спомнува авио летови. Можеби таа пасија доаѓа...
„Зошто Владата три дена крие колку платила за приватниот лет за Будимпешта“, прашува СДСМ
„Мицкоски и ВМРО-ДПМНЕ, кои тврдат дека платите се доволно високи и не треба да се зголемуваат, немаат никаков проблем да...
(Фото) Разорени куќи, уништени возила: како изгледа селото во Јужна Кореја каде што воен авион случајно фрлил бомби
Разорени куќи, уништени возила… Ова се ужасните сцени во Почеон, Јужна Кореја, каде воен авион случајно исфрли бомби, при што...
Орбан му напиша на шефот на Европскиот совет: „Мораме директно да преговараме со Русија“
Лидерите на Европската унија денеска се собираат во Брисел за да најдат одговор на драстичната промена на САД во поддршката...
Денеска е големиот самит на ЕУ: „Европа е пет минути до полноќ“
Додека 27-те лидери на ЕУ се собираат во Брисел, тие се свесни дека безбедносниот поредок воспоставен по 1945 година –...
(Видео) Корејски воен авион случајно фрли осум бомби, при што беа повредени најмалку седум лица
Најмалку седум лица се повредени откако јужнокорејски воен авион случајно фрли бомби надвор од полигонот Сеунџин во Почеон, Јужна Кореја....
Трамп му се закани на Хамас: Веднаш вратете ги сите тела на луѓето што ги убивте или за вас е готово
Американскиот претседател Доналд Трамп му се закани на Хамас со „последно предупредување“ и ги повика да ги ослободат сите заложници...
(Видео) Канаѓаните масовно ги бојкотираат американските производи: „американото“ стана „канадијано“
Во незапаметено прикажување на националното единство Канаѓаните се здружуваат во бојкот за да одговорат на ескалацијата на трговските тензии со...
(Видео) Макрон: Мора да се подготвиме, САД можеби повеќе нема да бидат со Европа
Францускиот претседател Емануел Макрон и се обрати на јавноста пред утрешниот самит на Европската унија во Брисел. Макрон утрово на...
Зеленски: Очекуваме позитивни вести од САД почнувајќи од следната недела
Киев очекува позитивни вести од САД почнувајќи од следната недела, изјави украинскиот претседател Володимир Зеленски. Во своето ноќно обраќање, Зеленски...
Обвинителството предложи одземање на пасошот за двајцата возачи поради сообраќајката на автопатот Гостивар-Тетово во која загина жена
Основното јавно обвинителство Гостивар поведе постапка и предложи мерки на претпазливост за двајцата возачи по вчерашната сообраќајна несреќа на автопатот...
