Свет
Протести во Германија против ограничувањата поради коронавирусот

Во Германија денеска се одржа протест против ограничувањата поради коронавирусот. Протестот, на кој имаше нереди, беше прикажуван во живо на интернет.
На собирот млада жена била споредена со жена која се борела против нацистите во Втората светска војна, при што еден член од обезбедувањето ја обвинил за банализација на Холокаустот.
Неколку луѓе кои протестираа ги носеле ѕвездите на Давид, симболи кои нацистите ги принудуваа Евреите да ги носат за време на Третиот рајх пред да ги убијат.
Една жена зборуваше на сцената во Хановер, велејќи им на колегите демонстранти дека се чувствува како Софи Шол, бидејќи е активна во отпор, држи говори, оди на протести, дели флаери. Шол заедно со нејзиниот брат и другите членови на групата за отпор на Белата роза, се борела против нацистите.
Откако дистрибуирала летоци на Универзитетот во Минхен, таа била осудена за велепредавство и егзекутирана од нацистите во 1943 година.
Германскиот министер за надворешни работи Хајко Мас денеска на својот профил на Твитер напиша дека споредбата со Шол ја исмева храброста потребна за заземање став против нацистите.
„Ништо не ги поврзува протестите со борците на отпорот. Ништо!”, Напиша Мас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Мерц: Никој повеќе не треба да има илузии, Германија е во структурна криза

Германскиот канцелар Фридрих Мерц призна дека справувањето со економските предизвици се покажува како многу поголем предизвик отколку што првично очекувал.
„Го кажувам ова со самокритика – задачата е поголема отколку што некој можеше да замисли пред една година. Не сме само во период на економска слабост, туку сме во структурна криза на нашата економија“, рече Мерц во саботата за време на говорот во северниот германски град Оснабрик.
Податоците објавени во петокот покажаа дека германската економија се намалила повеќе отколку што првично се проценувало во вториот квартал. Економската активност во Германија се намалила за 0,3 проценти во вториот квартал во споредба со претходните три месеци, пад што е за 0,2 процентни поени посилен од оној што го покажа прелиминарната проценка.
„Никој не треба повеќе да има илузии за тоа колку се длабоки и далекусежни предизвиците со кои се соочуваме“, им рече Мерц на членовите на неговата партија Христијанско-демократска унија (CDU) во Долна Саксонија, покраината каде што е седиштето на производителот на автомобили „Фолксваген АГ“.
Тој го посочи падот од 36% на профитот по оданочување на „Фолксваген“ во вториот квартал како само „една од многуте пораки“.
„Големи делови од нашата економија повеќе не се конкурентни, а тоа е прашање на ценовна конкурентност“, предупреди Мерц, без да ги именува компаниите.
„Квалитетот е сè уште добар и раководителите на компаниите ги препознаваат овие предизвици. Но, основните услови во Германија едноставно не беа доволно добри во последната деценија“, додаде тој.
Откако ја презеде функцијата оваа година, Мерц вети сеопфатни реформи насочени кон намалување на бирократијата, модернизирање на инфраструктурата и зголемување на домашната побарувачка. Неговата влада планира да инвестира стотици милијарди евра во патишта, мостови и вооружени сили за да ја зголеми продуктивноста.
Во саботата, тој ги истакна новите даночни олеснувања за деловните инвестиции и го повтори своето противење на зголемувањето на даноците за средните компании. Тој, исто така, призна дека американската царина од 15% за германскиот извоз би била товар за економијата, но предупреди дека отворената трговска војна со Вашингтон би можела да биде многу полоша.
фото: принтскрин
Свет
Десеттиот обид за лансирање на „Старшип“ на Маск е откажан, објавена е причината

„Спејс Икс“ го откажа својот десетти пробен лет на својата џиновска ракета Starship од Бока Чика, Тексас. Лансирањето беше закажано за недела во 18:30 часот по локално време, но по кратко одложување до 18:50 часот, беше целосно откажано.
Компанијата соопшти дека одлуката е донесена за да „се овозможи време за решавање на проблемите со копнените системи“.
Целта на мисијата беше да се спроведат серија тестови и да се соберат податоци, а потоа ракетата да се спушти во Мексиканскиот Залив.
Standing down from today's tenth flight of Starship to allow time to troubleshoot an issue with ground systems
— SpaceX (@SpaceX) August 24, 2025
„Старшип“ е клучен за амбициите на Маск, со кој тој сака да ги врати луѓето на Месечината и еден ден да изгради град на Марс. Од деветте обиди досега, само неколку беа делумно успешни, а три оваа година завршија со спектакуларни експлозии: во јануари и март, остатоци паднаа на карипските острови, а во мај во Индискиот Океан.
Мисијата во неделата требаше да тестира и нови топлински плочки и за прв пат да распореди симулатори на „Старлинк“ сателитите. „Спејс Икс“ планира наскоро безбедно да го слета горниот дел од ракетата, но засега тоа не е постигнато.
фото: принтскрин
Свет
Лавров ги соопшти условите на Русија за постигнување мир во Украина

Рускиот министер за надворешни работи Сергеј Лавров денеска ги изложи клучните услови на Русија за постигнување мир во Украина, предлагајќи безбедноста на земјата да биде гарантирана од група нации во кои ќе бидат вклучени постојаните членки на Советот за безбедност на ОН.
Во интервју за американската NBC News, Лавров откри дека рускиот претседател Владимир Путин и американскиот претседател Доналд Трамп разговарале за прашањето за безбедносните гаранции, при што Путин потсетил на неуспешните разговори одржани во Истанбул во 2022 година.
На тие на разговори на маса било ставено прашањето за трајна неутралност на Украина во замена за безбедносни гаранции од петте постојани членки на Советот за безбедност на ОН – САД, Велика Британија, Франција, Кина и Русија, со учество на други држави. Лавров сега прецизираше дека, покрај членките на Советот за безбедност, оваа група гаранти би можела да ги вклучи и Германија и Турција.
Според Лавров, моделот е јасен – „гарантите би ја гарантирале безбедноста на Украина, која мора да остане ненуклерана, да биде неутрална и не смее да биде поврзана со никаков воен блок“.
Тој уште еднаш нагласи дека членството на Украина во НАТО е неприфатливо за Русија. Покрај тоа, Москва бара и заштита на правото на употреба на рускиот јазик, како отворање разгорои за територијални прашања.
Руски официјални претставници и досега повеќепати кажуваа дека Москва од Киев да го предаде целиот источен регион Донбас, да се откаже од амбициите за НАТО, Украина да остане неутрална и да не се дозволи присуство на западни трупи на нејзина територија.